الليل ياحمد جوباح الليل

[علي فلاح العضياني]

سرى ليلي وليلك شد حيلك يا حمد جوباح=نبا نسري مثل مسرى الذيابه في مساريها
انا اشوفك تكافح في حياتك والحياه اكفاح=ولكن الغنايم والمكاسب ما تضويها

[أبو نجر النفيعي]

..

صح لسانك .. ابداع ..

وننتظر حمد ..

.

[حمد بن جوباح]

سرا ليلي وليلك والخلايق سدها ما باح = نورّدها ونصدّرها ونجرحها ونداويها
نبيع ونشتري والحمد لله نكسب الارباح = لكن انته تسوم الغاليه ما انته بشاريها

[حمد بن جوباح]

.
..

حيا الله ابو نجر

شرفتنا بحضورك يا الغالي

:)

.
.
.












تحياتي لكـ ،،

[علي فلاح العضياني]

نبا نسري يا لين الشمس بكره نورها ينباح=ولا ندري نخرّبها معك ولا نسويها
انا اشوف الحقيقه والحقيقه نورها وضّاح=وانا رجّال اسوم الغاليه بالمال واشريها

[حمد بن جوباح]

تعال اسبح بحور المعرفه وآنا معك سبّاح = حدا الثنتين يا ننجدك والا نغرقك فيها
على قول المثل من طاح فيها يا مهذب راح = وانا خابر دعاويكم وطابخها وشاويها

[علي فلاح العضياني]

لو انك تنحسب سبّاح يمديهم عطوك وشاح=سجلاتك قريناها من اولها لتاليها
تراك مهذّب اللي يذكرونه في يديني طاح=وابا اسوّي سواياً فيك ما واحد يسويها

[حمد بن جوباح]

انا ماني بـ عبد ٍ تملكه بالأوسمه يا صاح = سجلاّتي شرف باسمي لقاريها وراويها
زراح اللي مسمّى جاء يشيلك يا حصاة ارزاح = تسدّح فالدروب اللي بعيدات ٍ حراويها

:)

[علي فلاح العضياني]

الا يا طير ياللي ما تطير اثرك كسير جناح=طيور الجوّ طارت وانت ما تقدر تخاويها
تهددني وانا اللي في يدي القفل والمفتاح=حصاة رزاح عندك وانت يمّي لا تدربيها

[نايف الحميدي]

الله الله




طاروق رائع



صح لساااااااااااااانك


يابن جوباح


ولسان صديقي الفالح

[حمد بن جوباح]

انا ماني بـ كسير اجناح لكن مخلبي جرّاح = اطير امع الحرار وخوّة الغربان مبغيها
مثبّتها وحجتها معي يا السارق المزاح = حصاة ارزاح في راس السروق الله مواسيها

[حمد بن جوباح]

.
..

حيا الله نايف

صح بدنك طال عمرك

وشرفتنا بحضورك ومتابعتك يا الغالي

لا خلا ولا عدم

:)

.
.
.













تحياتي لكـ ،،

[علي فلاح العضياني]

صح لسانك يا حمد


والى لقاء اخر

[حمد بن جوباح]

.
..

صح بدنك طال عمرك

والوعد قدّام

:)

.
.
.












تحياتي لكـ ،،

[الجـذع]

شعار كبار ومبدعين صحت السنتكم

وننتظر الوعد
:)


...

حمد سجل اعجابي بهالبيت


على قول المثل من طاح فيها يا مهذب راح=وانا خابر دعاويكـم وطابخهـا وشاويهـا

بيت كبير من شاعر كبير

[زبن القاضي]

الفالح


بن جوباح


صح الله السنتكم


يامبدعين