الحظ نعمه والبلاوي في رداته**يرتديك بشين فال وترتديه

[مخلف الهقاوي]

السلام عليكم ورحمة الله وبركاته

اضع بين ايديكم ابيات جديده ويسعدني التواصل معكم واتمنى ان يلقى النص استحسانكم,,




الحظ نعمه والبلاوي في رداته=يرتديك بشين فال وترتديه
ياردي حظ الذي تنشف لهاته=مايبــي غيــر السلامه تحتويه
ماملك في هالحياة الا عصاتــه=والبلا حتى العصا بيده تعصيه
واقف(ن)يومي على الدنيا وجاته=والمصيبه يوم جاته ماتبيه
جاته تقول الفقــر صعـبه حياتـه=وانت حالفك الشقى لا تشتكيه
واقفت ودمعه هامل(ن) يلمس شفاته=مايبي ناسه ولا ناسه تبيه
ياشينها ليا عاينته اكبر بناته=وامعنت فيـه النظــر تبكــي عليـه
والتفت يمشي وهي تسمع وصاته=يابنيتي صوني دم العرض النزيه
والستر تكـفين لاتشكــي عباتـه=والزمــن ما يأمنه غيــر السفيــه
شايبك في مامضى اخطت حصاته=في شبابــه ماعــرف يقرا الوجيه
ماعرف غير الشقــى بأول حياته=وتالــي العــمر الملمّات تحديه

[راع العرف]

الاخ مخلف الهقاوي قصيده جميله ورائعه
لكن عندي ملاحظات ارجوا ان تهتم بها ...
هناك خلل بالوزن في القصيده وهو بهذه
الاشطر ...

واقفت ودمعه هامل(ن) يلمس شفاته

ياشينها ليا عاينته اكبر بناته

يابنيتي صوني دم العرض النزيه

هذه فقط هي الملاحظات على القصيده
اما الباقي والله بدون مجامله حكمه
وتجربه وجزاله ليس لها حدود ...
ارجوا ان تاخذ ملاحظاتي بصدر رحب
وان لاتغضب مني فاانا والله ارى فيك
شاعر جزل وله مستقبل باهر .....
ماعليه تعديت على حدود الاخ الشاعر
مرزوق العتيبي لكن اعلم انه لن يغضب
مني لسعة صدره ومن اجل ان اساعده
في مهمته ....
شكرا ً من القلب على هذه الرائعه وحاول
ان تعدل هذه الاشطر وسوف تكون قصيده
رائعه لاينقصها شيئ ..
تحياتي
راع العرف

[مخلف الهقاوي]

اخوي راع العرف مرورك والله شرف لي وملاحظاتك اسعدتني لأن هذا الهدف من مشاركتي بالمنتدى

توجيهات مثلك وشرواك انت واخوي واستاذي مرزوق العتيبي وباقي الشعراء الكبار في المنتدى

والاخ الشاعر مرزوق العتيبي عودنا على سعة صدره وتعاونه الدائم معناا

اخوي راع العرف مااقول الا بيّض الله وجهك,كفيت ووفيت لاخلى ولاعدم

تقبل تحياتي ومووودتي

[راع العرف]

اخي الشاعر الجميل مخلف الهقاوي
تسلم والله يعطيك العافيه على تقبلك
النقد واعلم ان تقبلك لنقد هو الخطوه
الاولى للابداع والكثيرين لايعلمون ذلك

ماعليه ااسف من القـــــــــــــــلب والاعماق وجل
من لايسهو هناك شطرين وضعت عليهما ملاحظه
وهي بالفعل ليس عليها ملاحظات وسليمه جدا ً
لكن بطريقة قرائتي اتضحلي انها موزونه وربما
ذلك لعجله او ماشابه ااسف ااسف اخوي الشاعر
مخلف الهقاوي على اللبس الذي انا وقعت فيه ...

وهن هذين الشطرين ...

واقفت ودمعه هامل(ن) يلمس شفاته
فهذا الشطر نطقه يختلف عن كتابته بالمره
الاولى قراته بطريقه وهذه المره قراته بالطريقه
الصحيحه وهي كالتالي :

واقفت : بجعل الالف موصوله مع حرف العطف الواو
ويكون حرف القاف ساكن وحرف الفا مفتوح وحرف التاء
يكون ساكن ...

ودمعه : يكون حرف الواو مكسور وحرف الدال مفتوح
وحرف الميم ساكن وحرف العين مكسور وحرف الهاء ساكن ..
اما الباقي بديهي النطق وحتى لو لم يشرح ...


ياشينها ليا عاينته اكبر بناته

اما هذا الشطر فهو مكتوب خطأ فلو وضعت حرف ا موصول قبل ليا
لكان افضل وسهل النطق :

ياشينها : مافيها شي ...

ليا : مفروض قبلها حرف ا موصول لتصبح ( اليا )
عاينته : حرف العين وحرف الالف تنطق بديهيا ً
اما حرف الياء يكون مكسور وحرف النون مفتوح
وحرف التاء ساكن >> وحرف التاء هو مربط الفرس
فنطقه هو مايجعل الشطر موزون او خلاف ذلك اما حرف
الهاء فيدمج مع حرف الالف في اكبر فيصبح حرف الالف
مع حرف الهاء مرتبط ويكون حرف الالف موصول وليس بهمزه...

والله ماعليه اسف فقد وقعت بلبس نوعا ً ما

ولم يتبقى الا هذا الشطر وهذي المره ماعليك
انا متاكد انه فيه خلل وهو فقط شطر من هذه
القصيده الجميله ...
وهو هذا الشطر

يابنيتي صوني دم العرض النزيه

القصيده كلها رائعه وجميله ولاعليها كلام
فقط هذا الشطر من كل القصيده غير موزون
وغير هذا الشطر فهو موزون 100%....

اسف اخي الشاعر مخلف الهقاوي على اللبس ...
أكرر اسفي وانتضر منك العذر اخي الشاعر ...

تحياتي
راع العرف

[مخلف الهقاوي]

اخوي راع العرف,,

مثل ماقلت جل من لايسهو,,والقصيده وراع القصيده فدا لك وانت اجتهدت لمصلحتي ولتبيين الخطا لي

وهذا الاجتهاد بحد ذاته تستحق الشكر والامتنان عليه,,اخوي ارع العررف معذوور وبيض الله وجهك

واشكرك على المتابعه والاهتمام بالابيات وهذا والله شرف لي وانا اخوك,,تقبل تحيات اخوك