ما دون الحلوق الاّ اليدين

[علي فلاح العضياني]

يا صاحبي سلطان ما دون الحلوق الاّ اليدين=هذا مثل سايد ومعروف اسمع العلم اسمعه
قدّام لا تنهال فوقك من يسار ومن يمين=قومٍ تشيل رماح وسيوف اسمع العلم اسمعه

[عمرالروقي]

صح لسانك يالفاااالح
ولاااااااهنت
وفي نتظار
سلطان الجذع
وصح لسانه مقدما
-
متابع لا ستزيد من الابداع
منكما

[سلطان الجـذع]

لاتقصر يديكم وتبقوا طمعة للطامعين =انته بأبو عرام مكلوف اسمع العلم اسمعه
مابي خلاف اردها لن جات بالجنب المتين =ياللي لحقكم فالزمن خوف اسمع العلم اسمعه

[علي فلاح العضياني]

يا ربعنا الجذعان لا يركبكم ابليس اللعين=اللي يغوي كل ملقوف اسمع العلم اسمعه
اجل مدام انّك تحمّل ضربة السيف السنين=يبا يجيك شوي وتشوف اسمع العلم اسمعه

[علي فلاح العضياني]

هلا وغلا



يا عمر الروقي

[سلطان الجـذع]

ياربعنا العضيان مانبغى نزيد الدين دين =مدوه لايبلش بمصروف اسمع العلم اسمعه
اثرك تلعبها على قول الرجال بنيتين =لكن عليه صعبه تطوف اسمع العلم اسمعه

[سلطان الجـذع]

عمر الروقي

حياك الله ياعمي

تواجدك فــــــــــخر

[علي فلاح العضياني]

مدام انا وايّاك في هالمنتدى متواجدين=مدّ النظر لا ترخي الشوف اسمع العلم اسمعه
حكّم ضميرك واصلح النيّات والدعوى تزين=عسى تعبنا معك مخلوف اسمع العلم اسمعه

[سلطان الجـذع]

من بينا أحسن ليه ننظر في حصيل الصاغرين =اللي تجمٌع قطن مع صوف اسمع العلم اسمه
بالله لاتقعد تقلب معي مثل أبا الحبين =حنا كشفنا الدرب ملفوف اسمع العلم اسمعه

[علي فلاح العضياني]

انت إمتكبّر ما تشوف الناس غير بنص عين=تراك يا سلطان مكشوف اسمع العلم اسمعه
انا خصيمك لو يطولنّ الليالي والسنين=والله لتصبح طير منتوف اسمع العلم اسمعه

[عمرالروقي]

فـــتــــــــل
&
ونـــقـــض
0
0
0 جميل
واااااااصلوا

[سلطان الجـذع]

ماهو تكبر ,,,كل بمقدار بين الغانمين =كلن بحسب الحجم معروف اسمع العلم اسمعه
ماانت بخصيمي قد ربيتك والنشاما شاهدين =حر على يمناي معسوف اسمع العلم اسمعه

[علي فلاح العضياني]

ياللي تراوغ والمراوغ من طبوع ابا الحصين=انت بصفاته صرت موصوف اسمع العلم اسمعه
ما يبلش العرّاف غير اللي العالم المتطفلين=كلٍ يعاني له من ظروف اسمع العلم اسمعه