قصيدة رثاء وتعزية في الشيخ ذعار بن ربيعان

[ابن عصيم]

أولا إنا لله وإنا إليه راجعون وأسأل الله أن يعفو عنه ويبيحه ويدخله الجنة

مرحوم يا شيخن على الطيب مجناه***وسلمه على سلم الجدود الأوايل
ذعار يالله تجعل الخلد مثواه***وترفع مقامه في الجنان الظلايل
جانا الخبر وأفزع قلوبن مهنّاه***وكلن يكض الدمع كض المسايل
نجم هوى من راسي المجد وأعلاه***والموت سنة وآخر العمر زايل
ريفن على ربعه وضيفه ومن جاه***وصاطي ليا جات العلوم الصمايل
ويالله ياللي تعلم السر وأخفاه***يامنشيٍّ صافي المزون المخايل
تغفر ذنوب ذعار يالله يالله***وتخلف لنا عقبه بحسن الجمايل
ولا مات شيخن قام شيخن على خطاه***رايه سديد وللمكاسيب نايل
وأخص شيخن باللوازيم ننصاه***عبدالله اللي للثقيلات شايل
يانسل محصن عالي المجد مبناه***عدوكم يصلى حرور الملايل
ياشيوخ روق أهل الفعول المزكاه***شيخان مافيكم من الميل مايل
آلاد روق لا جا نهار المثاراة***أفعالهم تشبه بحور هوايل
قلته وأعزي بإسم ربعي هل الجاه***آلاد عاصم مطوعة كل عايل
وصلاة ربي عد مزنن نثر ماه***على النبي وعداد بدع المثايل

ورحم الله موتى المسلمين وسامحوني على النقص والقصور

ابن عصيم

[ابوبجاد الرويس]

مشكور يابن عصيم على القصيدة

وصح لسانكـ

والله يرحمه ابن ربيعان ويسكنه الجنة

[نـاصرالهمهم]

صح لسانك يابن عاصم، ورحم الله الشيخ/ ذعار بن مسلط بن ربيعان وأدخله فسيح جناته وغفر له


إنــــــــــــــــا للــــــــــه وإنـــــــــــــــــا إليــــــــــــــه راجعـــــــــــــــــــون




أخوك/ نـاصر الهــــمـهم الثبيتي

[عبيد العتيبي]

إنا لله وإنا إليه راجعون
اللهم ارحمه وعافه واعف عنه

[السميــــــري]

أستسمحك على تنسيق القصيدة .. لاعجابي بها ..


مرحوم يا شيخن على الطيب مجناه =وسلمه على سلم الجدود الأوايل
ذعار يالله تجعل الخلد مثواه=وترفع مقامه في الجنان الظلايل
جانا الخبر وأفزع قلوبن مهنّاه=وكلن يكض الدمع كض المسايل
نجم هوى من راسي المجد وأعلاه=والموت سنة وآخر العمر زايل
ريفن على ربعه وضيفه ومن جاه=وصاطي ليا جات العلوم الصمايل
ويالله ياللي تعلم السر وأخفاه=يامنشيٍّ صافي المزون المخايل
تغفر ذنوب ذعار يالله يالله=وتخلف لنا عقبه بحسن الجمايل
ولا مات شيخن قام شيخن على خطاه=رايه سديد وللمكاسيب نايل
وأخص شيخن باللوازيم ننصاه=عبدالله اللي للثقيلات شايل
يانسل محصن عالي المجد مبناه=عدوكم يصلى حرور الملايل
ياشيوخ روق أهل الفعول المزكاه=شيخان مافيكم من الميل مايل
آلاد روق لا جا نهار المثاراة=أفعالهم تشبه بحور هوايل
قلته وأعزي بإسم ربعي هل الجاه=آلاد عاصم مطوعة كل عايل
وصلاة ربي عد مزنن نثر ماه=على النبي وعداد بدع المثايل

صح لسانك صح لسانك
يابن عصيم ..
ورحم الله الشيخ ذعار .. رحمة واسعة ..

[أبو نجر النفيعي]

..

صح لسانك .. يابن عصيم ..
قصيده جزله ومعبرّه ..

والله يرحم الشيخ .. ويرحم اموات المسلمين ..

.

[متعب العصيمي]

صح لسانك على القصيدة الجزله..
والله يرحمه ويسكنه الجنه..
لك جزيل الشكر وفائق الاحترام..

[عبدالله العريدي]

ابن عصيم

صح السانك

وبيض الله وجهك على القصيدة الرائعة و المعبرة عن علم من اعلام قبيلة عتيبة الشيخ ذعار بن ربيعان

لك جزيل الشكر وفائق الاحترام..

ابو خالد الروقي

[زبن القاضي]

ابن عصيم

صح الساااااااااااااااااانك لين ترضى


والله يرحم الشيخ /ذعار بن ربيعان وايسكنه فسيح جناته

[أبو زيد]

صح لسانك

ورحم الله الشيخ ابن ربيعان