انــــــــــــــا هـــنـــــيــــــــــــا ......

[محمد الروقي]

اقرب نفر ...



اباقف هنيا مثل وقفة الذيب = ومافيه احد يجهل فعول الذيابه

الناس تال الوقت تحتااج تدريب = والنقص مايلحق قبيلة عتابه

[مقاطي مكه]

الله الله يامحمد الروقي

مبدع دائما

بانتظار اقرب شاعر

وصح لسانه مقدما

[محمد الروقي]

هلا وغلا يامقااطي مكه ..


وصبحك الله بالخير .. حضورك بحد ذاته ابداااع ..


والله يجيب الشاعر ..



لاهنت ..

[حمد بن جوباح]

.
..

الله الله

صباح الورد

:)


يا مرحبا ترحيب يرقا المراقيب = كل ذيب يشبع من يدينه ونابه
رتب كلامك يا ابن الأجواد ترتيب = وكل بعنوانه يوضح كتابه

[حمد بن جوباح]

الله الله يامحمد الروقي

مبدع دائما

بانتظار اقرب شاعر

وصح لسانه مقدما

.
..

حياك الله

وصح بدنك طال عمرك

تشرفت بمرورك

:)

.
.
.













تحياتي لكـ ،،

[محمد الروقي]

ارحب ارحب يبن جوبااح

وانا ساع انتبهت لردك وصباحك ورد شاامي



دام البقا ياللي تعرف المواجيب = وعلمك مثل علمي وفكرك يشابه

الحر يعرفني ليا قمت ما اخيب = اليا خطبت اختار جزل الخطابه

[حمد بن جوباح]

ما اقول فيكم يا النشاما عذاريب = لكن على قد السؤال الإجابه
وقت الهدد ما بين غلطان ومصيب = احد بنعيمه واحد يلقى عذابه

[محمد الروقي]

طيب طيب



ماودي اصعب لك العلم تصعيب = صبرك شوي وخيلي ياسحابه

اشوف لي طلاب تبغى المشاعيب = حماهم الريّس بسيف وحرابه

[حمد بن جوباح]

اشوف لي ترغيب واشوف ترهيب = لكن خابر كل شيء بحسابه
الضيف حكمه تحت حكم المعازيب = من بعد نفـْتش كل ضيف وزهابه !!

:)

[محمد الروقي]

طيب طيب معك لين يبدا التدوال :)



الشيخ والراعي سوا فالمشاريب = وش عاد تبغا كثر هذي الغرابه

والله يالالا حشمة صحيب لصحيب = ولولا غلا الريس لذكي الزلابه

[حمد بن جوباح]

يمكن تواضع والتواضع ماهو عيب = معروف من عصر النبي والصحابه !!
ما يقصر الطلاّب دون المطاليب = واللي يقدّم حجته مرحبابه

:)

[محمد الروقي]

طيب طيب ..


نضحك على انفسنا باخس الاساليب = نتواضع وبعض التواضع مهابه !!!

ماهوب كل من جا نزيد التراحيب = بعض البشر سوسه مابين القرابه

[حمد بن جوباح]

بنت العداله بادي براسها الشيب = شافت عصابه ظالمتها عصابه
والحكم بالظاهر ولا نعلم الغيب = والله مقدّم رحمته عن عقابه


اخوي / محمد

صح لسانك طال عمرك

استمتعت بمجاراتك يا الذيب

والجاي أحلى

:)

.
.
.















تحياتي لكـ ،،

[محمد الروقي]

ماحسب لهم ماعدهم من هل الطيب = الكلب ينبح ثم تنابح كلابه

الشك زايل ماحصل شكً وريب = ياليت بعض الناس يعرف صوابه



صح لسانك يبن جوباااح

اسمتعت باللعب معك ... وبيض الله وجهك ولاقصرت




شكراااا من الاعماااق

[مقعد الدغيلبي]

محمد الروقي

خذ حبة خشم

ياسنايدي

طاااااااااااااروق ملغم
وقنابل عنقوديه

لله درك
صح لسااااااااانك ملايين

تقبل خالص الود والورد

[مقعد الدغيلبي]

محمد جوباح

حي هالراس

اللي جعلني مافقده

ردودك مافيها كلااااااااااام

يالذيب

والنقص عنك بعيييييييييييد

شاعر متمكن وسياسي
ومحنك وكاااااااااااااارثه

لك اسجل اعجابي والشهاده
مجرووووووووووحه
تقبل خالص الشكر

[محمد الروقي]

ابو فيصل .. فديت هالرااس


حضووورك له نكهه خااصه وطعم ثااني ..


واشادتك وكلامك وسام على الصدر واعتبره فخر وشرف



صح كلك يااابعدي .... ولاهنت والله يالذيب ..

[مرزوق حمدان العتيبي]

...
.
مابكم حيله ... واقول يامحمد هو .......
جنيك مايشتغل الا مع الضحى خخخخخ
الحقيقه انت رائع وابو جوباح رائع ويعلكم على القوّه ..
صحت السنتكم .....

[السميــــــري]

,,

حمد بن جوباح ,, أسم لامع في عالم الأبـــداع ,,
صح لسانك يامبدع ,,
,,

[محمد الروقي]

ابو محمد ..


اررحب اررحب يالامير ...


وحضووورك غير ...حضورك هو الابداع يا استااذي ..

صح كلك يابعدي


والعلماء اكتشفو ان جنون الضحى اقوا من جنون الليل ههههههههه


شرفتناا بمرورك يالمدير .. ولاهنت والله

[السميــــــري]

محمد الروقي ,, صح لسانك صح لسانك ..
أبدعت ولاقصرت ,,
محاورة كانت رائعة ,,
دمت على خيــر .,

[محمد الروقي]

السميري ..


هلا وغلالالا ..


صح كلك والابداع حضوورك ياغالي ..


لاهنت على تشريفك ..


دمت بــود

[حمد بن جوباح]

محمد جوباح

حي هالراس

اللي جعلني مافقده

ردودك مافيها كلااااااااااام

يالذيب

والنقص عنك بعيييييييييييد

شاعر متمكن وسياسي
ومحنك وكاااااااااااااارثه

لك اسجل اعجابي والشهاده
مجرووووووووووحه
تقبل خالص الشكر

.
..

محمد والا حمد

أهم شيء شوفتك يا الأمير ;)

حيا الله ابو فيصل

وصح بدنك

العين ما تعلا على الحاجب طال عمرك

:)

.
.
.












تحياتي لكـ ،،

[حمد بن جوباح]

...
.
مابكم حيله ... واقول يامحمد هو .......
جنيك مايشتغل الا مع الضحى خخخخخ
الحقيقه انت رائع وابو جوباح رائع ويعلكم على القوّه ..
صحت السنتكم .....

.
..

حيا الله المدير

صح بدنك طال عمرك

الرائع وجودك ومتابعتك يا الذيب

مير محمد جنونه قرينا عليها عيّت تخدم

نبااا نحوّله على مقعد يقرا عليه

ههههههههههه

:)

.
.
.










تحياتي لكـ ،،

[حمد بن جوباح]

,,

حمد بن جوباح ,, أسم لامع في عالم الأبـــداع ,,
صح لسانك يامبدع ,,
,,

.
..

السميري

يا لبى قلبك :)

صح بدنك طال عمرك

والإبداع منكم وفيكم يا عزوتي

:)

.
.
.














تحياتي لكـ ،،