من هجوسن توقد كنها ضوء نار

[النجم الثاقب]

سلام على الجميع
اسمحولي بالمشاركه ياهل الرديه..وسامحوني تراني جديد
واستلموا الله لايهينكم

من هجوسن توقد كنها ضوء نار
ياسلامي على الهيلا وسكانها

جيت زاير جديد وقلت ازور الديار
ياعسىالسيل يسقي رؤوس ضلعانها

[غازي غالب]

وعليكم السلام ..

يامرحبا يالنجم الثاقب .. حللت اهلاً .. ووطئت سهلاً

واستلم :


من هجوسن تشلّع مثل هد الحرار = مرحبا عد ماهلت من امزانها
جيت زاير واظنك ماجهلت المسار = كل سلعه تلاقيها بدكانها

[النجم الثاقب]

تسلم تسلم..واستلم

بعدحضرت ياقبلان تال النهار
البقابك عساك تعزز اركانها

قودها ياسفيرالوجه والجو حار
والسلع ماتبين الا من اثمانها

[السميــــــري]

الله الله ..
على الشعاار .. واصلووووا
على القوووة ..

[النجم الثاقب]

السميري شكرا لمتابعتك وانتبهنا يامشرف ترانا نتعلم

[سعود البرقاوي]

الله الله الله

شعراء متميزين والله

[غازي غالب]

حاضر (ن) في محل معسفين المهار = ولا نعزز نثبت فعل جدانها
انت تبغى يمين الدرب والا يسار = والسفينه عرفنا وجه ربانها

[غازي غالب]

السميري .. يامرحبا .. نورتنا يالغالي

سعود البرقاوي .. التميز هو تواجدك .. شاكر لك مرورك

[النجم الثاقب]

السماءوالنجوم الي بها الازدهار
انت قدامها والا من اوزانها

دام خيرتني يالاجودي في الخيار
عادتي امسك اليمنى بنيشانها

[النجم الثاقب]

البرقاوي حياك الله
وياهلاومرحب فيك

[غازي غالب]

انت نجمن سطع في ليل ثم استدار = والا انا ثابت (ن) من ماضي ازمانها
دام ياإبن الحلال تعرف وزن العيار = ورنا رميتك في وسط ميدانها

[النجم الثاقب]

ياسلام عليك ياقبلان

استلم

دوب جينا وسوينا مكيتب عقار
وسط تجارماندري عن اوزانها

رميتي جس نبض ولاش فيها غبار
لين اعرف الذياب ونظرت أعيانها

[غازي غالب]

الله الله

مكتبك موقعه ناجح وجاه العمار = غيركم به مكاتب عوج جدرانها
اثرك الشايب اللي ساكن (ن) وسط غار = والذيابه عرفتوا طول نيبانها

[النجم الثاقب]

نرجو الله يوصلنا النجوم الكبار
يعلم الله ترى جينا على شانها

ودنا نركز البيرق بوسط المدار
مع رجالن علوم الطيب عنوانها

الاخيره عندك ياقبلان
وشكرا لك من الاعماق
وشكرا لمن شاركنا وتابعنا ولنا لقاءاخرانشاالله

[غازي غالب]

من زرع زرع يحصد زرعها والثمار = وانت توك وصلت اليوم جيانها
دون ركز البيارق فيه حرب ودمار = كل قومن تدافع دون حقانها

تشرفنا باللعب معك يالنجم الثاقب .. وانت نجم على اسمك .. وصح لسانك ولاهنت ..

تحيااااااتي لك