الطارف يميل علانا ....

[راع العرف]

ياسلام الله عليكم من ضمير ٍ مااستراح "" خاطره عقب البطا يارد على العد القراح
كل بير ٍ له غطاه وكل ليل وله صــــــباح "" والوعد قدام والله يكتب اللي فيه خـــــير

سلام للي يعرفون الشعر والمعنى الجــزيل " من شاعر ٍ كل البحور يغوص في غباتها
شفنا وعفنا والزمن لازان لابده يــــــــــميل " يالله عسى بقعا تهوْد بالقسا مــــــــيلاتها

[وحي العقل]

هالله الله


متابعين

[راع العرف]

اخوي طويق حياك الله وتشرفنا

[راع العرف]

وين الشعار عيوني سلهمت للنوم وانا انتضر

الوعد باتسر ويجيب الله مطر ...

[مرزوق حمدان العتيبي]

مرحبا ياللي تسلم من هجوس ٍ بالضمير = قدمك الميدان شد الحيل ياشاعر كبير
ودنا ماتذخر المجهود والمعنى غزير = والوعد قدام والله يكتب اللي فيه خير


ياشاعر ٍ جبت المعاني وش تحط ووش تشيل = هات العلوم اللي طرت لك في ضميرك هاتها
دنياك يارجال ما يخدم بها رجل ٍ بخيل = يشهد على ماقلت حيين البشر وامواتها

[بدر بن ثعلي]

صح لسان شعرائنا
دنياك يارجال ما يخدم بهـا رجـل ٍ بخيـل
يشهد على ماقلت حييـن البشـر وامواتهـا
الله الله صح لسانك يا مرزوق

[مرزوق حمدان العتيبي]

...
.
صح بدنك .. يازبون المخاسير ..
ولاهنت ...

[حمد بن جوباح]

.
..

الله الله يا الشعار

راع العرف والمدير

صحت ألسنتكم

وعانوني بين الصفوف

للحين ما حددت

:cool:

.
.
.













تحياتي لكمـ ،،

[راع العرف]

اخوي زبون المخاسير الغالي
صح بدنك وحياك الله وااس على
التاخير ...

[راع العرف]

االاخ الشاعر حمد ابن جوباح حياك الله
وصح بدنك ولاخلينا منك يالذيب وااسف على التاخير

[راع العرف]

اخوي العزيز الشاعر مرزوق العتيبي صح لسانك
ومنك نستفيد طال عمرك وانت استاذي
طال عمرك آآآآسف على التاخير ...
استلم ياطويل العمر ....


البقا بك ياعريب الجد ياسمح القبول = ياخبير الشعر والمعنى سمعنى ماتقول
والرجال اليا حكوا ياضح لنا وزن العقول = والوعد قدام والله يكتب اللي فيه خير



ياويش سيل ٍ لاحدر له وادي ٍ يقفاه سيل = ماهو ردى مير العرب غزت بها راياتها
ياحيف ياوقت ٍ مضى ماعادباقي له مقيل= ياوش بقا واهل النقا بارت بها حــــــــيلاتها

[مرزوق حمدان العتيبي]

يوم راع العرف غنا قلت اطالع وش يجيب = حيث راع العرف من قوم ٍ يضدون الحريب
والحقيقه في كلامه تحضر افكار وتغيب =والوعد قدام والله يكتب اللي فيـه خيـر
...

ماسال سيل الاكتبه الله ونشاله مخيل = لوكان من غير الرعود اللي تدن اصواتها
ياصاحبي لاتلتفت قدامك الخط الطويل = احرص على نفسك ولاتغويك في مشهاتها

[راع العرف]

بالمعامل يفحصون الحمض ويبين الدليل =و اشهد انك ترثة العتبان يازبن الدخيل
في نهار ٍ باير ٍ فيه العميل امن العميل=والوعد قدام والله يكتب اللي فيه خير

ـ ـ ـ ـ ـ ـ ـ ـ ـ ـ ـ


ياصاحبي ماكل سيل يحير بااطراف المسيل=بعض السيول ابلا برَكه والخير في فرقاتها

مالي هوى غير الدروب اللي يميْزها الدليل=والمايله ماامشي بها لو تغري بميزاتها

[فيصل المسعودي]

ياسلام سلم


اخونا الكبير مرزوق العتيبي


وعضونا المميز والغالي علينا


راع العرف


دامهم اجتمـــــــــــــــــــــعــــــــــــــــــــــــ ـوا


اكيد انا متابع للنهاية


تقديري للجميع

[راع العرف]

اخوي الغالي العزيز على قلبي
فيصل المسعودي النفيعي
ياهلا والله ومرحبا ووجودك
اعتبره شرف لي الله لايخلينا
منك ولامن مداخلاتك الجميله
ومتابعتك اعتز بها الله يبيض
وجهك يالغالي ...
تحياتي
راع العرف

[رجـم النـايـف المطيري]

بالمعامل يفحصون الحمض ويبين الدليل =و اشهد انك ترثة العتبان يازبن الدخيل
في نهار ٍ باير ٍ فيه العميل امن العميل=والوعد قدام والله يكتب اللي فيه خير

ـ ـ ـ ـ ـ ـ ـ ـ ـ ـ ـ


ياصاحبي ماكل سيل يحير بااطراف المسيل=بعض السيول ابلا برَكه والخير في فرقاتها

مالي هوى غير الدروب اللي يميْزها الدليل=والمايله ماامشي بها لو تغري بميزاتها

الله الله ياراعي العرف

صح لسانك لين ترضى

وصح لسان مرزوق العتيبي

[راع العرف]

الشاعر الكبير رجم النايف المطيري
صح بدنك يالغالي وبيض الله وجهك
مشكور على المداخله ..
تحياتي
راع العرف