اقرب شاعر

[الناسي]

سلام الله سلامن من ضميرن مايحب الضيم
ونظرة صاحبه دايم بعيده واسر ياساري
انا ليه ثلاث اشهور في وسط البلاد امقيم
ونفس العلم نرجع ثم نعيده واسر ياساري

[أبو نجر النفيعي]

الله الله

صح لسانك .. وحياك الله ..

:)

.

[الناسي]

الله يبارك فيك

[الناسي]

وين الشعار

[عمرالروقي]

سلام الله سلامن من ضميرن مايحب الضيم
ونظرة صاحبه دايم بعيده واسر ياساري
انا ليه ثلاث اشهور في وسط البلاد امقيم
ونفس العلم نرجع ثم نعيده واسر ياساري

0
0
0
0 صح لسانك
يالناسي
ولاهنت
وفي انتظار من يرد اولا
0000000000000000

[الناسي]

صح ابدنك ياعمر الروقي

[سعود العصيمي]

هلا يامرحبا من هاجسٍ يشبه حقاق الغيم = مايبلش فالمعاني والقصيدة واسر ياسري


نبا نكرمك وانته شاعرٍ تستاهل التكريم = بعلم زين فالريم الفريدة واسر ياساري

[الناسي]

صح السانك واستلم

[الناسي]

وإلا ياشيخ يااللي عارف التحليل والتحريم
أنا بنشدك عن ما فالعقيده واسر ياساري
إذا ودك تكرمني أنا ماودي إلا الريم
ياصيادن مايعرف ويش صيده واسر ياساري

[سعود العصيمي]

كلام الله وشرع الله مع التكبير والتسليم = وفرك خشوم ياللي ماتفيده واسر ياساري


الك عندي على علمك هذا عجرآ كبيرة تيم = اخذها ياصحيبي وامش سيده واسر ياساري

[ابو همام بن عمير المنصوري]

محاورة جداً جميلة في سبكها ومعانيها اشكركم بعمق

وأنا فى الصف متابع

[سعود العصيمي]

محاورة جداً جميلة في سبكها ومعانيها اشكركم بعمق

وأنا فى الصف متابع




هلا وغلا


ياهمام


وحياك الله


يشرفنا مرورك ومتابعتك

[الناسي]

وإلا يامعلمن راحت حياتك كلها تعليم
ولا من فود فقلوبن بليده واسر ياساري
أنا شأني رفيع وكل شخص أرقمه ترقيم
ورقمك مايجي بعده شريده واسر ياساري

[سعود العصيمي]

انا بنشدك قبل انّا نختمها معك تختيم = من ايّاالناس ياهذا الوليده واسر ياساري


ترا رقمك بسيط ولو بغيت احطمك تحطيم = اشب النار وتعود زبيده واسر ياساري

[سعود العصيمي]

الليل


الليل

ياالناسي

[الناسي]

انا حرن ولد حرن عدوي اوسمه توسيم
مطيري لاحتما راس الحديده واسر ياساري
احمدالله على النعمه بخير وعايشن بنعيم
يوم انك جالسن فوق الوقيده واسر ياساري

[الناسي]

الليل الليل ياسعود

[سعود العصيمي]

حرامي من حزامي لودريت انك وليد شريم =لاعرضك الخلا مانت بفقيدة واسر ياساري


على ناروكيفي كاتمك صاحبي تكتيم = ولانت مسافرٍ رحلة سعيدة واسر ياساري

[سعود العصيمي]

الليل


الليل



يالناسي

[مرزوق حمدان العتيبي]

حرام ٍ من حزامي لودريت انك وليد شريم
لاعرضك الخلا مانت بفقيدة واسر ياساري
..
ههههههه الله الله يابو طايل هات خشمك ><

صح لسانك يابحر ... وصح لسان الناسي ...
واصلوا ...

[سعود العصيمي]

حرام ٍ من حزامي لودريت انك وليد شريم
لاعرضك الخلا مانت بفقيدة واسر ياساري
..
ههههههه الله الله يابو طايل هات خشمك ><

صح لسانك يابحر ... وصح لسان الناسي ...
واصلوا ...



ابو محمد هلا والله وغلا


حي هالطله وصح كلك يالداهية