تسجيل الدخول

مشاهدة النسخة كاملة : مخطط عشوائي 00((على ظهرداب 000

عبدالاله شلواح
20-May-2007, 01:07 AM
اخواني واسا تذتي اعضاء ورواد هذا الصرح الشامخ
اهديكم هذه القصيده النابعه من قصه حقيقيه


تشتري اربع قطع على شارع اربعين وتحصلها بعد اسبوعين متحركه من موقعها الى مواقع اخر

تحت جبل اي والله هههههه (حسبي الله ونعم الوكيل ولكن مايضيع حق وراه مطالب00)
(مسيحه /قريه تبعد عن مكه 120كيلو)



الشعرموقف والقصايد مواقيت= إنمرها لجل القصايد إمريحه
والشعر نار وقدحت النار كبريت=والبرق يقدح في مزون القريحه
قام ايتواشا كل ماصبحت وامسيت= رفراف براقه قوي(ن) قديحه
وحركني الهاجوس واقبلت واقفيت=ونفسي على مدح النشاما شفيحه
اللي لهم في قمة المرجله بيت=اهل الاشده والقلوب النصيحه
وللطيب واهل الطيب بين العرب صيت=والعودالازرق يعجب الناس ريحه
قابلني العمده ورحب بعد جيت= وقلبه للخلق الله بلاد(ن) فسيحه
شامح شموخ اطويق هرجه بتوقيت= حكيم هرجه والنوايا صحيحه
وان كان بالعمده وفارس تعزيت= قام البعير اللي برك من مطيحه

يالشيخ فارس قاضي الحق حييت= والحق صابون القلوب الجريحه
نزلت ضيف ورحبوبي ورديت= دام البقاء حسب السلوم الصريحه
ومن ظهرها واضلوعها ماتعشيت=والضيف مايرضى برجل الذبيحه

قالوا تشرى قلت معكم تشريت= وشريت لي اربع قطع مستريحه
شريتها في وسط مكه وحجيت =ودورتها ولقيتها في مسيحه
صدقتهم كذبتهم ثم ناديت= جابر صحيح العلم والا مزيحه
قال العلم واضح والخير مثل مااوحيت= انته وانا والداب نسمع فحيحه
دوك الاراضي ساريه وانت شديت= وارسال ماش ولاتشغل شريحه
وبالحق واعلوم الرياجيل داعيت=والله نصرني بالوجيه الفليحه

ورجمتهم وسط المخطط طواغيت=بعد البسوا ثوب الردى والفضيحه اخوكم

عبد الاله العتيبي
متعب العصيمي
20-May-2007, 02:13 AM
ومن ظهرها واضلوعهـا ماتعشيـت
والضيف مايرضـى برجـل الذبيحـه

صح لسانك ياعبدالله قصيدة جزله..
.. ولاتحرمنا من جديدك..والحق مايضييع ونا خوك..
.. موودتي..
ابوبجاد الرويس
20-May-2007, 02:28 AM
مشكور اخوي عبدالاله

وصح لسانكـ

وبيض الله وجهكـ

وتقبل مروري يالغالي
الــوآفــي
20-May-2007, 03:59 AM
جزل يابن شلواااااح


صح لساااانك



ومبروك كسبك للقضيه :)


الله يحمي المسلمين من الاحتيال والمحتالين



اخوك
رشيد النقريني
20-May-2007, 03:24 PM
مشكور اخوي عبدالاله

وصح لسانكـ

وبيض الله وجهكـ

وتقبل مروري يالغالي
عبدالاله شلواح
21-May-2007, 04:12 PM
[QUOTE=متعب العصيمي;341438]ومن ظهرها واضلوعهـا ماتعشيـت
والضيف مايرضـى برجـل الذبيحـه

صح لسانك ياعبدالله قصيدة جزله..
.. ولاتحرمنا من جديدك..والحق مايضييع ونا خوك..
.. موودتي..[/QU


اخوي الفاضل متعب


مشكور على المرور وبيض الله وجهك
عبدالاله شلواح
23-Jun-2007, 10:47 AM
مشكور اخوي عبدالاله

وصح لسانكـ

وبيض الله وجهكـ

وتقبل مروري يالغالي



ابو بجاد الرويس

صح بدنك

وماقصرت مرورك يشرفني


اخوك

عبدالاله بن شلواح العتيبي
أبو نجر النفيعي
23-Jun-2007, 11:11 AM
..

صح لساااااااااااااااانك يابن شلواااااااااااااااااااااح

قصيده جزله من راس جزل ..

(( ما تدور لي ارضٍ زوينه فيها :) ))

لاهنت يالغالي ..

.

اخوك.
معلا إبراهيم الأسعدي
23-Jun-2007, 02:21 PM
صح السانك بارك الله فيك
عمرالروقي
23-Jun-2007, 08:27 PM
صح لسانك ياعبدالله قصيدة جزله..
.. ولاتحرمنا من جديدك..والحق مايضييع ونا خوك..
.. موودتي..
بحر القوافي
23-Jun-2007, 11:32 PM
عبدالله


ماشاء الله عليك


فهمت القصه من القصيده


صح لسانك لين ترضى


قمة الأبداع


لاهنت على الجزله


أخوك/بحرالقوافي