لمن هذالقصيده (مدح في عتيبه)

[فهد النفيعي]

هذه القصيد وجدتها في احد المنتديات ولايعرف قائلها ياليت احد يعرف قايلها

قالو وش انت قلت انا من عتيبــة **** ربعي لهــــم عندي معزة ومقدار
قومن على الطاغين صارو مصيبة **** كم جندلو من راس فارس ومغوار
تشهد لهم وقعات نــجد العريبــة **** كم صبحو قومن على وضح وجهار
لآشافهم راع الرمك شــق جيــبة **** مــن خوف يومن يصطلي كنة النار
جينا من الطايف تحت راي شـيبة **** يقــــودنا زعيمنــــا نطلب الثـــار
جينا نبا شيـــخن تـــردا نصيـــبة **** مـن عقب ما عيا على جيرة الدار
اختـــار حل الحرب من دون طيبة **** ما يدري ان الموت قصاف الاعمار
وجته الرجال الي تعزوى غضيبة **** منها سلاطين العدى ترخ الانظار
معـها سيوفن مرهفـــاةً صـــليبة **** لأوقعت فـــالراس تغديه شعثــار
ثم صار يومن كل رجــل يحكــيبة **** من هول ماشافت عيونه بلبصار
منها القلوب القاســيات تهــذيبة **** من خوف ترميها المنايا والاقدار

[ابوبجاد الرويس]

والله قصيدة رائعه

بس والله اخوي مدري من هي له

[فهد النفيعي]

لاهنت على المرور يابوبجاد
وياليت اللي يعرف قائلها من احد الخوان يفيدنا

[الحطيم]

السلام عليكم

ابن الدلوح
والله انا سامع القصيده
بس مايحضرني قايلها
في الوقت الحالي ولكن ان شاء الله
اني اجيبه لك

وعندي تعديل علي صدر البيت الاول
ان كان ماخانتي الذاكره
وهو
قالوا وش انت وقلت ربعي عتيبه
بدل
قالوا وش انت قلت انا من عتيبه
وسلامتك طال عمرك

[فهد النفيعي]

انشا الله لاهنت على مرورك

[فهد النفيعي]

مانقدر نعدل في قصيده مهيب لنا
الى الان قائلها لم يعرف

[عزارم]

صح لسانه وشكرا لك ياطيب

[عايض جزاء العصيمي]

قصيده جزله مافيها شك انها لشاعر متمكن

صح لسانه

انا اول مره اسمعها

[محمد الذيابـــي]

...


صح لسااااااااااانه..

[سعود بن سعد الحافي]

صح لسانه مليوون

قول و فعل ..

و القصيدة من معانيها تحكي عن واقعة شهيرة

في اعتقادي انها واقعة قحطان