قصـــــــــــيدة في الأمير ماجد أبا العلا

[أبو جواد]

السلا م عليكم ورحمة الله وبركاته
هذه القصيدة موجهه إلى الأمير ماجد بن عمر أبا العلا العصيمي العتيبي وربعه العلوات الذين سجلو أجمل وأروع الموقف المشرفة
بحـــــرا بلى ساحل
مني لبو صيته سـلام وتحيـــات
مـــن غربـي أوربـا لـــشرقي الصــين
ومن دولة المغرب ليمن عرفات
ومن الخلـــيج أليا أقـصا الفلبــين
سلام ممزوجا بأحلى العـــبارات
أكـــرره يامــــير بــكره وذلــــحين
من ديرتـي ياصــل كل الــعلوات
الــلابـــه الـــي كلبوهم سـلاطـــين
أفعالــهم ماهي سـوالف مـجلات
أفــعالهم تاريــخ وشــوفوا الدواويــن
بالعلم والتعليم حازوا شـهادات
وللـــبذل والــمعروف رجالا كريمــين
وللرأي والحكمة قاده وســادات
وللضــيف والــعانــي رجالا مــيامــين
ولاجيت للوقــفة نهــار الملمات
تلـــقــى رجـــالا ماتـــهاب الــمعاديـــن
ثوب التواضع لابسينه وهيهات
شــي نـــشوفــه مانـــبي لــه بــراهــين
يامير أنا واقـف بـين المـسارات
مبغى الطريق يســار ولـقدر على يمــين
مات الأمل في داخلي والطموحات
ودايـــــم أرددهــــا يالـــيـــل ياعـــــيــن
هــما ســكن فلــبي كبر الــسروات
ولــولا ثــبات الــرب صـــرنـا مــجانـــين
في زحمة الدنيا وسيل الشهوات
انــقسمــوا الـــعالــم يـامـــيــر قــسمــيـن
من كان عنده مال نال الصـــدارات
ولــبس مــن الــتقــديــر تــاج ونــياشــين
والي مثل وضعي عفوا سـلامـات
مــــالـــه تــرى يــاميــر فزاع و مـعـيـــــن
غير الولي خلاق سبع السموات
ورزقــي علي الـــي كــون الكــون تكــويــن
والله خلــق بالناس رموز وقدوات
والـــجــود الــه نـاســا قــول ومــضـامـــيــن
مثلك يابو صــيته أله دوم وقـــفات
حـــاتـــم زمـــانـــك يارفـــيقــي مــن سنـــين
بحرا بلى ساحـــــل إلى محـــيطات
وقــدرك تــرى عــندي على الراس والعــين
وخـتامــها مـني صــلا ة وتحــيات
عـــلــى رســــول بيـــن الديـــن تبــــيـــين



الــــــــــــشاعر / أبــــــــــــو جواد
Fg.555@hotmaL.com

[عبدالله البرقاوي]

يستاهل ابو نايف المدح هذا واكثر
لاهنت يابو جوااد
صح لسانك وبيض الله وجهك

[متعب العصيمي]

صح لسانك وبيض الله وجهك , ويستاهل ماجد ابا العلا..

لا خلا ولا عدم..

موودتي..

[نايف العبيد العتيبي]

ابوجواد


صح لسانك ولاهنت

/

بيض الله وجك


دمت بود

[ابوبجاد الرويس]

صح لسانك اخوي ابوجواد

ويستاهل ماجد ابا العلا

[مخلف الهقاوي]

صح لسااااانك ويستاهل ابا العلا

[أبو جواد]

عبدالله العصيمي شاكر لك هذا المرور القيم تحياتي
متعب العصيمي الله يعطيك العافية
العتيبي نايف لك كل التقدير
أبو بجاد شهادتي فيك مجروحة لك كل الود
مخلف الهقاوي مافيك حيلة أبي أسمع جديدك

[ماله امان]

الاخ ابو الجــــــواد

صح لسانك ويستاهل اكثر الشيخ ماجد أبا العلأ0تحياتــــــي ،،،،

[أبو زيد]

صح لسانك يابو جواد

والأمير ماجد أبا العلا يستاهل أكثر...

تحياتي

[ناصر الجلاه]

صح لسانك يالذيب ويستاهل ماجد اباالعلا

[أبو جواد]

ماك أمان مشكور على مرورك
فزاع تسلم ياغالي وبيض الله وجهك

[عبدالمجيدالشمري]

صح لسانك ويستاهل الشيخ / ماجد ابالعلا كل خير وعز الله انه امير وشيخ بمعنى الكلمة رجل ولاكل الرجال وشيخ ولاكل الشيوخ يستاهل المدح والثناء وانت يابوجواد وفيت وكفيت طال عمرك

[أبو جواد]

عبد المجيد الشمري تسلم أخوي على مرورك والجميع بسلم