الفالح صديقي روح جاي

[نايف الحميدي]

تعال يالفالح وسر الليل والمعنى خطير= الليل توه ماسرى سرى السرى حل العقد



اخر زمان الطير ابوجنحان مايقدر يطير=والي عيونه راقده تالي زمانه مارقد

[علي فلاح العضياني]

ياللي تناديني وصلتك يا عسا فالامر خير=الليل نصه راح يا رجال والباقي بعد
مدّ الغني يا صاحبي ما هو مثل مدّ الفقير=يا صاحبي نايف ترى ما كل من دوّر وجد

[نايف الحميدي]

الليل الاول راح بس الذيب يسري فالاخير=هاذي حقيقه والحقيقه بيننا تبقى سند



يالفالح ادلك على الجنه وتنصى زمهرير=ياكبرها ياعبرها وش فيك ياهاذا الولد

[علي فلاح العضياني]

يا صاحبي نبا نسريها يصير اللي يصير=واعرف ترى اللي تبذله بالسبت تلقاه الاحد
نبا ندوّر له مصير و لا لقينا له مصير=تبا الحقيقه يا طويل العمر ما فالحمض احد

[نايف الحميدي]

حنا بذلنا الطيب يالفالح وحكمٌنا الضمير=انوٌرد الضامي ليا منه نصانا ماورد



الشعر مايحتاج يارجال في جعبت جرير=وانكان ماتدري ترى نايف على الدعوى شهد

[علي فلاح العضياني]

انت تعلمني وانا يا اخوك بالدعوى خبير=واللي يجيب الطيبه شرواك يبشر بالسعد
ياللي شهدت بزور اخذ لك ركعتينه واستخير=حتى يبين لك اللي مسوين زحمه فالبلد

[زبن القاضي]

نبا ندوّر له مصير و لا لقينا لـه مصيـر
تبا الحقيقه يا طويل العمر ما فالحمض احد



الله الله يالفالح

صح السااااااااااااانك ولايهون نايف

كلكم مبدعين