اي عتيبي يقرب

[عنزي جعفري]

اي عتيب يجي


سلامي ياعتيبة سلام نور مع نور = ومن يبغى المعاني يجي يمي هنيا
عتيبة ياعتيبة مدام الوضع مخطور = وش اللي يلفت انظاركم يم الثريا

[خوي السعد]

وصلك العتيبي ياعنزي

[وحي العقل]

بعدي


ياخوي السعد



الليل الليل

[خوي السعد]

هلابك يالمسلم بطيبة نفس وسرور = من رجال المواجيب ورجال الحميا

وصلنا للثريا وجا فوق القمر دور = وبامر الله مناوي هل الطاله تهيا

[خوي السعد]

تسلم ياطويق .

[مرزوق حمدان العتيبي]

عتيبة ياعتيبة مدام الوضع مخطور
وش اللي يلفت انظاركم يم الثريـا
...
ياسلام يالوايلي صح لسانك والله يحييك
سعداء بتواجدك ....
...

وصلنا للثريا وجا فوق القمر دور
وبامر الله مناوي هل الطاله تهيـا


الله اكبر ياخوي السعد يشهد علينا الله انك كفو..
..

[وحي العقل]

هلابك يالمسلم بطيبة نفس وسرور
من رجال المواجيب ورجال الحميا

وصلنا للثريا وجا فوق القمر دور
وبامر الله مناوي هل الطاله تهيـا

نعم نعم


كلام عليه الكلام

[خوي السعد]

الاخ المحترم طويق اتشرف بتواجدك معي على هالصفحه
____________
الاخ مرزوق العتيبي انتم هل الاوله وثناءك تراه قمة الفخر يامسندي

[الشبـــح]

الله الله ..

وصلنا للثريا وجا فوق القمر دور
وبامر الله مناوي هل الطاله تهيـا

صح لسانك ياخوي السعد ..

مبدع ..

[عنزي جعفري]

استلم



ياعلك للبقا ماعليكم عيب وقصور= وانا من عزوة فعلهم ماله سميا
تقول انك تمنى وماض العلم مخبور= مناويكم مع العاصفه طارت كذيا

[عنزي جعفري]

اشكر كل من تفاعل مع هذه المحاورة برده وتشجيعه


وتقبلوا تحياتي

[خوي السعد]

ليا طريت عزوتك فيها الطيب مذكور = ولانهضم من احقوق ربعك لو بليا
علام الجعفري قام يدفعها على الجور = ونور الحق لعيون خلق الله جليا

[نايف الحميدي]

الله الله



خوي السعد صح لسانك


ولسان العنزي



واصلووووووووو على القوه

[فهيد مقعد الرويس]

خوي السعد

صح السانك وازهل الصف

وابونجر فالطريق وصفوفه معه ههههههههههه

ولايهون الجعفري

تحياتي للجميع

[الأبتـــر]

العنزي


خوي السعد


واصلوا متابعين وصح ألسانكم

[عنزي جعفري]

استلم يالخوي



على اللي قلت في عزوتي مشكور مشكور= هل الطولات يثني عليهم كل حيا
واشوفك يالعتيبي تحب تلف وتــــــــــــــــدور= اثر من يكره الشمس بالظل يتفيا

[غازي غالب]

عنزي جعفري .. يامرحبا بك في منتدى الهيلا .. حللت اهلاً .. ووطئت سهلاً يالوايلي ..

وصح لسانك ولسان خوي السعد .. لاهنتوا .. واصلوا ومتابعين لكم ..


تحيااااااااتي لكم

[خوي السعد]

على هرجتك هذي ترى منته بمجبور = ولا ادري ويش حدك تسوي هالسويا ؟
ترى ربي خلقنا كعام لكل مغرور = يامن غره زمانه عن الخيره وعيا

[عنزي جعفري]

احسنت على الرد الجميل لكن استلم



يقولون الحقيقية تسبب ضيقة صدور= مدامك ماتبي قولها نطويه طيا
تراك بحكمة الوايلي منهي ومامور=تريح وانتبه واستمع وارقد هنيا

[خوي السعد]

مشكور وانت كذلك احسنت
وللمعلوميه ترى هنيا سرت في بيوتك الاوله



ياراع البندق اللي تزم بلحظة اتثور = ترانا عارفين المبيّن والخفيا
تكلم لك كلام (ن) واعرفك عنه مقصور = تبطح بالنجف يوم قام لها القصيّا

[عنزي جعفري]

خوي السعد القافيه لم تسري
لان (هنيا) الاولى بمعنى هنا يعني تعال لي في هذا المكان
اما (هنيا) الثانية فهي من الهناء يعني ارقد مهتني في نومك
وطريقة لفظ الكلمة الاولى تختلف عن طريقة لفظ الكلمة الثانية
وكذلك المعنى يختلف

استلم

مدامك تعرف الخافيه ماانته بمعذور= لو انك تترك بضامرك شي(ن) عليا
تسوي لك بلاوي تخططها ورى السور=ولكن كل مره تطيحون بيديا

[خوي السعد]

بيض الله وجهك ونشكرك على التوضيح

هالله هالله

ياراع الفتنه اللي تحاول تنبش اقبور = ترى منت بمحصل وراها (الا) الاذيا
تظن انك بري والبلا داخلك مبذور = ولو نقعد نفتش لقينا فيك شيا

[مرزوق حمدان العتيبي]

...
.
محاوره من الوزن الثقيل
والمعنى العميق ...
الجعفري العنزي انشهد انك مبدع وصح لسانك ...
...
خوي السعد وش اقول فيك ايها العملاق ...
كبير كبير لاعدمتك
.....
متابعين

[الجعفري]

الله يعافيكم جميعا شعراء مبدعين

[عنزي جعفري]

استلم ياعتيبي


علامك قمت تجمع مابين الصدق والزور= تحول تهمتك يم رجال(ن) بريا
مدام ان الصقور الشهيره تصحب صقور=اجل وشلون صارت تتابع للحديا

[خوي السعد]

طيب طيب هييييييييييييه


اعد الصدق يالجعفري والبيت معمور = واحطك يالمسامه على ظهر المطيا
كثير الناس يزمر وهو في وزن عصفور = مردتس يالرديه على الرجل الرديا

[خوي السعد]

الجعفري
والشاعر الكبير مرزوق العتيبي
مشكورين على التواصل من كل الاعماق

[عنزي جعفري]

خوي السعد بما اني بديت اجعل الختام عندك

ارجو التجاوز عن الغلطات
واشكر عظيم الشكر كل من تفاعل مع هذه المحاورة من الاخ مرزوق العتيبي
والجعفري وغيرهم
وباذن الله ياخوي السعد لنا لقاءات قادمةوهذه هي المحاورة كاملة

عنزي جعفري
سلامي ياعتيبة سلام نور مع نور ومن يبغى المعاني يجي يمي هنيا
عتيبة ياعتيبة مدام الوضع مخطور وش اللي يلفت انظاركم يم الثريـا


خوي السعد
هلابك يالمسلم بطيبة نفس وسرور من رجال المواجيب ورجال الحميا

وصلنا للثريا وجا فوق القمر دور وبامر الله مناوي هل الطاله تهيـا



عنزي جعفري
ياعلك للبقا ماعليكم عيب وقصور
وانا من عزوة فعلهم ماله سميا
تقول انك تمنى وماض العلم مخبور
مناويكم مع العاصفه طارت كذيا


خوي السعد
ليا طريت عزوتك فيها الطيب مذكور
ولانهضم من احقوق ربعك لو بليـا
علام الجعفري قام يدفعها على الجور
ونور الحق لعيون خلـق الله جليـا


عنزي جعفري
على اللي قلت في عزوتي مشكور مشكور
هل الطولات يثني عليهم كل حيا
واشوفك يالعتيبي تحب تلف وتدور
اثر من يكره الشمس بالظل يتفيا



خوي السعد
على هرجتك هذي ترى منته بمجبـور
ولا ادري ويش حدك تسوي هالسويا ؟
ترى ربي خلقنا كعـام لكـل مغـرور
يامن غره زمانه عن الخيـره وعيـا



عنزي جعفري
يقولون الحقيقية تسبب ضيقة صدور
مدامك ماتبي قولها نطويه طيا
تراك بحكمة الوايلي منهي ومامور
تريح وانتبه واستمع وارقد هنيا


خوي السعد
ياراع البندق اللي تزم بلحظـة اتثـور
ترانـا عارفيـن المبيّـن والخفـيـا
تكلم لك كلام (ن) واعرفك عنه مقصور
تبطح بالنجف يوم قـام لهـا القصيّـا


عنزي جعفري
مدامك تعرف الخافيه ماانته بمعذور
لو انك تترك بضامرك شي(ن) عليا
تسوي لك بلاوي تخططها ورى السور
ولكن كل مره تطيحون بيديا


خوي السعد
ياراع الفتنه اللي تحاول تنبش اقبور
ترى منت بمحصل وراها (الا) الاذيا
تظن انك بري والبلا داخلك مبـذور
ولو نقعد نفتش لقينـا فيـك شيـا


عنزي جعفري
علامك قمت تجمع مابين الصدق والزور
تحول تهمتك يم رجال(ن) بريا
مدام ان الصقور الشهيره تصحب صقور
اجل وشلون صارت تتابع للحديا


خوي السعد
اعد الصدق يالجعفري والبيت معمـور
واحطك يالمسامه علـى ظهـر المطيـا
كثير الناس يزمر وهو في وزن عصفور
مردتس يالرديه علـى الرجـل الرديـا

[مرزوق حمدان العتيبي]

..
.
عنزي جعفري ... وخوي السعد
بيض الله وجيهكم على هالمحراف .... وصحت السنتكم ..
..
شكري وتقديري
...