المساعد الشخصي الرقمي

مشاهدة النسخة كاملة : من أروع الردود في ساحات المحاورة ..


لماح
23-May-2007, 11:50 PM
السلام عليكم ,.,.,.,.,.,.,

يالربع هذا الموضوع واضح من عنوانه ..

والحقيقة موضوع فيه كثير من الفائدة والمتعة ..

بعيدا عن التعصب وعن التجريح وغيره ..

هذي المواضيع تشرف فن المحاورة الأصيل وتظهره بصورته الحقيقه ..

واصل المحاورة هو الفتل والنقض .. كما هو معروف

حتى أن الناس في الوقت الحالي يعتقدون أن المحاورة هي عبارة عن سبني وأسبك !!!

على العموم راح أبدأ بأول الردود في ساحات المحاورة والحقيقة هي كثيرة ..

ولكن راح أختار اللي أقدر أتذكره ..


يقول ابن عتقان (بحر جده) مع حبيب العازمي :

يهرجون العوازم مار باقي شرهم محبوس .. والحين الحكومه ما تخلينا نصارعها

رد حبيب العازمي :

لو ان الحكم فرقنا فلا زلنا بعد كابوس .. ولا يا ما اطيب السلمان والكابوس يفجعها

ايضا في نفس المحاورة قال ابن عتقان :

نياق سليم عاديه وناقكتم بست ديوس .. تحالف دونها العتبان وتوقع باصابعها

رد العازمي :

نياق سليم معروفه علاها جودة الطرطوس .. بطون كبار والفصفص من الدكان يشبعها


يقول عبد الله العير (الله يرحمه) مع ملفي المورقي :

مطير حصن تصاهل وانت خابرها ..
تدخل على عيال عمك في مقابرها ..
الغلطه اللي مضت لك لا تكررها ..

والنار ما تحرق إلا رجل واطيها ..

رد ملفي المورقي :

مادام تدخل مع الموت ذكرت الله ..
ونفضت كم العباه وقلت بسم الله ..
ما فيه مجنون يذكر غير عبد الله ..

والنار ما تحرق .....


وفي نفس المحاورة يقول ملفي :

والله لو انك لحالك ما تطاولني ..
وإنك في بعض السوالف ما تزعلني ..
لكن موجود في جنبك مية جني ..

والبيت ما يثبت إلا فوق سيسانه ..

رد العير :

يكفيك من جننا واحد يغني لك ..
قدام تفرض على ربعك معاديلك ..
العير جني ويقعد لك ويوميلك ..

والبيت ....


طبعا البيوت السابقة والموالات أما ان تكون طريفة خالية من التجريح .أو فيها معنى مبطن ولو كان سهل الفهم .. يعني دفن بسيط ..

لذلك أتمنى كل من يشارك أن يشارك ببيوت وموالات خالية من التجريح لأحد وبعيدا عن التعصبات

وأيضا لا مانع أن تكون بيوت طريفة .. خالية من الإساءة ما ذكرت ..


وسأحاول أن أرجع مرة اخرى واكتب بعض الردود الجميلة ..

وشكرا .. لـــــــــمـــــاح

ابوبجاد الرويس
24-May-2007, 12:05 AM
مشكور اخوي لماح

ولاهنت على موضوعك الرائع

وصدقت يالغالي في كلامك

مرزوق حمدان العتيبي
24-May-2007, 06:10 AM
الله لايهينك فكره رائعه
ونقول لك مشكور ...
..

رجـم النـايـف المطيري
24-May-2007, 06:59 AM
شكرا على الفكره

والابيات اللي ارددها دائما وعاجبني فتلها ونقضها

هي للشاعرين مطلق الثبيتي وصياف الحربي

رحمة الله عليهم

يقول الثبيتي

{مريت دار سليم والمطران وديار الحروب=لقيتها مرّه وحرّه ماتعشي ذيبها}


رد صياف

{ماجيتها الا عقب مالبست لها عشرين ثوب=ولا من اول لو نولّع نار ماتدريبها}


=========================================

والثانيه كانت بين الجبرتي ودخيل الله

الجبرتي يقول

{انا بطني كبير وياخذ الرجال عرض وطول=لك الله ماتجي لي ربع لقمه يادخيل الله}


رد دخيل الله

{وانا سماً قليل ولو كليت السم ويش تقول = ذبحك السم في بطنك ومت ولا رحمك الله}

=======================================

وابيات بين رجالله الحربي الله يرحمه وحبيب العازمي

يقول حبيب

ياكثر الهرج ياقلّه وياشينه مع الترديد=عيوني لو احيمرها معك ماتلتفت فيّه}

رد رجالله الحربي

{ياكثر الهرج ياقل الفعل ياراعي التهديد=ليا حيمرت عينك جتك مربوعه ومثنيه}

=============================================

وابيات لصياف الحربي الله يرحمه ورشيد الزلامي

صياف يقول

{البندق اخذوها الجماعه مامعك غير الحزام=بعض الجماعه بأخر الفزعه تبيح سدودها}

رد الزلامي

{البندقه والسيف معيه واتجه قبله وشام=يومن نارك يالحريبي مايدخن عودها}

وقال صياف

{حنا نصلي بالحرم وانته تصلي بالخيام=اثر مايعبث فوق خلق ياغير قرودها}

رد الزلامي

{انته تصلي لك صلاتن لاحلال ولا حرام=ينغزك اخوك بليس بين ركوعها وسجودها}

===================================

شكرا للاخ على طرح هذا الموضوع

تحياتي لك


اخوك


رجـــم النــــايــــــف

لماح
24-May-2007, 11:38 AM
أبو بجاد الرويس .. مرزوق العتيبي ..

شكرا على مروركم وتشجيعكم ..


وأشكرك يا رجم النايف على مرورك .. وما قصرت ..

الحقيقة الابيات اللي نقلتها لنا رااااااااائعة جدا .. وفعلا من أروع الردود ..

ولا تقطعنا من غيرها .. وأتحفنا بالمزيد ..



يقووول فيصل الرياحي مع حبيب :

يا حبيب خذ بنا جوله على ديرة عتابه = واعتبرها يا ولد عازم سياحه داخليه

رد عليه حبيب :

يالرياحي رح لدارك خل داري وش تبابه = يا مدور داخليه جتك وحدة خارجيه


وننتظر مشاركاتكم ..

لــــــــمــــــاح .,.,.,.,.,.,.,.,

محمد الروقي
24-May-2007, 11:39 AM
موضوع راائــع .. وتشكر عليه ..




مطلق الثبيتي :

لو جا حبيّب يتبعه مستور // ماجالهم فالملعبة غاري



حبيّب العازمي :

وش صار يامنهي ويا مامور // شفناك معك حزام وسواري



مطلق الثبيتي :

من حط سحره فالعيون العور // ماهوب بلا كاتب ولا قاري


حبيّب العازمي :

حنا نشيل اللي يحكم الشور // والعلم معنا غصب وجباري



========================================

عبدالله العير ..

شوفو لنا شاعر نبا نلعن ثواه // ماغار ابو فيصل بعيراً نشعبه

الشعر مثل النجم يلمع في سماه // والعازمي لو يارد البحر شربه


حبيّب العازمي :

ان كان تبغالك جمل تركب علاه // سلم على راس الجمل ثم اركبه

الشعر تال الوقت والله مانباه /// نبا خزام العار من حيد اذنبه


عبدالله العير ..

العار لامنه وقف خلك وراه // واللي يطيح من الجنيه هات حسبه

الشعر مع عبدالله اللي في ثراه // اهذيل ترغبله وحنا نرغبه


حبيّب العازمي

العار عارً رد راسه في قفاه // وان رد خشمه يم ديسه يحلبه

الشعر مع مطلق ومع رجلً حماه /// ماينتمي للملعبه قش صلبه

مرزوق حمدان العتيبي
24-May-2007, 12:06 PM
مطلق الثبيتي


ابربي حرامـيٍّ يشيـل التمـر بحثولـه==نما من عادته مايسرق الا تمر الاجوادي
ابوكم ماتسنع وامكم قشرى ومهبولـه==ليا ميزتها من قشرها ماعـاد تـزدادي
شليوح بن شلاح

علام الحضرمي قدام جيرانه كفا فولـه=يعقّب دلته ويجيـب للضيفـان بـرادي
انا امي صاحيه وامك من الايام مشغوله=ولاتسمع كلام امك نهار تصيح وتنادي

مطلق

زعل راعي الونيت وضاع له عشرين صاموله=ويوم انه زعل واليا الفرامل سلكهـا غـادي
حبال الخير بين الناس ممـدوده وموصولـه=ولاتقدر تغيرهـا ليـا شفـت القمـر بـادي
شلويح

اقص الجره اللي من زمان العـام مدهولـه==واثر طبع الحرامي يختلف عن طبع الاجوادي
انا خابرك تثني كان نار الحـرب مشعولـه==لكن اليوم عان القوم لك في كل مرصـادي

مشاري الحبردي
24-May-2007, 10:51 PM
لاهنتوا جميعا لكن
اعجبني بيت قاله زيــد الـــعــــضــــــــيلة رد(ن) على سلطان الجلاوي في موال الاماكن :

اسمعوا كلكم يا الحضورنا يالعموم ............ السوالف عن الماضي وش ادوراها

العقص
25-May-2007, 02:26 AM
ردود رائعة جدا ولعلي اضيف لها

يقول الزلامي

اسفرت وانورت يامرحبا بالضيوف
تركي 2000 وصفوفه ومن جامعه

رد تركي
البقا يالمرحب وانت بين الصفوف
بعد جامعك قوم سدير والمجمعة


وفي رد للعير على السناني

لاتمنع العير عن شيء عشقه وبغاه
العار كل(ن ) بها الدنيا يدور رضاه
اقول لك علم يابن سنان كنك علاه
والدار يومين يوم لك ويمن علاك

ذيب الجهني
25-May-2007, 04:00 AM
حبيب العازمي


الليلة الشعارخلوني على حيدالرصيف ......<>.......والآدمي مخلوق فوق الأرض والأرض تحته



رد محمد السناني



خلوك ربعك وأنت عندأهل البلدطرقي وضيف .....<>.....وأنا وفيصل دوم ماحنالكم متشمته




حبيب العازمي



إختلفنا وإتفقنا وإختلفنا قولوا ألاّ ......<>.....أنت ياللي تنطق ألا ليش ماتنطق بعد لا



رد محمد السناني



أتفقتوا وإختفلتوا ماطلع فيكم معلاّ .....<>.....واحدٍ منكم شجيع وواحدٍ دعواه ختلا




فيصل الرياحي



مبتنين أربع مدارس مع أربع جامعات .....<>.....ومن جهينـه مانبـي واحـدٍ يدخلهـا


رد محمد السناني


جامعه تجمع دروس العيال مع البنات ....<>.....منزلتنـا شامخـه فـوق ماننزلـهـا



رشيد الزلامي



أن طعتني لاتاصل البحرين ودبي وقطر ......<>......شوفلك غار حول ينبع وأنسدح في فيته



رد محمد السناني



عندي شهامة رأس والنعمه تبي حمد وشكر .....<>......يوم الزلامـي كـل مـا سلـم يمـد يديتـه

نايف البقيلي
30-May-2007, 03:24 AM
يقول ا:

الجبرتي

تذكر يوم شلتك وانت في ملز الخيل

تنظر وتقول خير يامنا وخير يامنا


ابو مشعاب

الا واعقب ابوك اللي سرى بامك ظلام الليل

وسموك الجبرتي وانت لامنهم ولا منا



يقول حبيب

الا ياراع المشعاب رده واستريح

لاترفع المشعاب وانا واقف هنا

رد ابو مشعاب
لين كان نفسك فيه علم بالصحيح

اخذه ياحبيب يالعله بالهنا

محمد الزايدي
30-May-2007, 02:36 PM
مشكوووووووووووووووووووووووور

أحمد الرفاعي
01-Jun-2007, 01:38 AM
يقول حبيب

الا ياراع المشعاب رده واستريح

لاترفع المشعاب وانا واقف هنا

رد ابو مشعاب
لين كان نفسك فيه علم بالصحيح

اخذه ياحبيب يالعله بالهنا



ههههههههههههههههههههههههههههه



والله منت سهل يابو مشعاب