سلطان المنصوري وملفي المورقي

[سلطان المنصوري]

اخواني اعضاء منتدى عتيبة الهيلاء

هذه محاورة جرت بيني وبين الشاعر ملفي المورقي في مدينةالطايف.. يسرني ويشرفني اطلاعكم عليها


سلطان المنصوري


هلا مرحبا في حفل ماضين الأفعال
هل الجود واهل المـده الحاتميـه
أبا اعامل التجار وريـال بريـال
يا ملفي تهـرج والقويـه قويـه



ملفي المورقي

يدوم البقا من صافي الفكر والبال
ولك حق ومقابلـك حـقٍ عليـه
ابا امد لك من صافي الكيف فنجال
كمنك من اهل الكيف والشاذليـه



سلطان المنصوري

ياملفي بعد ما كنت للخيل خيـال
طرحك العصيمي عن شداد المطيه
عليك الليال الجايره حملها مـال
وراسك غدى مابين شمسٍ وفيه



ملفي المورقي

انا ياعرب وش قلت وفلان وش قال
جزاني جزانـي فالحسانـي بسيـه
اقول الصعاب الها من العرش حلال
تبا اتهون ياسلطان كـل القضيـه



سلطان المنصوري

كسيناك بشت أحمر مع شماغ وعقال
وبعدين ابا انشد عن هذيك وهذيـه
لو انك بقيت امع الجماميل جمـال
ما يمدي كلتـك النملـه العامريـه



ملفي المورقي

غنيين عن كل الهدايا والأمـوال
ترانا مـن الدنيـا يدينـا غنيـه
احسبك نظيف القلب واثرك محتال
ابوك الحنش ومك من الضلع حيه



سلطان المنصوري

يغيب الهلال ويبدي اهلال وهلال
وملفي عميلي له ثمانين نيـه
انا ابوي بيطار المعاني والأمثال
ولا يتبع اهل الطار والسمسميه



ملفي المورقي

ما دام القمر باقي على العز ما زال
تبين النجوم وتختفي فـي شويـه
ابا احداك ياولد الثبيتي على الجـال
على شان ليش اتركز العين فيـه



سلطان المنصوري

نجوم السماء تبدي من يمين وشمال
تعـدت حـدود الكـون والجاذبيـه
ترانا لعين الخصم ياملفـي اخـلال
اعلمـك دام المسبحـه فـي يديـه



ملفي المورقي

ليا شفت لي شاعر فخورٍ ومختـال
اخليـه قـدام الضحايـا ضحـيـه
اقول احسب احسابك فالأقفا والأقبال
ولن شفتني فضرب سلام وتحيـه



سلطان المنصوري

ياكبر الهروج اللي لها فيّ وظلال
وانا اخاف لا توردك حوض المنيه
مشينا وعدينا بها روس الأقـذال
وكحلت بالمرود عيـون الصبيـه



ملفي المورقي

علومي لها تاريخ من ماض الأجيال
ومن نجد وصلت للشفـا والحويـه
احسبك مدرس في تبارك والأنفـال
واثر ماحفظة احروفهـا الأبجديـه



سلطان المنصوري

للأمثال نقاده وللحـب كيـال
وانا ذمتي مما تقوله بريـه
وردنا على هداج بدلي وحبال
وعيد الفطر قدام عيد الضحيه[/poem]

[تركي البرّاق]

لو انك بقيت امع الجماميـل جمـال
ما يمدي كلتـك النملـه العامريـه


هذه العلم والله ..صح لسااااانك ملاين وصح لساان ابو وافي ..

لاهنت يالثبيتي ..

[السميــــــري]

صح لسانك يالمنصووري ..
ولسان المورقي ..

محاورة .. غيـــــر ,,

[فالح الكرنافـ]

صحـ السانكـ ولسانـ ملفيـ

وبيضـ اللهـ وجهكـ

واللهـ يعطيكـ العافيهـ

[مرزوق حمدان العتيبي]

لو انك بقيت امع الجماميل جمـال
ما يمدي كلتـك النملـه العامريـه
...
الله الله ... ياسلطان ...
محاوره قويه لاهنت ولا هان ابو وافي ..
...

[راع الحميّا]

انا ياعرب وش قلت وفلان وش قال
جزاني جزانـي فالحسانـي بسيـه
ياسلام
صح لسانك ولسان ابو وافي
تحياتي

[العميد]

صح لسانك ياسلطان
وصح لسان الموووورقي ويازين اللعب
اللي على المعنى ومدسوس

علم جيلك ياسلطان كيف اللعب على المعنى علمهم

[حمد بن جوباح]

.
..


الله الله يا سلطان

صح لسانك ولسان ابو وافي

والمعنى في الصميم

:)

.
.
.










تحياتي لكـ ،،

[ابوبجاد الرويس]

صح لسانك يا سلطان

وصح لسان ابو وافي

ومشكور على نقلها لنا يالذيب

[كبتن عتيبه]

لله درك


ياسلطان


محاورات عمالقه

[عبد الله الحليفي]

ابو هياف

محاوووووره من اقوى المحاورات

وليس بغريب منك ومن ابو وافي

صحت السنتكم

[سلطان المنصوري]

اشكر الجميع على حسن التعليق

[سلطان الخديدي]

لله دركم

ول

ول

ول

ماشاء الله عليك يالمنصوري

وصح السانك يالجزل


وصح السان ملفي مليون

محاوره قويه

بيض الله وجيهكم


للأمانه من احلى حفلات الصيف اللي سمعتها بهاك الليل..معنى ومغنى...

عبدالملك المنصوري..وملفي..والرياحي..وسلطان..

[سلطان المنصوري]

سلطان الخديدي



لاخلا ولا عدم

[راع العبيه]

تعيش يابن العم انت وملفي الحقيقه محاورة قويه وفريده من نوعها

[سلطان مناحي العتيبي]

ياســـــــــــــــــــــــــــــــــــــــــــــــ ــــــــــــــــــــــــلام
عليـــــــــــــــــــــــــــــــــــــــــــــــ ـــــــــــــــــــــــــكم
ياعتــــــــــــــــــــــــــــــــــــــــــــــ ـــــــــــــــــــــــــيبه
يالهــــــــــــــــــــــــــــــــــــــــــــــ ـــــــــــــــــــــــــــيلا

[سلطان مناحي العتيبي]

كفوا يالربــــــــــــــــــــــعيmb6mb@hotmail.com

[السيف العضب]

صح لسانك يا بو وافي يا شاعر روق ..

وصح لسانك يا سلطان والله إنك تذكرني بولد عمنا: مطلق الثبيتي الله يرحمه ..


لاهنت يا ولد العم على المحاوره و النقل المميز ..


أخوك الثبيتي: السيف العضب

[/عبد العزيز الجذع/]

الله الله ...

محاورة قمة...

[قادح شرار]

يا سلام يا سلام . محاورة ما عليها كلام .

صح لسانك يا سلطان , وصح لسان أبو وافي .


أخونا الشاعر سلطان المنصوري : أتمنى أن يجمعني معك لقاء(لقاء محاورة ) في هذا المنتدى والصرح الشامخ .

وبلا شك ستجدني متواجد بأستمرار في قسم المحاورة , وما عليك إلا أن تطلبني وأجيك قضّاب نوبة .

تقبل تحياتي..

أخوك/ قادح شرار (الثـــبـــيــتي).

[وافي الخماش]

صح لسانك يابوهياف وصح لسان ملفي .. ..


ياليت يابو هياف تزودنا بمحاورات لك لا هنت ...

تقبل مروري الخمــاش..

[مجودشداده]

صحـ السانكـ ولسانـ ملفيـ

وبيضـ اللهـ وجهكـ

واللهـ يعطيكـ العافيهـ

[وافي الخماش]

صح لسان ولسان ابو وافي والله يوفقك ..

[ابو شرف]

صح لسانك يابو هياف

والله يوفقك

والى الامام

[يزن الهيلوم]

صح لسانك يابو هياف

والله يوفقك

والى الامام

[عبدالرحمن الهيلوم]

صح لسانك يابوهياف وصح لسان ملفي .. ..


ياليت يابو هياف تزودنا بمحاورات لك لا هنت ...

تقبل مروري يالغالي ابن الغالين .

[مستشار القبيلة]

صح لسانك يالمنصووري ..
ولسان المورقي ..

[محمد السيحاني]

الله يوفقك

[عبدالله الجـــذع]

ماكان كلتك النمله العامريه

الله اكبر

صح لساآنك. ياسلطان الشعر

ووفقك الله

محبك


.,

[عبدالسلام النخيش]

صح لسان المنصوري
وصح لسان بو وافي
ولاهنت على النقل

[طارق الحربي]

سلطان المنصوري .... صح لسانك .... ولسان .... ملفي المورقي

اللــهـ يـعـطـيـكـ الـعـافـيــه ..... عــــلــــى النـــقــــل

وتــقـــــبــــل تحـــيـــاتـــي .../// طـــارق الحـــربـــي

[النايف 1]

احسبك نظيف القلب واثرك محتال
ابوك الحنش ومك من الضلع حيه


صح لسانك ولسان المورقي


وملفي شاعر مايطلع اللي عنده لين يحصل شاعر قوي يستفزه


لاهنت وموفق خير

[متعب خالد العضياني]

محاوره راااااااااائعه لعمالقة الشعر

[بدر الديحاني]

لو انك بقيت امع الجماميل جمـال
ما يمدي كلتـك النملـه العامريـه

خليــــــــــــفه مطلـــــــــق الله داركـــ من شاعر

رائـــــــــــع وصاحــــــب معاني لم يكشـــــــفه

الا عمــــــــــالقه الشعـــــــــر وصــــح السان أبو وافي

وبلا شكــ شاعر كبيــر ، بالتـوفيق ياخ سلطـان المنصوري

محبكم

أبن مطير

بدر الديحاني

[@ زيادالعتيبي @]

سلطان صح الله السانك


الشاعر سلطان سؤال ممكن الاجابه :


متى نشوفك عندنا في الساحل الشرقي ؟



لا ترفض اي دعوة




انت شاعر وتستحق الخير ولك حماس بيننا في هذه المنطقة

[واحد من جماهير الجلاوي]

صح لسااااانك ملاين وصح لساان ابو وافي ..

لاهنت يالثبيتي ..

[العـوفي]

مبدع مبدع مبدع ياسلطان الله لايضرك

ونا افتخر بالساحة دام فيها امثالك


وخلك على ممشاك يالذيب ومن احسن لاحسن

[فهد العطاوي555]

مشكورررررر

[متعب خالد العضياني]

صح لسانك يا سلطان...رغم قوة خصمك استطعت مجاراته(ابو وافي ما كل شاعر يجاريه ) ...انت شاعر عتيبه القادم..نفتخر بك..ونتمنى ان تستمر من حسن الى احسن.................وفقك الله

[عبد الله@العتيبي@@]

لا فض فوك يا شاعر الملوك


انا من الشد المتابعين لك يا سلطان وألى الأمام يا شاعر المهام


ولاهان ملفي