وحي العقل
28-May-2007, 06:58 PM
هذا الموضوع سوف اخصصه للمحاورات للفايف ستار ان صح التعبير
لشعراء المنتدى التي سوف انزلها على فترات متلاحقه
الفالح =العضياني
انا اشوف الجذع تال الليالي مختلف بالحيل=ولا ادري وش حصلّه تالي الايام يا كافي
منوّل في ميادين الاصايل فوق ظهر الخيل=وذالحينه مع الخليان ويسج القـدم حافـي
سلطان= الجذع
يبا يطلع عليك النور صبح ليا سريت الليل=تراني مااختلف طول الزمن وافي مع الوافي
ليا ماحصل الضرمان يالعضيان بن وهيـل=يبا يقفي الشريف وفالبلد يلقى له أشرافـي
الفالح= العضياني
ليا منّي سريت الليل اعاين فالجـدي وسهيـل=لكن انته ما اشوفك قدمي ولا اشوفك خلافـي
ترى العضيان اهل عمهوج توفي للرجال الكيل=وكمّ مره تحمّلـك الحمايـل فـوق الاكتافـي
سلطان= الجذع
بعيد عنك مانت بشايفه لو كان بالدربيل=تعلا للمعالي وانت وسط المشلح الدافي
ياكم من ليلة فيها عليكم من طرفنا ميل=على الله يابعارين تشيل ثقال وخفافـي
الفالح =العضياني
وصلنا للمعالي وانت رايح في ذبيـل كحيـل=تراك انته طرف محسوب دايم ضمن الاطرافي
نحمّلك الحمول الجايره حتى مـا عـاد تشيـل=و لا لك حيله الاّ تجلب اللي مـا لهـا رافـي
سلطان= الجذع
يقولون العرب ماتنفع الحيلـه بليـا حيـل=مع أهل الصنف لاتقعد تلم ارباع وانصافي
لو الوجه القبيح مع الزمن ينفع به التجميل=لقينا اوصاف معقوله بدل هذيك الاوصافـي
الفالح =العضياني
علاك خيال سدّ خيال وانته تحت وبل السيل=لكنّ اصبر دقيقه لين حتّى يصفي الصافـي
على الضلع القصيّر وقعنّ ثنتين يا ريجيل=اثر سلطان بالمكشوف ما يدري عن الخافي
سلطان= الجذع
نصيحه تزبن القاضي زبن وتحط له توكيل=ترى ماقفك يابو زيد ماهو ربـع ميقافـي
ترى بعض السوالف ناقصه ماتحمل التحليل=وانا ماالد عيني في بيوت نورهـا طافـي
الفالح =العضياني
هجدك الله هجاد اللي غزو مكه بعام الفيل=ترى هدّاج راهي ماه طول الوقت ما يافي
انا جبت العلوم الواقعيّه موجز وتفصيـل=على شان الغبي يفهم ويا ستر الله الضافي
سلطان= الجذع
عوافي يالعضيانـي والا ياويلكـم بالويـل=ترى الرحلة طويلة والركاب هزال وضعافي
يادكان المحاني لو عرضك الشيخ للتقبيـل=يبي يطمعك غير معمـر القـذاف قذافـي
فالح= العضياني
اجل ما دامت اركابك ضعيفـه لازم التبديـل=ابا اشيّب رموشك قبل معـك اشيّـب القافـي
ابا اقبّلك يا بسطة عفيـف لمـن يبـا تدخيـل=وانا راكب ذلولي وانت روح اركب على هافي
سلطان= الجذع
عليه بالحرام انك بعـد علمـك هـذاه خبيـل=واظن اللي يورى بك على تال الزمـن عافـي
وألا ياللي حذفت القرش الاسود في طريق الريل=على دربه علـى دربـه ولايـدري ولاشافـي
الفالح= العضياني
انا اشوفك تضلل وش تبا يا اخوي بالتضليل=وانا ماني خبل ربعي قضاة حقوق عرّافـي
ليا منّه وزا ذيب الغداري في جبال هذيـل=يجيك ذياب بكره تعتلي في كـل مشرافـي
سلطان= الجذع
على طاري المحاني نكثر التكبير والتهليل=لو أنا مانخدعنا في ثياب بيض ونظافـي
قطعتوا ميل واحد بس باقـي 500 ميـل=متى تتاصلوا بحر الخليج وحد الاسيافـي
الثــــــــــانيه
مقعد =الدغيلبي
الليله الليله نوردها على العـد القـراح=والضاميه تارد على العد القراح وتشربي
الليل يالمطران مافيها صدود ولاسمـاح=واللي مايقّدر فالمواقف يامطير إيجنبـي
النادر= المطيري
ان كان عندك علم هاته والوعد نور الصباح=وان كنت خالى ياوليد العود جنب وشتبى
العز بالله يالعتيبى ثم بخشوم السلاح=وانته تعرف الفعل واهله ياعريب المنسبى
مقعد=الدغيلبي
العلم واصل وانت شكرك من على زرق الرماح=ياكبرهـا ياعبرهـا تطمـع بـراس دغيلبـي
قالوا شعيل اثبت وجوده قلت لاجينـاه طـاح=من ظربةٍ وحده يقوم اشوي واشـوي يحبـي
النارد=المطيري
وشلون ابطمع واحد ن بيدى دفنته واستراح=نبا الذياب اللى على روس المشارف تكنبى
الحمدالله مغتنى مانى من الناس الشحاح=وانته يامقعد قبل تاصل للمطارى تضربى
مقعد=الدغيلبي
ماعاد فيها مجامله ؟بالسيف والخـد البـراح=لو أني أدري ماوراك اعراش يـاراس الظبـي
سقناك من وادي الرشاء والدم وسط القاع ساح=والله لتبطي ماقتضيت مـن العتيبـي ياصبـي
النادر =المطيري
اجل توكلنا على الله بعد برق الخير لاح=اسمع علوم ن ماتسرك ياعريض المنكبى
بالحرمليه قدم جمع مطير جريت الصياح=فعولنا فيكم من الماضى تهول وترهبى
مقعد =الدغيلبي
فالحرمليه سدكم يوم احتما الميقاف بـاح=رحتو طقق واولكم اللي فالكويت وفي دبي
خليتو الحربي ولذتوا من ورى سد السناح=ماهي غريبه ياردي المعرفـه والمذهبـي
النادر= المطيري
فالحرمليه يوم جينا اخذت وضع الانبطاحشرتكم نصفين للبصره ونصف ابوظبى
بالكذب والتزوير والتلفيق ماخذلك وشاح=هذه فعول مسجله وسط الكتاب اليعربى
مقعد =الدغيلبي
نجد العذيه وانت مضيوفين في عقد النكـاح=مشروب فنجالك وماخوذن حلالـك ياغبـي
دارك من أمخلف عليها كل يوميـن أجتيـاح=أيسوق شيخانك ويسبى ديرتك دايم دايم سبي
النادر= المطيري
نرعى بحد السيف من مكه ليادار الصباح=نرد عنها الداب الاسود والحنش والعقربى
انا هدمت البيت فوق الشيخ يوم القدر فاح=تبا الحياه ولا حصلك مع مطير اللى تبى
مقعد =الدغيلبي
ياعزتيلـك ماوراكـم لاعـزوم ولاكفـاح=بين العشاش البيض عايش لارسول ولانبي
الكذب والبهتان خله قبل لسقيـك الذحـاح=والله لتبطي عظم وانته من تحت سد اشنبي
النادر =المطيري
الله مصلطنا عليكم ياقليلين الفلاح=كم راس شيخ ن من يمين مطير طوح مجنبى
انا عطيتك درس وافهم كان فى عقلك صلاح=مطير قوم ن من يخاصمها لزوم يعذبى
مقعد =الدغيلبي
الله مسلطكم على شيل المساحـي والسبـاح=واليا حتما الميقاف تستفزع ببيشي واكلبـي
تسعه من الصعران راحو تحت مسموم الجناح=عشاء عتيبيٍ كمـا حـراً عطيـب المخلبـي
الثالثــــــــــــــه
(( كبتن =عتيبه ))
الليله الليله نبى نمـزح علـى شاعـر مطيـر=ياشاعر المطران ابا امزح معك وانت امزح معي
لن كان فالمطران شاعر قَالَ مـا قَالَـه جريـر=أصغر عتيبي قَالَ في شعره ما قَـالَ الأصمعـي
(( الرجم= النايف ))
ياللي تبى المزحه ترى الموضوع موضوعن خطير=في ساحة الميدان مابه غيـر ضـرب وصرقعـي
افضل عتيبي فالشعر يحسب من الصـف الاخيـر=واضعف مطيري فالشعـر قـدوة لكـم يامدّعـي
(( كبتن =عتيبه ))
مادام تبغى النار والبارود والسيف الشطير=هذا قرار الحرب وموقّع بتوقيع أصبعـي..
دام اعترفتوا بالضعافه والضعوف ابكم كثير=ياصحابنا المطران من زود الضعافه طرطعي
(( الرجم= النايف ))
ياللي تحب المغركه وانته يروعـك الصفيـر=انته سوات اللي مشط شوشته ثم صار اصلعي
الله ماحدره قـوي ياللـي علومـك تستديـر=والزوبعه ماهي لنـا ياللـي تقـوم تزوبعـي
(( كبتن =عتيبه ))
نسيت يوم أن العتيبي جاك بحصانه مغيـر=واخذك قدامه من الذلّـه تصـف الأربعـي
ياصحابنا اللي تحسبون العير في كبر البعير=العير مايصبح جمل لو يتفلقـح فالرعـي!!
(( الرجم =النايف ))
جانا على حصانه مغير وطاح فالساحه كسير=حنا هل الطاله ولا معنـا نزيـع منازعـي
الله مسلّطنا على العتبان بالشـر الشريـر=لاطارت صقور السما كل الطيور تخرّعـي
(( كبتن =عتيبه ))
لو انكسر ماكان هجيتـوا عساكـم بالحظيـر=واليوم اصيّف في ديركم ياعـرب واربّعـي!!
مير انت ريشك ياصقر منتوف ماتقدر تطيـر=الظاهر انك لاش شعر ولاش عرف ولا وعي!!
(( الرجم النايف ))
وش صابكم يوم الدويش العود ينذركم نذيـر=غبتو مغيب الليل يوم الشمس تطلع مطلعـي
اكبر مصيبه بالغني ! لا صار يضحك به فقير=هذاك متمتـع وذاك مـن الفقـر متودعـي
الرابعه
سلطان= الجذع
قوم يالكبتن وقرب خطوتين ونـص منـي=خلها الليلـه معانـد نمتحنـك وتمتحنـا
حالف لاأدبل حسابك فالعلوم اللـي لفنـي=تحسب انه ماورى الحيران أأبه هرش يحنا
كبتن =عتيبه
والله انّي ما امتحنتك وأنت تبغى تمتحنّـي=وأنت لو اتحوص منّا جيت ياسلطان منّا!!
مير ياسلطان جيتك وأنت وين اتروح عنّي=والله ان الحمل كبر الضلع وابرك ياجملنا!!
سلطان= الجذع
أنت فني مير فني زايـد عـن كـل فنـي=ياغصين البان هب النـود فوقـك لاتثنـا
من غباك وشين فالك جيت للعيـد متحنـي=والعرب في يوم عادي لاش عيد ولا ش حنا
كبتن= عتيبه
والله اني حالم لي حلـم ياسلطـان وأنّـي=ذابحك وابكي على ذبحتك في غزوة مهنا!!
اثر لو أن الجذع يقدر عليه كـان اكلنّـي=مير سلطان الجذع ماله سنون الله يامنّا!!
سلطان= الجذع
هذي اضغاث الحلوم ووش يجيب الك التمني=مانت ذابح ناس وانته في منامـك ماتهنـا
كلمتك هذي عليها نقص رد العلـم عنـي=قد حذفك الذيب الاسحم بين ناب وبين سنـا
كبتن= عتيبه
أنت ياسلطان اظنّك راكبك تسعين جنّي=مير حنّا ياوسيع المعرفه زبن المجنّا!!
لا تدوّر للمقاشر وانت عايش ومتهنّـي=والله انه ماحتماك من الذيابه غير حنّا!!
سلطان= الجذع
حار فكرك يالمغني يوم جينا لـك نغنـي=وانت دقق فالسوالف ويش قلت وويش قلنا
ماهي مقاشر لكن الحرب مابه ضحك سني=مانت حامينا حمانا الفعل والسيف المحنـا
الخامسه
كبتن= عتيبه
علاك الهون يامرزوق يامقدّس حصاة ارزاح=حصاة ارزاح جعل الله على راسك يدربيها!!
أن ما ارتاح لين اهجدك يامرزوق ثم ارتاح=واحملك بحصاة ارزاح واصحى لا توطيها!!
مرزوق =العتيبي
علاك الله يالكبتن سريت ولا وراك امراح=حصاة ارزاح ماتنزاح لا تقرب حواليهـا
ليا منك نطحت القوم لاتنطح بدون اسلاح=وانا لن قاله الله هرجتـك لذكـرك فيهـا
كبتن= عتيبه
عطوك البيت والباب وعطوك القفل والمفتاح=لكن أنته على ماقيـل حاميهـا حراميهـا!!
يامرزوق الجراده زتدها ريش وذنب وجناح=تباهـا تستـوي لكـن ماربـي مسويهـا!!
مرزوق =العتيبي
ترى محد ٍ بمادح فيك لازدت الصياح اصياح=وهذي سلعـة ٍ ماربـح بايعهـا وشاريهـا
انا مدري علامك ناوي لارض العرب تجتاح=ولكن العرب بارواحها مـن دون اراضيهـا
كبتن =عتيبه
بحر تسعين يامرزوق يبغى الكبتن الملاح=ليا استاق السفينه فالبحر يقدر يودّيها!!
لكن انته علاك ملاحظه يالسارق المزاح=ليا منك لقيت الحنظله فالدرب تسقيهـا!!
مرزوق =العتيبي
ليا قلنا مناحـي قـام راع الكبتنيـه طـاح=دام اولها كـذا يالله تستـر مـن تواليهـا
انا عيني بصير ه واعرف الله يرزق الكداح=وبعض الناس من كثر البخل شانت لغاويها
كبتن =عتيبه
مادام انك عتيبي ما نبا نحاسبك فاللي راح=لكن الباقيات انقـول (والله مانخليهـا)!!
ياراع المزرعه ياللي تغشى الخوخ والتفاح=يازين المزرعه لو مايغش الناس راعيها!!
مرزوق= العتيبي
صحيح اني عتيبي مذهبي سني وطيبي فاح=ومثلك يابن عمي خطوتي يشكر مساعيهـا
وانا بعطيك فرصه ثانيه ونشوف ياسـداح=ولن كررتها جنب وجـا للقـوس باريهـا
كبتن =عتيبه
عساها ياوسيع المعرفه ماتقصر الاشبـاح=ليا جات الدعاوي يقنع الاخصام قاضيها!!
يامرزوق الليال املاح وعلوم الرجال املاح=وبقعاء ماتزعلنا ولـو تنفـخ علابيهـا!!
السادسه
كبتن عتيبه
تعال يامرزوق قرّب دوّك وابشر بالهجـاد
ماعندي الا الخوصه اللي من عصر حديتها
انا بغيتك توقف الحراس من دون البـلاد
وانت الحراميه بوسـط بلادنـا ضوّيتهـا
..
مرزوق العتيبي
جيتك وانا الفارس ومعي السيف في ظهر الجواد
خوصتك ليتك يـم مقطـوع الرجـاء سليتهـا
حنا فتحنا البـاب لرجـال الشهامـه والرشـاد
واهـل الـردى ياصاحبـي والله مـا ناديتهـا
..
كبتن عتيبه
يافارس الفرّيس حنّا اللي على وسق الشداد
اوحيتهـا ولا بعـد ياصاحبـي ماوحيتهـا
البندقيّه في يديّه و أصبعـي فـوق الزنـاد
اما برؤس القوم ولا فيك انـا حطيتهـا!!
..
مرزوق العتيبي
ان كان فيكم طيب .. طيب لي وفيه الفخر زاد
مار البلا بندقك في وسـط الخبـاء شبيتهـا
انت تعرف فعلونا يـوم المواجـه والطـراد
لاقامـت العـدوان ترمينـا خربنـا بيتـهـا
..
كبتن عتيبه
به عندنا سمٌ ذحاح.. وعندنا عنبر وكـاد
وانته تخيّر وابشر بحاجتك لن سمّيتهـا..
وحنّا سحابٌ لا وصل نار العدا تصبح رماد
لو تشتعل نار العـدا طفيتهـا طفيتهـا..
..
مرزوق العتيبي
الاوله ياهونها والثانيه هي المـراد
محد ٍ بمادحني على عينك ليا سديتها
يا ربعنا نعم ٍ بكم في حر ولا في براد
لكن يامناحي عباد الله وراك اوذيتها
..
كبتن عتيبه
ترى عيوني دونها في يديني سيوفُ حداد
واللي يمد يداه قبـل تنوشنـي قصيتهـا
وانتم كذالك ماعلاكم زود حسب الاعتقاد
عكس الرخوم اللي مادانتني ولا دانيتها!!
..
مرزوق العتيبي
صحيح مثلك مجتهد والله يعوض الاجتهاد
ياجعل بيتـك يامناحـي مايطفّـي ليتهـا
لاتعتقد لكن ثبتها علـى العلـم الوكـاد
لعبتك مكشوفه ياهذا لو تقـول اخفيتهـا
..
كبتن عتيبه
عزالله انّي فالبدايه كنت ابا شوي الجراد
واليا الجراده ماتكفّينـي ليـا شوّيتهـا
لا تستشك وانته عتيبي لازمك ملحً وزاد
اموت يامـرزوق فالعتبـان ماسوّيتهـا
..
مرزوق العتيبي
احسب حسابك للنهار المنتظر واجمع عتاد
نبغاك تحبط خطة الغاره علـى توقيتهـا
كثر الجراد وزانت اللعبه وبتشوف العناد
اهل الكويت الله يخليها بوسـط كويتهـا
..
كبتن عتيبه
حاسب حسابي يالعتيبي من جماد اليا جماد
ارسالتك جتني وانا قدام تاصل جيتهـا..
اليا ارتخى سعر الريال اكيد شان الاقتصاد
وانا ريالاتي تراهـا غاليـه مارخيتهـا..
..
مرزوق العتيبي
اقولها قدم الملا ماقلتهـا لـك بانفـراد
صل الصلاه اللي لاطاف الوقت ماصليتها
العلم يالكبتن على اسراييل قررنا الجهاد
الدوله اللي فالردى والكذب شايع صيتها
..
كبتن عتيبه
انا صلاتي وافيه واصلـي لـرب العبـاد
نفسي على حب لصلاه من الصباء ضرّيتها
لن قالها ربّي واشاء وأن قالها ربّي واراد
لنحارب اسرائيل والساعه علـى توقيتهـا
..
مرزوق العتيبي
عز الله انك قدهـا وتطـول ياطيـر الهـداد
كل العلوم الطيبه من شبتـك مـا اخطيتهـا
اكرب حزامك وانطلق والبيض من بعد السواد
يازين من قدم الاسـود الضاريـه تشويتهـا
..
كبتن عتيبه
ترى الجمل لو يهبد الحيّه غدت كبر القراد
ويقدر بزوره يطحن العفريته وعفريتها!!
وترى السواد بعيد عنّا والبياض النا يزاد
وباقي علوم بخاطري من حشمتك كبّيتها..
..
مرزوق العتيبي
اشعيل معكوف السنام انحد هبده بالقيـاد
وراك يامناحي على الدرب العوج رديتها؟
خلك معي فالمقصد اللي مايجي درب النقاد
مديت لك يمنـا الوفـاء وراك مامديتها
لشعراء المنتدى التي سوف انزلها على فترات متلاحقه
الفالح =العضياني
انا اشوف الجذع تال الليالي مختلف بالحيل=ولا ادري وش حصلّه تالي الايام يا كافي
منوّل في ميادين الاصايل فوق ظهر الخيل=وذالحينه مع الخليان ويسج القـدم حافـي
سلطان= الجذع
يبا يطلع عليك النور صبح ليا سريت الليل=تراني مااختلف طول الزمن وافي مع الوافي
ليا ماحصل الضرمان يالعضيان بن وهيـل=يبا يقفي الشريف وفالبلد يلقى له أشرافـي
الفالح= العضياني
ليا منّي سريت الليل اعاين فالجـدي وسهيـل=لكن انته ما اشوفك قدمي ولا اشوفك خلافـي
ترى العضيان اهل عمهوج توفي للرجال الكيل=وكمّ مره تحمّلـك الحمايـل فـوق الاكتافـي
سلطان= الجذع
بعيد عنك مانت بشايفه لو كان بالدربيل=تعلا للمعالي وانت وسط المشلح الدافي
ياكم من ليلة فيها عليكم من طرفنا ميل=على الله يابعارين تشيل ثقال وخفافـي
الفالح =العضياني
وصلنا للمعالي وانت رايح في ذبيـل كحيـل=تراك انته طرف محسوب دايم ضمن الاطرافي
نحمّلك الحمول الجايره حتى مـا عـاد تشيـل=و لا لك حيله الاّ تجلب اللي مـا لهـا رافـي
سلطان= الجذع
يقولون العرب ماتنفع الحيلـه بليـا حيـل=مع أهل الصنف لاتقعد تلم ارباع وانصافي
لو الوجه القبيح مع الزمن ينفع به التجميل=لقينا اوصاف معقوله بدل هذيك الاوصافـي
الفالح =العضياني
علاك خيال سدّ خيال وانته تحت وبل السيل=لكنّ اصبر دقيقه لين حتّى يصفي الصافـي
على الضلع القصيّر وقعنّ ثنتين يا ريجيل=اثر سلطان بالمكشوف ما يدري عن الخافي
سلطان= الجذع
نصيحه تزبن القاضي زبن وتحط له توكيل=ترى ماقفك يابو زيد ماهو ربـع ميقافـي
ترى بعض السوالف ناقصه ماتحمل التحليل=وانا ماالد عيني في بيوت نورهـا طافـي
الفالح =العضياني
هجدك الله هجاد اللي غزو مكه بعام الفيل=ترى هدّاج راهي ماه طول الوقت ما يافي
انا جبت العلوم الواقعيّه موجز وتفصيـل=على شان الغبي يفهم ويا ستر الله الضافي
سلطان= الجذع
عوافي يالعضيانـي والا ياويلكـم بالويـل=ترى الرحلة طويلة والركاب هزال وضعافي
يادكان المحاني لو عرضك الشيخ للتقبيـل=يبي يطمعك غير معمـر القـذاف قذافـي
فالح= العضياني
اجل ما دامت اركابك ضعيفـه لازم التبديـل=ابا اشيّب رموشك قبل معـك اشيّـب القافـي
ابا اقبّلك يا بسطة عفيـف لمـن يبـا تدخيـل=وانا راكب ذلولي وانت روح اركب على هافي
سلطان= الجذع
عليه بالحرام انك بعـد علمـك هـذاه خبيـل=واظن اللي يورى بك على تال الزمـن عافـي
وألا ياللي حذفت القرش الاسود في طريق الريل=على دربه علـى دربـه ولايـدري ولاشافـي
الفالح= العضياني
انا اشوفك تضلل وش تبا يا اخوي بالتضليل=وانا ماني خبل ربعي قضاة حقوق عرّافـي
ليا منّه وزا ذيب الغداري في جبال هذيـل=يجيك ذياب بكره تعتلي في كـل مشرافـي
سلطان= الجذع
على طاري المحاني نكثر التكبير والتهليل=لو أنا مانخدعنا في ثياب بيض ونظافـي
قطعتوا ميل واحد بس باقـي 500 ميـل=متى تتاصلوا بحر الخليج وحد الاسيافـي
الثــــــــــانيه
مقعد =الدغيلبي
الليله الليله نوردها على العـد القـراح=والضاميه تارد على العد القراح وتشربي
الليل يالمطران مافيها صدود ولاسمـاح=واللي مايقّدر فالمواقف يامطير إيجنبـي
النادر= المطيري
ان كان عندك علم هاته والوعد نور الصباح=وان كنت خالى ياوليد العود جنب وشتبى
العز بالله يالعتيبى ثم بخشوم السلاح=وانته تعرف الفعل واهله ياعريب المنسبى
مقعد=الدغيلبي
العلم واصل وانت شكرك من على زرق الرماح=ياكبرهـا ياعبرهـا تطمـع بـراس دغيلبـي
قالوا شعيل اثبت وجوده قلت لاجينـاه طـاح=من ظربةٍ وحده يقوم اشوي واشـوي يحبـي
النارد=المطيري
وشلون ابطمع واحد ن بيدى دفنته واستراح=نبا الذياب اللى على روس المشارف تكنبى
الحمدالله مغتنى مانى من الناس الشحاح=وانته يامقعد قبل تاصل للمطارى تضربى
مقعد=الدغيلبي
ماعاد فيها مجامله ؟بالسيف والخـد البـراح=لو أني أدري ماوراك اعراش يـاراس الظبـي
سقناك من وادي الرشاء والدم وسط القاع ساح=والله لتبطي ماقتضيت مـن العتيبـي ياصبـي
النادر =المطيري
اجل توكلنا على الله بعد برق الخير لاح=اسمع علوم ن ماتسرك ياعريض المنكبى
بالحرمليه قدم جمع مطير جريت الصياح=فعولنا فيكم من الماضى تهول وترهبى
مقعد =الدغيلبي
فالحرمليه سدكم يوم احتما الميقاف بـاح=رحتو طقق واولكم اللي فالكويت وفي دبي
خليتو الحربي ولذتوا من ورى سد السناح=ماهي غريبه ياردي المعرفـه والمذهبـي
النادر= المطيري
فالحرمليه يوم جينا اخذت وضع الانبطاحشرتكم نصفين للبصره ونصف ابوظبى
بالكذب والتزوير والتلفيق ماخذلك وشاح=هذه فعول مسجله وسط الكتاب اليعربى
مقعد =الدغيلبي
نجد العذيه وانت مضيوفين في عقد النكـاح=مشروب فنجالك وماخوذن حلالـك ياغبـي
دارك من أمخلف عليها كل يوميـن أجتيـاح=أيسوق شيخانك ويسبى ديرتك دايم دايم سبي
النادر= المطيري
نرعى بحد السيف من مكه ليادار الصباح=نرد عنها الداب الاسود والحنش والعقربى
انا هدمت البيت فوق الشيخ يوم القدر فاح=تبا الحياه ولا حصلك مع مطير اللى تبى
مقعد =الدغيلبي
ياعزتيلـك ماوراكـم لاعـزوم ولاكفـاح=بين العشاش البيض عايش لارسول ولانبي
الكذب والبهتان خله قبل لسقيـك الذحـاح=والله لتبطي عظم وانته من تحت سد اشنبي
النادر =المطيري
الله مصلطنا عليكم ياقليلين الفلاح=كم راس شيخ ن من يمين مطير طوح مجنبى
انا عطيتك درس وافهم كان فى عقلك صلاح=مطير قوم ن من يخاصمها لزوم يعذبى
مقعد =الدغيلبي
الله مسلطكم على شيل المساحـي والسبـاح=واليا حتما الميقاف تستفزع ببيشي واكلبـي
تسعه من الصعران راحو تحت مسموم الجناح=عشاء عتيبيٍ كمـا حـراً عطيـب المخلبـي
الثالثــــــــــــــه
(( كبتن =عتيبه ))
الليله الليله نبى نمـزح علـى شاعـر مطيـر=ياشاعر المطران ابا امزح معك وانت امزح معي
لن كان فالمطران شاعر قَالَ مـا قَالَـه جريـر=أصغر عتيبي قَالَ في شعره ما قَـالَ الأصمعـي
(( الرجم= النايف ))
ياللي تبى المزحه ترى الموضوع موضوعن خطير=في ساحة الميدان مابه غيـر ضـرب وصرقعـي
افضل عتيبي فالشعر يحسب من الصـف الاخيـر=واضعف مطيري فالشعـر قـدوة لكـم يامدّعـي
(( كبتن =عتيبه ))
مادام تبغى النار والبارود والسيف الشطير=هذا قرار الحرب وموقّع بتوقيع أصبعـي..
دام اعترفتوا بالضعافه والضعوف ابكم كثير=ياصحابنا المطران من زود الضعافه طرطعي
(( الرجم= النايف ))
ياللي تحب المغركه وانته يروعـك الصفيـر=انته سوات اللي مشط شوشته ثم صار اصلعي
الله ماحدره قـوي ياللـي علومـك تستديـر=والزوبعه ماهي لنـا ياللـي تقـوم تزوبعـي
(( كبتن =عتيبه ))
نسيت يوم أن العتيبي جاك بحصانه مغيـر=واخذك قدامه من الذلّـه تصـف الأربعـي
ياصحابنا اللي تحسبون العير في كبر البعير=العير مايصبح جمل لو يتفلقـح فالرعـي!!
(( الرجم =النايف ))
جانا على حصانه مغير وطاح فالساحه كسير=حنا هل الطاله ولا معنـا نزيـع منازعـي
الله مسلّطنا على العتبان بالشـر الشريـر=لاطارت صقور السما كل الطيور تخرّعـي
(( كبتن =عتيبه ))
لو انكسر ماكان هجيتـوا عساكـم بالحظيـر=واليوم اصيّف في ديركم ياعـرب واربّعـي!!
مير انت ريشك ياصقر منتوف ماتقدر تطيـر=الظاهر انك لاش شعر ولاش عرف ولا وعي!!
(( الرجم النايف ))
وش صابكم يوم الدويش العود ينذركم نذيـر=غبتو مغيب الليل يوم الشمس تطلع مطلعـي
اكبر مصيبه بالغني ! لا صار يضحك به فقير=هذاك متمتـع وذاك مـن الفقـر متودعـي
الرابعه
سلطان= الجذع
قوم يالكبتن وقرب خطوتين ونـص منـي=خلها الليلـه معانـد نمتحنـك وتمتحنـا
حالف لاأدبل حسابك فالعلوم اللـي لفنـي=تحسب انه ماورى الحيران أأبه هرش يحنا
كبتن =عتيبه
والله انّي ما امتحنتك وأنت تبغى تمتحنّـي=وأنت لو اتحوص منّا جيت ياسلطان منّا!!
مير ياسلطان جيتك وأنت وين اتروح عنّي=والله ان الحمل كبر الضلع وابرك ياجملنا!!
سلطان= الجذع
أنت فني مير فني زايـد عـن كـل فنـي=ياغصين البان هب النـود فوقـك لاتثنـا
من غباك وشين فالك جيت للعيـد متحنـي=والعرب في يوم عادي لاش عيد ولا ش حنا
كبتن= عتيبه
والله اني حالم لي حلـم ياسلطـان وأنّـي=ذابحك وابكي على ذبحتك في غزوة مهنا!!
اثر لو أن الجذع يقدر عليه كـان اكلنّـي=مير سلطان الجذع ماله سنون الله يامنّا!!
سلطان= الجذع
هذي اضغاث الحلوم ووش يجيب الك التمني=مانت ذابح ناس وانته في منامـك ماتهنـا
كلمتك هذي عليها نقص رد العلـم عنـي=قد حذفك الذيب الاسحم بين ناب وبين سنـا
كبتن= عتيبه
أنت ياسلطان اظنّك راكبك تسعين جنّي=مير حنّا ياوسيع المعرفه زبن المجنّا!!
لا تدوّر للمقاشر وانت عايش ومتهنّـي=والله انه ماحتماك من الذيابه غير حنّا!!
سلطان= الجذع
حار فكرك يالمغني يوم جينا لـك نغنـي=وانت دقق فالسوالف ويش قلت وويش قلنا
ماهي مقاشر لكن الحرب مابه ضحك سني=مانت حامينا حمانا الفعل والسيف المحنـا
الخامسه
كبتن= عتيبه
علاك الهون يامرزوق يامقدّس حصاة ارزاح=حصاة ارزاح جعل الله على راسك يدربيها!!
أن ما ارتاح لين اهجدك يامرزوق ثم ارتاح=واحملك بحصاة ارزاح واصحى لا توطيها!!
مرزوق =العتيبي
علاك الله يالكبتن سريت ولا وراك امراح=حصاة ارزاح ماتنزاح لا تقرب حواليهـا
ليا منك نطحت القوم لاتنطح بدون اسلاح=وانا لن قاله الله هرجتـك لذكـرك فيهـا
كبتن= عتيبه
عطوك البيت والباب وعطوك القفل والمفتاح=لكن أنته على ماقيـل حاميهـا حراميهـا!!
يامرزوق الجراده زتدها ريش وذنب وجناح=تباهـا تستـوي لكـن ماربـي مسويهـا!!
مرزوق =العتيبي
ترى محد ٍ بمادح فيك لازدت الصياح اصياح=وهذي سلعـة ٍ ماربـح بايعهـا وشاريهـا
انا مدري علامك ناوي لارض العرب تجتاح=ولكن العرب بارواحها مـن دون اراضيهـا
كبتن =عتيبه
بحر تسعين يامرزوق يبغى الكبتن الملاح=ليا استاق السفينه فالبحر يقدر يودّيها!!
لكن انته علاك ملاحظه يالسارق المزاح=ليا منك لقيت الحنظله فالدرب تسقيهـا!!
مرزوق =العتيبي
ليا قلنا مناحـي قـام راع الكبتنيـه طـاح=دام اولها كـذا يالله تستـر مـن تواليهـا
انا عيني بصير ه واعرف الله يرزق الكداح=وبعض الناس من كثر البخل شانت لغاويها
كبتن =عتيبه
مادام انك عتيبي ما نبا نحاسبك فاللي راح=لكن الباقيات انقـول (والله مانخليهـا)!!
ياراع المزرعه ياللي تغشى الخوخ والتفاح=يازين المزرعه لو مايغش الناس راعيها!!
مرزوق= العتيبي
صحيح اني عتيبي مذهبي سني وطيبي فاح=ومثلك يابن عمي خطوتي يشكر مساعيهـا
وانا بعطيك فرصه ثانيه ونشوف ياسـداح=ولن كررتها جنب وجـا للقـوس باريهـا
كبتن =عتيبه
عساها ياوسيع المعرفه ماتقصر الاشبـاح=ليا جات الدعاوي يقنع الاخصام قاضيها!!
يامرزوق الليال املاح وعلوم الرجال املاح=وبقعاء ماتزعلنا ولـو تنفـخ علابيهـا!!
السادسه
كبتن عتيبه
تعال يامرزوق قرّب دوّك وابشر بالهجـاد
ماعندي الا الخوصه اللي من عصر حديتها
انا بغيتك توقف الحراس من دون البـلاد
وانت الحراميه بوسـط بلادنـا ضوّيتهـا
..
مرزوق العتيبي
جيتك وانا الفارس ومعي السيف في ظهر الجواد
خوصتك ليتك يـم مقطـوع الرجـاء سليتهـا
حنا فتحنا البـاب لرجـال الشهامـه والرشـاد
واهـل الـردى ياصاحبـي والله مـا ناديتهـا
..
كبتن عتيبه
يافارس الفرّيس حنّا اللي على وسق الشداد
اوحيتهـا ولا بعـد ياصاحبـي ماوحيتهـا
البندقيّه في يديّه و أصبعـي فـوق الزنـاد
اما برؤس القوم ولا فيك انـا حطيتهـا!!
..
مرزوق العتيبي
ان كان فيكم طيب .. طيب لي وفيه الفخر زاد
مار البلا بندقك في وسـط الخبـاء شبيتهـا
انت تعرف فعلونا يـوم المواجـه والطـراد
لاقامـت العـدوان ترمينـا خربنـا بيتـهـا
..
كبتن عتيبه
به عندنا سمٌ ذحاح.. وعندنا عنبر وكـاد
وانته تخيّر وابشر بحاجتك لن سمّيتهـا..
وحنّا سحابٌ لا وصل نار العدا تصبح رماد
لو تشتعل نار العـدا طفيتهـا طفيتهـا..
..
مرزوق العتيبي
الاوله ياهونها والثانيه هي المـراد
محد ٍ بمادحني على عينك ليا سديتها
يا ربعنا نعم ٍ بكم في حر ولا في براد
لكن يامناحي عباد الله وراك اوذيتها
..
كبتن عتيبه
ترى عيوني دونها في يديني سيوفُ حداد
واللي يمد يداه قبـل تنوشنـي قصيتهـا
وانتم كذالك ماعلاكم زود حسب الاعتقاد
عكس الرخوم اللي مادانتني ولا دانيتها!!
..
مرزوق العتيبي
صحيح مثلك مجتهد والله يعوض الاجتهاد
ياجعل بيتـك يامناحـي مايطفّـي ليتهـا
لاتعتقد لكن ثبتها علـى العلـم الوكـاد
لعبتك مكشوفه ياهذا لو تقـول اخفيتهـا
..
كبتن عتيبه
عزالله انّي فالبدايه كنت ابا شوي الجراد
واليا الجراده ماتكفّينـي ليـا شوّيتهـا
لا تستشك وانته عتيبي لازمك ملحً وزاد
اموت يامـرزوق فالعتبـان ماسوّيتهـا
..
مرزوق العتيبي
احسب حسابك للنهار المنتظر واجمع عتاد
نبغاك تحبط خطة الغاره علـى توقيتهـا
كثر الجراد وزانت اللعبه وبتشوف العناد
اهل الكويت الله يخليها بوسـط كويتهـا
..
كبتن عتيبه
حاسب حسابي يالعتيبي من جماد اليا جماد
ارسالتك جتني وانا قدام تاصل جيتهـا..
اليا ارتخى سعر الريال اكيد شان الاقتصاد
وانا ريالاتي تراهـا غاليـه مارخيتهـا..
..
مرزوق العتيبي
اقولها قدم الملا ماقلتهـا لـك بانفـراد
صل الصلاه اللي لاطاف الوقت ماصليتها
العلم يالكبتن على اسراييل قررنا الجهاد
الدوله اللي فالردى والكذب شايع صيتها
..
كبتن عتيبه
انا صلاتي وافيه واصلـي لـرب العبـاد
نفسي على حب لصلاه من الصباء ضرّيتها
لن قالها ربّي واشاء وأن قالها ربّي واراد
لنحارب اسرائيل والساعه علـى توقيتهـا
..
مرزوق العتيبي
عز الله انك قدهـا وتطـول ياطيـر الهـداد
كل العلوم الطيبه من شبتـك مـا اخطيتهـا
اكرب حزامك وانطلق والبيض من بعد السواد
يازين من قدم الاسـود الضاريـه تشويتهـا
..
كبتن عتيبه
ترى الجمل لو يهبد الحيّه غدت كبر القراد
ويقدر بزوره يطحن العفريته وعفريتها!!
وترى السواد بعيد عنّا والبياض النا يزاد
وباقي علوم بخاطري من حشمتك كبّيتها..
..
مرزوق العتيبي
اشعيل معكوف السنام انحد هبده بالقيـاد
وراك يامناحي على الدرب العوج رديتها؟
خلك معي فالمقصد اللي مايجي درب النقاد
مديت لك يمنـا الوفـاء وراك مامديتها