الكبتن ,,,يجيــــلك يوم,,,تنـــــدم على ماسويت

[سلطان الجـذع]

قوم يالكبتن وقرب خطوتين ونص مني =خلها الليله معاند نمتحنك وتمتحنا
حالف لاأدبل حسابك فالعلوم اللي لفني =تحسب انه ماورى الحيران أأبه هرش يحنا

[مرزوق حمدان العتيبي]

حالف لاأدبل حسابك فالعلوم اللـي لفنـي
تحسب انه ماورى الحيران أأبه هرش يحنا


...
ايه ايه يابو السلاطين
علاك به وانا في صفك..
:)
..
صح لسانك وننتظر الكبتن ...
ونرقب مايسفر عنه هذا الهجوم الشامل
....

[سلطان الجـذع]

....
..
.
مرزوق بيض الله وجهك

أنت الزم الصف وازهله

ومشكور على التشريف

ياعمي

[حمد بن جوباح]

.
..

الله الله يا سلطان

صح لسانك يا الجزل

والدعوى فيها حساب ودبل صن واللعب برا :cool:

مير يجي الكبتن ونشوف من تقوم عليه

:rolleyes:

.
.
.













تحياتي لكمـ ،،

[سلطان الجـذع]

.
..

الله الله يا سلطان

صح لسانك يا الجزل

والدعوى فيها حساب ودبل صن واللعب برا :cool:

مير يجي الكبتن ونشوف من تقوم عليه

:rolleyes:

.
.
.













تحياتي لكمـ ،،

بيض الله وجهك ياحمد والجزاله انتم اهلها

ومشكور على المرور المشرف ....

ومثل ماقلت ((يجي الكبتن ونشـــــــوف))

[محمد العضياني]

قوم يالكبتن وقرب خطوتين ونص مني =خلها الليله معاند نمتحنك وتمتحنا
حالف لاأدبل حسابك فالعلوم اللي لفني =تحسب انه ماورى الحيران أأبه هرش يحنا

الله الله

صح لساااانك مدد بلا عدد يا سلطان الجذع

مبدا مسرررري

[سلطان الجـذع]

البواردي

صح بدنك مدد بلاعدد ياصديقي

وشرفت يالغالي

[علي فلاح العضياني]

الله الله

يا سلطان الجذع

واعتبرني فالصف المقابل ههههههههههههه


وصح لسان الكبتن مقدما

[سلطان الجـذع]

صح بدنك يالفالح

واسعدني تواجد يالغالي

[نايف الحميدي]

صح لسانك


ياسلطان

وفي انتظار الكبتن



متابع للنهايه

[سلطان الجـذع]

صح بدنك يالحميدي

ومشكور على المتابعه

يالغالي

[كبتن عتيبه]

الله الله


والله انّي ما امتحنتك وأنت تبغى تمتحنّي=وأنت لو اتحوص منّا جيت ياسلطان منّا!!
مير ياسلطان جيتك وأنت وين اتروح عنّي=والله ان الحمل كبر الضلع وابرك ياجملنا!!

[غازي غالب]

الله الله


والله انّي ما امتحنتك وأنت تبغى تمتحنّي=وأنت لو اتحوص منّا جيت ياسلطان منّا!!
مير ياسلطان جيتك وأنت وين اتروح عنّي=والله ان الحمل كبر الضلع وابرك ياجملنا!!

الله الله

الليل ياسلطان .. وصح لسانك انت والكبتن .. ازهل الصف ياكبتن ولايهون سلطان ..

تحيااااااااتي لكم

[مرزوق حمدان العتيبي]

...
.

مير ياسلطان جيتك وأنت وين اتروح عنّي
والله ان الحمل كبر الضلع وابرك ياجملنا!!
..
واصلوا ....

[سلطان الجـذع]

أنت فني مير فني زايد عن كل فني =ياغصين البان هب النود فوقك لاتثنا
من غباك وشين فالك جيت للعيد متحني =والعرب في يوم عادي لاش عيد ولا ش حنا

[سلطان الجـذع]

قبلان

حياك الله

[سلطان الجـذع]

حضرة المدير اشكرك على
تواجدك المهم

[كبتن عتيبه]

الله الله


والله اني حالم لي حلم ياسلطان وأنّي=ذابحك وابكي على ذبحتك في غزوة مهنا!!
اثر لو أن الجذع يقدر عليه كان اكلنّي=مير سلطان الجذع ماله سنون الله يامنّا!!

[كبتن عتيبه]

تحياتي الحاره


للجميعععععععععععععععع

[سلطان الجـذع]

والله اني حالم لي حلم ياسلطـان وأنّـي
ذابحك وابكي على ذبحتك في غزوة مهنا!!


ياسلام

[سلطان الجـذع]

هذي اضغاث الحلوم ووش يجيب الك التمني =مانت ذابح ناس وانته في منامك ماتهنا
كلمتك هذي عليها نقص رد العلم عني =قد حذفك الذيب الاسحم بين ناب وبين سنا

[كبتن عتيبه]

الله الله


أنت ياسلطان اظنّك راكبك تسعين جنّي=مير حنّا ياوسيع المعرفه زبن المجنّا!!
لا تدوّر للمقاشر وانت عايش ومتهنّي =والله انه ماحتماك من الذيابه غير حنّا!!

[سلطان الجـذع]

حار فكرك يالمغني يوم جينا لك نغني =مير دقق فالسوالف ويش قلت وويش قلنا
ماهي مقاشر لكن الحرب مابه ضحك سني =مانت حامينا حمانا الفعل والسيف المحنا