انا اشوف الجذع تال الليالي مختلف بالحيل

[علي فلاح العضياني]

انا اشوف الجذع تال الليالي مختلف بالحيل=ولا ادري وش حصلّه تالي الايام يا كافي
منوّل في ميادين الاصايل فوق ظهر الخيل=وذالحينه مع الخليان ويسج القدم حافي

[سلطان الجـذع]

يبا يطلع عليك النور صبح ليا سريت الليل =تراني مااختلف طول الزمن وافي مع الوافي
ليا ماحصل الضرمان يالعضيان بن وهيل =يبا يقفي الشريف وفالبلد يلقى له أشرافي

[حمد بن جوباح]

.
..

يا سلام يا سلام يا الفالح

صح لسانك يا الجزل والصف صفك ولا تزعل

;)

وصح لسانك يا سلطان

مبدع كالعاده

والليل دوبه فاوله

سرووووووووووووهااااا

:)

.
.
.











تحياتي لكمـ ،،

[عمرالروقي]

الفالح
صح لسانك
ولاهنت
0000
وسجل ني في صفك حتى اشعار أأأأأأأأأأأأأأأخر
خخخخخخ
الجذع صح لسانك ولاهنت
------
والليل
الليل

[سلطان الجـذع]

.
..

يا سلام يا سلام يا الفالح

صح لسانك يا الجزل والصف صفك ولا تزعل

;)

وصح لسانك يا سلطان

مبدع كالعاده

والليل دوبه فاوله

سرووووووووووووهااااا

:)

.
.
.











تحياتي لكمـ ،،


صح بدنك يابن جوباح ,,,,,,

ولازم تفتح لك حساب فالبنك المركزي وتعامله :)

تراه خدماته طيبة ويوزع ارباح على المساهمين :) :)




تحياتي لك يابطل

[علي فلاح العضياني]

ليا منّي سريت الليل اعاين فالجدي وسهيل=لكن انته ما اشوفك قدمي ولا اشوفك خلافي

ترى العضيان اهل عمهوج توفي للرجال الكيل=وكمّ مره تحمّلك الحمايل فوق الاكتافي

[سلطان الجـذع]

عمر الورقي

يشهد الله ان تواجد اكبر شرف لنا

ولو انك دايم ضدي خخخخخ

[السميــــــري]

الله الله ,,
على المبدعيــن .. صح لسانك يالجذع ..

ليا ماحصل الضرمان يالعضيان بن وهيـل
يبا يقفي الشريف وفالبلد يلقى له أشرافـي

ليا ماحصل الضرمان يالعضيان بن وهيـل
يبا يقفي الشريف وفالبلد يلقى له أشرافـي

مبــــــــــــــــــــــدع ومعك فالصف ,,
يالجززل ,,

,,,

كما لا أنسى المبدع الفالح .. صاحب الابدااع ..
جزل يا علي ..

[سلطان الجـذع]

السميري

بيض الله وجهك ولاعليك زود ,,,الابداع انتم اهله

ومدامك فالصف ازهل سعادة المشرف

[سلطان الجـذع]

بعيد عنك مانت بشايفه لو كان بالدربيل =تعلا للمعالي وانت وسط المشلح الدافي
ياكم من ليلة فيها عليكم من طرفنا ميل =على الله يابعارين تشيل ثقال وخفافي

[عمرالروقي]

سلطان الجذع
الله يشرف مقامك
000
000
ماني ضدك انا معك
خخخخخ
بس فالمحاوره ذي صرت في صف الفالح
00000000000000000000000000

[السميــــــري]

بعيد عنك مانت بشايفه لو كان بالدربيل
تعلا للمعالي وانت وسط المشلح الدافي

بعيد عنك مانت بشايفه لو كان بالدربيل
تعلا للمعالي وانت وسط المشلح الدافي

الله الله

بيت رااائع .. صح لسانك ,,
ياسلام ياسلام ..

متااابع واصلووووووووووووا ..

[سلطان الجـذع]

سلطان الجذع
الله يشرف مقامك
000
000
ماني ضدك انا معك
خخخخخ
بس فالمحاوره ذي صرت في صف الفالح
00000000000000000000000000


ادري يالذيب :)

والفالح ابداعه يجبر الكثير للوقوف معه



لكن وين يروح عني وين :) :) :)

[الشمالي الغربي]

الفالح والجذع




سرى ليلكم


عمالقه وبس


صحة السنتكم ولاهننننننننننتوا

[سلطان الجـذع]

السمــــــيري

صح بدنك يالقرم ..

وتواجدك مهم ومحفز معنوي كبير

اشكرك عليه ’’’’’

[سلطان الجـذع]

الشمالي الغربي

هلا ومرحبا

نورت المتصفح

[علي فلاح العضياني]

وصلنا للمعالي وانت رايح في ذبيل كحيل=تراك انته طرف محسوب دايم ضمن الاطرافي
نحمّلك الحمول الجايره حتى ما عاد تشيل=و لا لك حيله الاّ تجلب اللي ما لها رافي

[سلطان الجـذع]

الله الله

يقولون العرب ماتنفع الحيله بليا حيل =مع أهل الصنف لاتقعد تلم ارباع وانصافي
لو الوجه القبيح مع الزمن ينفع به التجميل =لقينا اوصاف معقوله بدل هذيك الاوصافي

[علي فلاح العضياني]

علاك خيال سدّ خيال وانته تحت وبل السيل=لكنّ اصبر دقيقه لين حتّى يصفي الصافي
على الضلع القصيّر وقعنّ ثنتين يا ريجيل=اثر سلطان بالمكشوف ما يدري عن الخافي

[سلطان الجـذع]

نصيحه تزبن القاضي زبن وتحط له توكيل =ترى ماقفك يابو زيد ماهو ربع ميقافي
ترى بعض السوالف ناقصه ماتحمل التحليل = وانا ماالد عيني في بيوت نورها طافي

[علي فلاح العضياني]

هجدك الله هجاد اللي غزو مكه بعام الفيل=ترى هدّاج راهي ماه طول الوقت ما يافي
انا جبت العلوم الواقعيّه موجز وتفصيل=على شان الغبي يفهم ويا ستر الله الضافي

[سلطان الجـذع]

عوافي يالعضياني والا ياويلكم بالويل =ترى الرحلة طويلة والركاب هزال وضعافي
يادكان المحاني لو عرضك الشيخ للتقبيل =يبي يطمعك غير معمر القذاف قذافي

[نادر العش]

..




الله على الرديّة .. الله على الرديّة ..



أبدعت ياسلطان كعادتك .. ما انت بسهل ...

والصف ازهله ( مروّسين .. مشكلين .. مدربين .. كل متطلبات الصف ....... إلخ ).:)




ولاهان الفالح (قد الإشراف) .. شاعر متميز ..



واصلوا ....







.

[علي فلاح العضياني]

اجل ما دامت اركابك ضعيفه لازم التبديل=ابا اشيّب رموشك قبل معك اشيّب القافي
ابا اقبّلك يا بسطة عفيف لمن يبا تدخيل=وانا راكب ذلولي وانت روح اركب على هافي

[سلطان الجـذع]

عليه بالحرام انك بعد علمك هذاه خبيل =واظن اللي يورى بك على تال الزمن عافي
وألا ياللي حذفت القرش الاسود في طريق الريل =على دربه على دربه ولايدري ولاشافي

[سلطان الجـذع]

نادر العش

اسعدني مرورك كثيرا


بيض الله وجهك

يالغالي

[علي فلاح العضياني]

انا اشوفك تضلل وش تبا يا اخوي بالتضليل=وانا ماني خبل ربعي قضاة حقوق عرّافي
ليا منّه وزا ذيب الغداري في جبال هذيل=يجيك ذياب بكره تعتلي في كل مشرافي

[الجـذع]

الله الله

اللعب صار قذايف مدفع وهاون

...

لكن ماعليك ياسلطان ماسك صفك وعاصب العمه :D

...

الشاعر المبدع الفالح ازهم على مصاول يمسك الصف :p

[كبتن عتيبه]

صحت السنتكم


متابعين

[سلطان الجـذع]

على طاري المحاني نكثر التكبير والتهليل =لو أنا مانخدعنا في ثياب بيض ونظافي
قطعتوا ميل واحد بس باقي 500 ميل =متى تتاصلوا بحر الخليج وحد الاسيافي

[سلطان الجـذع]

الجذع &الكبتن

حيـــــــــــــــــاكم الله يالغالين

ويسعدنا هالتواجد

[علي فلاح العضياني]

الشاعر الكبير سلطان الجذع


صح لسانك اخوي وتشرفت باللعب معك وبيض الله وجهك وما قصرت

[سعود البرقاوي]

ماشاء الله تبارك الله

طاروق قل مانجد مثله في المنتديات

صحت السنتكم

[حمد بن جوباح]

.
..

طيب طيب

طاروق رائع

صحت ألسنتكم يا النشاما

وبيض الله وجيهكم

:)

.
.
.












تحياتي لكمـ ،،

[مرزوق حمدان العتيبي]

...
..
.
الفالح .... و.... سلطان
مبدعين كالعاده ... وصحت السنتكم ..
..

[سعود العصيمي]

الفالح صح لسانك مليووووووووون




سلطان الجذع


صح لسانك حتى ترضى


ولاأظن احد يلومنــــــــــــــــــــــــــــــــــــــــ ــي فيك




اذا قلت انك اسطورة الشعــــــــــــــــــــــــر وبحـــــــــــــــــــــر من بحــــــــــــــــــــوره الهائجــــــــــــه

[سلطان الجـذع]

سعود البرقاوي ...بيض الله وجهك ومشكور ياالطيب


بن جوباح ...اشكرك جزيل الشكر ..على المتابعه يالغالي


مرزوق ...ياحبي لك ..اشكرك على تواجدك ..


سعود العصيمي ..من يلومني فيك يالرفيق الغالي ..وانا واحد من تلاميذك

[وحي العقل]

والله يايجي بينكم شئ

مانتم بصاحيييييييييييييييين

في ذمتي



محاوره قمه لاتقل سابقاتها

مشكورين ايها العملاقين

[الأبتـــر]

الفالح

الجذع

صح ألسانكم على هالطاروق الجميل