المساعد الشخصي الرقمي

مشاهدة النسخة كاملة : دخيلك تخلي ضايق الصدر بهمومه تراني على حد البكا لا تبكيني

ابوراكان2000
30-May-2007, 07:33 PM
بيت شعر اعجبني كثيرآ

دخيلك تخلي ضايق الصدر بهمومه تراني على حد البكا لا تبكيني


تكفون ابي القصيدة كلّها كاملة اللي يعرفها او يعرف اسم الشاعر ان لا يبخل علينا ويزودنا به
معالشكر سلفآ
ابوراكان2000
02-Jun-2007, 06:26 AM
افا يا ذا العلم 22 شنب يدخلون ولا واحد جاب لو اسم الشاعر وينكم يا عيال الهيلا
عنادالرويس
02-Jun-2007, 03:31 PM
ابو راكان
والله اني متشوق مثلك على القصيده وانا كل شوي اخش واطلع مااشوف تفاعل

وبحثت عنها ولا وجدها 0
وبرضو راح اسال عنها
تقبل مروري
نجم العتيبي
02-Jun-2007, 09:39 PM
صح السانك اخوي ولاهنت على القصيده
ابوراكان2000
03-Jun-2007, 07:22 PM
الأخوان الكرام نجم العتيبي وعناد الرويس اشكر لكم تفاعلكم

والله اني تعبت وانا ابحث في قوقل وبعض الكتب والمنتديات ولكن دون فائدة

لكن انشاء الله يجينا احد يعرف اسم الشاعر علي ألأقل
خالد السهلي
26-Jul-2007, 04:04 AM
اخوي الكريم تسأل عن القصيدة وصاحبها


اولا البيت هكذا

دخيلك تخلي ضايق الصدر في حاله=تراني على حد البكا لاتبكيني


صاحبها اخوك خالد بن غنام بن عيد السهلي


وهاهي القصيدة


وقد نسخت لك الموضوع كاملا من مجالس السهول




السلام عليكم ورحمة الله وبركاته

هذه الابيات قلتها عام 1422
وآخر بيت فيها تناقلته الجوالات حتى وصلت عبدالله بن حمير القحطاني
فوجدتها قبل ايام على غلاف كتاب له بعنوان رسائل الجوالات
وجرى التنويه لكي لايساء الظن بأخيكم





تصرم شهور العام والوقت في فالـه
مقفي وانا اللي منه خوفي على سنيني
اعد الشهر باليـوم واراقـب هلالـه
واعض اصبعي لازل من غير تثميني
وانا اللي من اول كل شي على بالـه
وعلمي بكيفي بين يسـراي ويمينـي
اناجي زماني واتخيـر مـن دلالـه
ولايطري المكروه من بينـه وبينـي
يالين انْه صافحني بيمنـاي بشمالـه
وبيّن لي اللـي نـاوي يفعلـه فينـي
الاواسفاب الزرع ياللـي تحـرا لـه
زرعته بعشر سنين واقفى بيومينـي
عقب قلت زان الوقت صـد وتلوالـه
وعودت انا المفهور وش عاد بيديني
ويالايمـي غـارات الايـام قتالـة
ولو تكثر من اللوم ماعـاد يمدينـي
دخيلك تخلي ضايق الصدر في حالـه
تراني علـى حـد البكـا لاتبكينـي
عنادالرويس
28-Jul-2007, 11:08 AM
خالد السهلي

الله لايهينك على تفاعلك ونقلك القصيده بأكملها

يسلمووووووووو ياصاحبي
ابوراكان2000
07-Sep-2007, 02:59 AM
اخوي خالد السهلي الله يمسيك بالخير وصح لسانك

والمعذرة علي التأخر في الرد عليك لأنني كنت مسافر واليوم وصلت الي قواعدي سالم والحمدلله وعندما اسعرضت مواضيعي وجدت الكثير من المشاركات من الأخوان لأن غيبتي كانت طويلة 3شهور


تحياتي وتقديري لأستجابتك وتفاعلك 000واما القصيدة فسأكتبها بماء الذهب