يالفالح سر اليييل

[نايف بن ملحق الثعلي]

يا سلام الله سلام فيه شرهات كثيره=للصحيب اللي تغير واختلف مدري علامه
انت يالفالح نشوفك في لياليك الاخيره=مختلف بالحيل والرجال يعرف من كلامه

[علي فلاح العضياني]

مرحبا لو كان مالك عندنا كبر الشعيره=كم خوي من خوّته يا صاحبي ليت السلامه
صاحبك ما يختلف نهجه ولا يخلف مسيره=-لو يشدّ الضلع ضلع النير في ساحل تهامه

[نايف بن ملحق الثعلي]

لا تضيق ابك الدروب ولا تبيح بالسريره=ردها قدام لا تبديبها ريع الندامه
صاحبي عنده علوم وسيرته ماهيب سيره=مار مدري من جهل ولا من الصاحب غشامه

[حمد بن جوباح]

.
..

الله الله

نايف والفالح :)

صحت ألسنتكم

الليله الطواريق مشتبكه

ههههههههههه

:)

.
.
.














تحياتي لكمـ ،،

[علي فلاح العضياني]

انت يا نايف قليل المعرفه واعمى بصيره =قبل هذي ما دريت انّك صمامه في عمامه
صاحبك مسرعك تنسى جوده وفضله وخيره=البلا فاللي نظام اهل الوفاء ما هو نظامه

[نايف بن ملحق الثعلي]

القضيه هينه لا تحسب الدعوى كبيره=والرفيق اللي سواتك ماتنزل في مقامه
غير الموضوع الاول جيب لي موضوع غيره=واعرف ان المحترم يلقى مع الناس احترامه

[علي فلاح العضياني]

القضيه كان عندك يا ولد عمي صغيره=حجمها كبر الجبل عند الرجال اهل الشهامه
ليت نايف قبل يبدي بالغلط حكّم ضميره=كان والله ما يلام ولا نلحقه الملامه

[نايف بن ملحق الثعلي]

لا تخلي سالفتنا كبر ضلعان الجزيره=يا عسى ابوك الذي خلفك في الجنه عضامه
الغلط ماهو ب مني مار دير العلم اديره=خلها ياصاحبي ذا الليل ضحكه وابتسامه

[علي فلاح العضياني]

فيه بعض اومور يارجال ما تقرب خطيره=يا عسى الله عنكم ايهوّن حشر يوم القيامه
اعتذر منّا واقوللكم عسا فالامر خيره=قبل تدفع لك على غلطتك يا نايف غرامه

[نايف بن ملحق الثعلي]

فيه كسر ينجبر واكسور ما فيها جبيره=والبعير اشعيل يا رجال لا تفلت خطامه
الليال ابغيبها واحبالنا ماهي قصيره=والعلامه بينه لن كان تدري بالعلامه

[علي فلاح العضياني]

بيننا حبلّ متين وبننا رفقه وجيره=والبعير شعيل لا ينزل شداده عن سنامه
بعد هذي من يحوس العلم حاس الله مريره=الرجل ما يلتفت خلفه يلدّ العين امامه

[نايف بن ملحق الثعلي]

تصبح على خيييييييييييييييييييييييييييييييييييييير

[نايف الحميدي]

الله الله



صح لسااانك يانايف

وصح لسااانك يالفالح




متابع للنهايه

[نايف بن ملحق الثعلي]

بارك الله في الرجال اللي يصدون المغيره=والزعامه مالها كود الرجال اهل الزعامه

بعد هذي مانبا يا صاحبي غير الستيره=وانت لا تجهل حزامك ما حد(ن) يجهل حزامه

[علي فلاح العضياني]

وانت من اهل الخير


وما قصرت

[علي فلاح العضياني]

نايف الحميدي هلا وغلا

مرورك نور الصفحه يالغالي

[عبدالمجيد الثعلي]

الله الله محاوره

رائعه وشعار جزلين

لاهنتوا

[نايف بن ملحق الثعلي]

الحميدي وذيب المساري
لا هنتو على المرور