اقرب شاعر اذا ممكن ....

[راع العرف]

السلام عليكم ...
حقيقه الشعر هوايه عندي وليس مهنه
هنا احاول لعل المحاوله تكون ناجحه
خصوصا ً انني بالمحاوره تجربتي متواضعه ..


ياسلام الله عليكم من ضمير ٍ مااستراح "" خاطره عقب البطا يارد على العد القراح
كل بير ٍ له غطاه وكل ليل وله صــــــباح "" والوعد قدام والله يكتب اللي فيه خـــــير

السلام ولا سلام الا بـــــــــعرف وسلوم ... والبيوت الطاهره من طهر سكانها
ياقريب اقرب وتلقاليْ زفرات وعلوم ... لاواهني الصخره اللي بوديـــــانها

تحياتي
راع العرف

[مرزوق حمدان العتيبي]

لاواهني الصخره اللي بوديـــــانها
...
الموال رائع ياراع العرف
ولكن ياليت ... تراجع العجز اللي نسخته ...
ولك جزيل الشكر ....

[راع العرف]

اخوي مرزوق العتيبي والله كنت حاس ان احد بيبدي ملاحظه
لكن للعلم انا شايله على لحن وماشي معي زي الحلاوه
وللعلم فقط المحاوره خصوصا ً ليست كتابيه بل على
لحن وفي الكتابه دائما ً تقرأ خطأ ...
للعلم انا شلت البيت اكثر من مره ولم انزله الا بعد تاكدي
من وزنه وتاكدي من عدم وجود خطأ ....
ولو انا ارى ان على اي شطر ملاحظه لما نزلته ابدا ً
واذا تبي تاكد هناك محاوره كانت على قناة الساحه للشاعر
الله يرحمه صياف وانا شلتها على نفس اللحن يعني البيتين
اللي بعد الموال ولاصار معي اي خلل باللحن ابدا ً وانا متأكد
للعلم هذا الطاروق صعب وقل من يعلم هو مكسور ام سليم
وانا متأكد من صحت كلامي...
حاول ان تجرب نفس اللحن وسوف ترى حقيقة ماذهبت انا
اليه بس والله قويه شعري يروح لقسم المحاولات الشعريه
ولكن تبقى هناك على كل ناقد جوانب مظلمه لايعلمها الا
ان بينت له وانا بينت ماعندي وتبقى استاذ نتعلم منه ياعزيزي
مرزوق العتيبي ولك كل الود ...
كنت اقدر اجيب طاروق ثاني لكن هذا الطاروق معجبني لحنه
كثير وحبيت احطه مع العلم اني استطيع ان اتي بغيره لكن
لحبي لصياف حيت ان العب عليه ...
تحياتي
راع العرف

[راع العرف]

المحاوره بين صياف وابن جرشان البقمي

[مرزوق حمدان العتيبي]

السلام ولا سلام الا بـــــــــعرف وسلوم ... والبيوت الطاهره من طهر سكانها
...
اخي العزيز راع العرف ...
هذا هو البيت الموزون .. والمتفق مع اللحن الذي ذكرته ....
ثم ان ياعزيزي ثق ان البيت الموزون يركب على عدت الحان
في الغالب ....
في البيت الثاني
الصدر اجبرته فيه ثقل قليل ... اما العجز فهو مكسور
وياليت ترسل لي رقمك على الخاص ... من شان
يتبين الالتباس ... والله لايهينك .... وشكرا لك على رحابة صدرك
....

[راع العرف]

السلام ولا سلام الا بـــــــــعرف وسلوم ... والبيوت الطاهره من طهر سكانها
...
اخي العزيز راع العرف ...
هذا هو البيت الموزون .. والمتفق مع اللحن الذي ذكرته ....
ثم ان ياعزيزي ثق ان البيت الموزون يركب على عدت الحان
في الغالب ....
في البيت الثاني
الصدر اجبرته فيه ثقل قليل ... اما العجز فهو مكسور
وياليت ترسل لي رقمك على الخاص ... من شان
يتبين الالتباس ... والله لايهينك .... وشكرا لك على رحابة صدرك
....
بيض الله وجهك واضن بعد المداوله اتضح لي مكمن الخلل
ولاحظت هناك ثقل بالشطرالذي انت بينته وكسر بالاخر....
شاكر لك اخوي مرزوق سعت صدرك ولباقتك بالحوار وتحملك
لي لكن عندي استفسار وهو هل ممكن انني انزل نفس الموال
واغير في البيتين واحطها على طاروق اخر ...
واوعدك انها تكون موزونه هالمره ...
ماعليه اخذت من وقتك لكن للعلم انا لم العب محاوره بحياتي
وخبرتي فقط بالنضم ...
وان لم يسمح لي النضام بااعادت الموال سوف ابدع موال جديد
طبعا ً اعادته ليست عجز مني ولكن هناك معنى فيه وشكرا ًً ..
الف شكر مره اخرى اخي مرزوق العتيبي ...
تحياتي
راع العرف

[فواز أبوخالد]

راع العرف .... سجل إعجابي بشجاعتك في

الرجوع وقبول النقد ... وصح لسانك ..

أخي مرزوق ... كل الشكر لك فقد إستفدنا من

ملاحظتك على تلك القصيدة ..

دمتم بخير


..........

[راع العرف]

اخوي الغالي فواز ابو خالد يالله حيه
مرحبا مليون والنقد اخوي صاقل للشاعر
ومهما كان اخونا الشاعر مرزوق العتيبي
شاعر كبير ومخضرم واكيد نضرته تهم
كل مهتم بالشعر وانا وغيري من الشعراء
المتواضعين بالشعر اي شعرنا محاولات
متواضعه نستفيد منه فائده كبيره ونضل اخوه
نتعلم من بعضنا ...
تحياتي
راع العرف

[مرزوق حمدان العتيبي]

..
.
بارك الله فيك ياراع العرف ...
وانت شاعر مبدع فالنظم ... وقادر على الابداع فالمحاوره
... لك شكري وتقديري ...
نعم بأمكانك المشاركه بالموال وابيات موزونه في منتدى
المحاوره ونتشرف ....

...

الاخ فواز الف شكر لك على مداخلتك القيمه
.. وكثر من امثالك ..
...