وين انت يا قبلان

[مساعد العضياني]

وين انت يا قبلان بداع القصيد=عطني علومك دقها مع جلها
لا تبدع الاشعار ماعندك رصيد=وان طويت الصفحه عليك اتفلها

[غازي غالب]

الله يدبر يامساعد مايريد = وإعلومنا صعبه وكايد حلها
انا احمد الله شاعرن قلبي حديد = سل السيوف وصاحبك بيسلها

[مرزوق حمدان العتيبي]

...
.
مساعد وقبلان .... ابداع الله يعطيكم العافيه ..
...
واصلوا .. لين تبدا المحاوره المباشره ... والله يقويكم ..
...

[البدر2006]

الله يعطيكم العافيه

[مساعد العضياني]

الملعبه قدام والكايد يكيد=واللي يريد الطيبه ياصلها
اسل سيفي يوم للضربات اجيد=وان جاتك الضربات وش تعمل لها

[مساعد العضياني]

يعافيك يالبدر
مشكور على المرور

[غازي غالب]

هذا هو الميدان كانك تستفيد = والطيبه تّعرف عساك إدلها
سيفك بدون إنصاب من قطعة جريد = ياعنك منته صايرن عشقٍ لها

[غازي غالب]

سعادة المدير .. يامرحبا نورتنا ..

البدر اهلا وسهلا .. منور يالغالي .


تحياااااااتي لكم

[مساعد العضياني]

ادلها وادل ابوها واستفيد=يالشجره اللي قام يقصر ضلها
سيفي يشق العضم مع حبل الوريد=والسالفه مانته بعارف حلها

[غازي غالب]

يا الاد عاضي شبلكم شكله بليد = شجره وفيها داب لايقرب لها
إن كان تبغى الصدق والعلم المفيد = عمهوج خله والبيارق خلها

[مساعد العضياني]

الداب في دربك ولا اظنك تحيد=وليا وطيت الداب رجلك شلّها
عموهج اريد اقناه للوقت النكيد=والسالفه طالت وبانت كلها

[غازي غالب]

يومين ماجانا رساله بالبريد = والهامله متى تعوّد لا اهلها
ماكل موته تعتبر موتت شهيد = ولا كل جمالن يجي كفو(ن) لها

[مساعد العضياني]

الهامله قسمك ولن زودت ازيد =رضيت بالمقسوم يازبن(ن)لها
الّيا بغيت العلم والراي السديد=والسالفه مرتك مار افطن لها