المرجع
14-May-2007, 10:30 PM
قصيده للشاعرالكبير: كديميس بن صالح العصيمي العتيبي
تعتبر هذه القصيده من أفضل واجود واجمل قصائد الشاعر كديميس العصيمي , شملت تاريخ القبيلة ودونت المعارك الجسام ووضحت أحداث اختزنها الادب الشعبي ومجالس السمار , حتى اشتبه على الكثير بانها قيلت قبل قرن من الزمان بسبب جودتها وقوة الفاضها وجزالة سبكها وقوة معناها . والقصيده طويله .
سر يالقلم ننقض كـلام المحاميـن = لاصـارت الدعـوا حمايـا حمانـا
نقض الحجج لابد له مـن براهيـن =ومعنـا شهـادة بالـوفـا لادعـانـا
ومن مدنا بالصاع نجـزاه صاعيـن =واللـي ياعادينـا عليـه اعتـدانـا
كان الحميدي وازمـلاه متصافيـن = على الحكي فيما مـا تقـدم حكانـا
تلحقـوا غـارات نـاسٍ قديمـيـن = واخطوا وحنا من خطاهـم خطانـا
ودام الشريعه تنزع العيـن بالعيـن = حنا بمـا تقـض الشريعـه قضانـا
حنـا بميـزان المعانـي ثقيلـيـن = وعلـى مماشينـا بعـيـدٍ مـدانـا
هيهات لو حولت عكس الموازيـن = قضا القضا فيمـا مضـى وانتهانـا
ياحرب لو حطيتو البيـت نصفيـن =ماهـوب موصلكـم ليـا مستوانـا
انتـم رجـال بالمعـارك غثيثـيـن = لاكن ما تلحـق اخطاكـم اخطانـا
حنـا عتيبـه ملحقيـن المخلـيـن = بعنـا بسـوق الطايـلات وشرانـا
قومٍ على صولات الايـام ضاريـن = لو عضنا نـاب الدهـر مـا قوانـا
يهابنـا الطمـاع لـو قلبـه اذهيـن = ونبطش محـلات الطمـع لاغزانـا
لنـا سلـوم غالـيـات المثامـيـن = سلومنـا محـدن حملهـا سـوانـا
في سلم لوماء الوجه عام وشهريـن = وادخيلنـا مامـون داخـل حمانـا
ثلاثمايـة يـوم تــزداد ستـيـن = تنحـا المنايـا عنـه هيبـة لحانـا
ومن حده الموت الحمـر والدياييـن = تخير الحصـن الحصيـن ونصانـا
وبالحيل نملى فارغـات المواعيـن = بيض الصحون ومكرمات الصيانـا
للضيـف والجيـران والمستحقيـن = إليا مـن وهـاب العطايـا عطانـا
ابيوتنـا للضيـف مثـل البساتيـن = يفرح بها الملهـوف ليلـة ضوانـا
نجـود بالماجـود بالعسـر والليـن = وضحك الحجاج وما حلا من نبانـا
حنا على حفظ المواجيب حرّصيـن = مانعطـي الخاطـر قراطيـع مانـا
والجار له واجـب وحنـا وفييـن = ندعيـه للكرمـه ولـو مـا دعانـا
جيرانـا دايـم حشـام وعزيزييـن = وندرا شرفهم عـن كـلام اسفهانـا
حنا بوجـه الجـار دايـم جديديـن = يزيـد مـع زايـده اسنينـه وفانـا
وان جاء نهار المعمعه واللغا الشين = نبيع غـلا الـروح دون اقصرانـا
وان راح مانشـذب قفـاه بسكاكيـن = نحمى مجاله عقـب عنـه انتحانـا
وخوينا لو هو مـن اللـي معاديـن = يأمن بنـا فـي كـل درب مشانـا
ليا عودة عشر اكثر النـاس ثنتيـن = وصاروا بغرات الخـوي عقربانـا
وحنا ليا صرنـا بـدرب متخـاويـن = نرعى الحقـوق ولانخـون خويانـا
وحنا منازلنـا ورا حضـن ويميـن = هاذيـك ديرتنـا وفيـهـا نشـانـا
وجينا نبا المرباع عنـد القحاطيـن = يـوم الزمـان بحـد سيفـه حدانـا
وقالوا لنا ما تاسع الـدار شيخيـن = ونجد العذيه تحـت فيـت عصانـا
وتشاوروا صلبين الآريا الحكيميـن = احدٍ ومـر بالحـرب واحـدٍ نهانـا
ويحتار من يختـار بيـن الأمرّيـن = امـا الدهـر ولا سيـوف اقبلانـا
وتقرر المحـدار بالخـف والقيـن = نمـراً وفاولهـا يرفـرف لـوانـا
وندرأن مـا قدامنـا مزرعـة تيـن = لكن علـى روس الافاعـي وطانـا
وزحنا قبايل نجد عن نجـد قسميـن = وجينـا بمثنـات الـبـلاد وبنـانـا
ابيوتنـا كالقـور بيـن الحفيفـيـن = وعلى السنام مـن البـلاد استوانـا
وأخصامنا ما هـم عنـا براضيـن = لكـن هابونـا جمـيـع احـددانـا
لياشبت الهيجـا بصـوت المثاريـن = صديق عينك مايجـي فـي نحانـا
وليا ركبنـا فـوق مثـل الشياهيـن = تكـره صناديـد القبـايـل لقـانـا
عاداتنـا نخلـي سـروج المسميـن = وأول مـوردت السهـوم اومرانـا
ليا اقبلـن الخيـل قـدم المغيريـن = وليا ادبروا صـاروا حمـاه لقفانـا
حمّايـة الساقـات ريـف المقليـن = باموالهـم يرفـون فقـر فقـرانـا
وليا جاء الامر بين القبيلة حليميـن = حلـوا مشاكلنـا وحـازوا رضانـا
وان جاء الامر دولي زحول ٍ ميامين = عند الـدول فالمعضـلات اسفرانـا
ومن كان ذا شانـه يشيـل الثقيليـن = لو مات حي ٍ فـي قلـوب حربانـا
لو مات قالوا حرب ذا فيه روحيـن = يمكن قحص من وسط قبره وجانـا
وبعض أُومراكم فالملاهـي مغنيـن = على الوتـر والعـود دانـا لدانـا
مـر ٍ مغنيـن ومـر ٍ مساجـيـن = وظهورهـم مـيـدان للخيـزرانـا
متخلفـيـن وينقـلـون العنـاويـن = ركن التعـارف سجلـوا لـه بيانـا
ولو سمعوا العـذال يقـول غاديـن = قالـوا نمـوت ولانبيـع اخدنـانـا
الفرق واضح لاتقولـون متساويـن = ومصـادر التاريـخ منهـا ارتوانـا
ليا ازعلكم التاريخ نكـون راضيـن = ويصبح زعلكم شعبةٍ مـن رضانـا
ومناخ عرجا كان عنـه متغاضيـن = حنـا لتـاريـخ القبـايـل قـرانـا
قبيلتـيـن لحربـنـا مستـعـديـن = وحنا ليـا زلـزل رعدهـم رسانـا
وطبان وصنيتان طمعـا وشرهيـن= وحنـا قبـل يبـدون فينـا بـدانـا
وبعد منـاخٍ دام خمسـة وعشريـن = احدٍ سرى بالليـل واحـدٍ احترانـا
واللي قعد سوى سوات ام ظرفيـن = ويقـول لـو إنـا درانـا سـرانـا
يقـول خلونـا بعرجـا وحيـديـن = ياليـت هاديهـم كـذلـك هـدانـا
دون المعقـل كافحـوا مستميتـيـن= لكـن فيـهـم بالمهـنـد سطـانـا
وخفوا وهفوا وادبـروا مستخفيـن = وحنـا لمـا تملـك ايديهـم حوانـا
اللي حضر من حرب باتوا ذليليـن = واللي ربض عن لابته وش علانـا
اللي هرب واللي لجو مستجيريـن = واللي قضعناهـم وراحـوا عشانـا
واميرهـم ينخـى بتالـي المقفيـن = ويـقـول رده لاتخـلـوا نسـانـا
وعقب ما شاف انه كسير الجناحين = ألقى السلاح وصار ضمن أمنعانـا
وبيته جلسنا فيـه بيـن الصلاتيـن = وعلـى اشـداده باليسـار اتكـانـا
وكسف قمرهم وسجدوا مستغيثيـن = وطبوا مـن السلـم وحنـا رقانـا
صارت عليهم مثل نكبـة فلسطيـن = مـن نـار قـال الحمـدلله نجانـا
وابن نحيت حجاب بيـن المثاريـن = دارت عليـه بمعتلجهـن رحـانـا
ينخى بني سالم وهـم عنـه مقفيـن = وخاب الرجا فيهـم وعـود نخانـا
وجسمه تشارك فيه شلفا ورمحيـن= وشلنـاه واسقـان النحيتـي دوانـا
وحزّن على ربعه وربعـه حزينيـن = عليه يـوم انـه ثـوى فـي ذرانـا
والحرمليـه كونـهـا يالمساكـيـن = منتمب فـي هـاك النهـار اقبلانـا
لكـن قابلنـا صعـوط المجانـيـن = الضيغمـي جمـع علينـا عـدانـا
رخم الجموع اللي تفـوق الملاييـن = وانتم معـه فـي غزوتـه ياحلفانـا
نفـذ علـى كـل القبايـل قوانيـن = وانتم خضعتوا لـه وحنـا عصانـا
هدر جمل شمـر وقلتـوا مطيعيـن = ويوم إنحنيتوا للامـر مـا انحنانـا
لنا عزايـم تفـدح الخصـم وتهيـن = طنا الطنايـا مانقـص مـن طانانـا
حصل لنا صولات وايـام وسنيـن = نسقيـه بالسـم الذحـاح وسقـانـا
وكم راس شيخ طاح بين الفريقيـن= نحط مـن فـوق اذبحـاه اذبحانـا
وأنكف عقب ماشاف في جنده البين= هـو مئيسـن منـا وحنـا اكتفانـا
وممكن قضيتوا من بعض دينكم دين = وحنا عقـب عـدة ليالـي اقتضانـا
وعبدالعزيز اللي رفع رايـة الديـن = اللـي ليـا خـم النشيـط يتـوانـا
اللي تخاضع له رقـاب الفراعيـن = مـن هيبتـه كـلٍ يريـد الأمـانـا
بالسيف صارعناه وسـط المياديـن = وانتم تخامرتـوا سـوات السمانـا
ماعمرنا نذعـن لحكـم السلاطيـن = ألا بيـومٍ ينتصـر بــه حـدانـا
انتم كما شغل الهنـوف ام وجهيـن = اللي لها مع كـل عاشـق ضمانـا
توعد ولا توفـي بوعـد المحبيـن = ودايـم تشبـرق للجديـد وتـدانـا
ليا شفتوا الحاكم نهضتـوا خفيفيـن = وقلتـوا ترانـا ياسنـدنـا تـرانـا
اسمع كلام الضيغمي وافهمه زيـن = فالحربي اللي نـار عنـه ونصانـا
يوم ابن سعدى والحنينـي مخيفيـن = من حرب نار والتووا مـن ورانـا
ماجالهم من حرب فـزاع ومعيـن = كـلٍ يقـول مـن الضياغـم بلانـا
وحنا حميناهـم بحـدب العرانيـن = وشالـت حمولـن ضاهدتـم ايدانـا
وعن مانقوله حرب سمعوا وداريـن = ميرٍ ان فيهم مـن يحـب المشانـا
وان كان غاوينا البنيـدر وابوعيـن= الشرق الاوسط معتـرف ماغوانـا
اخبارنا قد هـزت الهنـد والصيـن = ولا همنا الهيس العور لـو هجانـا
لو كان فالاعلام ضمـن المذيعيـن = البـاع قاصـر والطويـل اللسانـا
عن الدعايـة يـا الحميـدي غنييـن = افعالنـا تشهـد عليـهـا اعـدانـا
وقـولٍ نقولـه ثابـتٍ بالـدواويـن = وتاريـخ نجـد المعتمـد مانسـانـا
وايام عرجـا قـد عطتنـا نياشيـن = وفي يوم معتـق يشهـدون اعتقانـا
العفـو عنـد المقـدره للكريمـيـن = وحنـا ليـا منـا قـدرنـا عفـانـا
وكان الحميدي جاء مطية شياطيـن = لـو يشعبونـه مـا لحـق منتهانـا
وان كان له خمـة رخـومٍ ملبيـن = حنا عن انصار الحميدي مـا درانـا
هـذا كـلام يفّحـم المستحجـيـن = وعاداتنـا نقطـع لسـان طّلبـانـا
تعتبر هذه القصيده من أفضل واجود واجمل قصائد الشاعر كديميس العصيمي , شملت تاريخ القبيلة ودونت المعارك الجسام ووضحت أحداث اختزنها الادب الشعبي ومجالس السمار , حتى اشتبه على الكثير بانها قيلت قبل قرن من الزمان بسبب جودتها وقوة الفاضها وجزالة سبكها وقوة معناها . والقصيده طويله .
سر يالقلم ننقض كـلام المحاميـن = لاصـارت الدعـوا حمايـا حمانـا
نقض الحجج لابد له مـن براهيـن =ومعنـا شهـادة بالـوفـا لادعـانـا
ومن مدنا بالصاع نجـزاه صاعيـن =واللـي ياعادينـا عليـه اعتـدانـا
كان الحميدي وازمـلاه متصافيـن = على الحكي فيما مـا تقـدم حكانـا
تلحقـوا غـارات نـاسٍ قديمـيـن = واخطوا وحنا من خطاهـم خطانـا
ودام الشريعه تنزع العيـن بالعيـن = حنا بمـا تقـض الشريعـه قضانـا
حنـا بميـزان المعانـي ثقيلـيـن = وعلـى مماشينـا بعـيـدٍ مـدانـا
هيهات لو حولت عكس الموازيـن = قضا القضا فيمـا مضـى وانتهانـا
ياحرب لو حطيتو البيـت نصفيـن =ماهـوب موصلكـم ليـا مستوانـا
انتـم رجـال بالمعـارك غثيثـيـن = لاكن ما تلحـق اخطاكـم اخطانـا
حنـا عتيبـه ملحقيـن المخلـيـن = بعنـا بسـوق الطايـلات وشرانـا
قومٍ على صولات الايـام ضاريـن = لو عضنا نـاب الدهـر مـا قوانـا
يهابنـا الطمـاع لـو قلبـه اذهيـن = ونبطش محـلات الطمـع لاغزانـا
لنـا سلـوم غالـيـات المثامـيـن = سلومنـا محـدن حملهـا سـوانـا
في سلم لوماء الوجه عام وشهريـن = وادخيلنـا مامـون داخـل حمانـا
ثلاثمايـة يـوم تــزداد ستـيـن = تنحـا المنايـا عنـه هيبـة لحانـا
ومن حده الموت الحمـر والدياييـن = تخير الحصـن الحصيـن ونصانـا
وبالحيل نملى فارغـات المواعيـن = بيض الصحون ومكرمات الصيانـا
للضيـف والجيـران والمستحقيـن = إليا مـن وهـاب العطايـا عطانـا
ابيوتنـا للضيـف مثـل البساتيـن = يفرح بها الملهـوف ليلـة ضوانـا
نجـود بالماجـود بالعسـر والليـن = وضحك الحجاج وما حلا من نبانـا
حنا على حفظ المواجيب حرّصيـن = مانعطـي الخاطـر قراطيـع مانـا
والجار له واجـب وحنـا وفييـن = ندعيـه للكرمـه ولـو مـا دعانـا
جيرانـا دايـم حشـام وعزيزييـن = وندرا شرفهم عـن كـلام اسفهانـا
حنا بوجـه الجـار دايـم جديديـن = يزيـد مـع زايـده اسنينـه وفانـا
وان جاء نهار المعمعه واللغا الشين = نبيع غـلا الـروح دون اقصرانـا
وان راح مانشـذب قفـاه بسكاكيـن = نحمى مجاله عقـب عنـه انتحانـا
وخوينا لو هو مـن اللـي معاديـن = يأمن بنـا فـي كـل درب مشانـا
ليا عودة عشر اكثر النـاس ثنتيـن = وصاروا بغرات الخـوي عقربانـا
وحنا ليا صرنـا بـدرب متخـاويـن = نرعى الحقـوق ولانخـون خويانـا
وحنا منازلنـا ورا حضـن ويميـن = هاذيـك ديرتنـا وفيـهـا نشـانـا
وجينا نبا المرباع عنـد القحاطيـن = يـوم الزمـان بحـد سيفـه حدانـا
وقالوا لنا ما تاسع الـدار شيخيـن = ونجد العذيه تحـت فيـت عصانـا
وتشاوروا صلبين الآريا الحكيميـن = احدٍ ومـر بالحـرب واحـدٍ نهانـا
ويحتار من يختـار بيـن الأمرّيـن = امـا الدهـر ولا سيـوف اقبلانـا
وتقرر المحـدار بالخـف والقيـن = نمـراً وفاولهـا يرفـرف لـوانـا
وندرأن مـا قدامنـا مزرعـة تيـن = لكن علـى روس الافاعـي وطانـا
وزحنا قبايل نجد عن نجـد قسميـن = وجينـا بمثنـات الـبـلاد وبنـانـا
ابيوتنـا كالقـور بيـن الحفيفـيـن = وعلى السنام مـن البـلاد استوانـا
وأخصامنا ما هـم عنـا براضيـن = لكـن هابونـا جمـيـع احـددانـا
لياشبت الهيجـا بصـوت المثاريـن = صديق عينك مايجـي فـي نحانـا
وليا ركبنـا فـوق مثـل الشياهيـن = تكـره صناديـد القبـايـل لقـانـا
عاداتنـا نخلـي سـروج المسميـن = وأول مـوردت السهـوم اومرانـا
ليا اقبلـن الخيـل قـدم المغيريـن = وليا ادبروا صـاروا حمـاه لقفانـا
حمّايـة الساقـات ريـف المقليـن = باموالهـم يرفـون فقـر فقـرانـا
وليا جاء الامر بين القبيلة حليميـن = حلـوا مشاكلنـا وحـازوا رضانـا
وان جاء الامر دولي زحول ٍ ميامين = عند الـدول فالمعضـلات اسفرانـا
ومن كان ذا شانـه يشيـل الثقيليـن = لو مات حي ٍ فـي قلـوب حربانـا
لو مات قالوا حرب ذا فيه روحيـن = يمكن قحص من وسط قبره وجانـا
وبعض أُومراكم فالملاهـي مغنيـن = على الوتـر والعـود دانـا لدانـا
مـر ٍ مغنيـن ومـر ٍ مساجـيـن = وظهورهـم مـيـدان للخيـزرانـا
متخلفـيـن وينقـلـون العنـاويـن = ركن التعـارف سجلـوا لـه بيانـا
ولو سمعوا العـذال يقـول غاديـن = قالـوا نمـوت ولانبيـع اخدنـانـا
الفرق واضح لاتقولـون متساويـن = ومصـادر التاريـخ منهـا ارتوانـا
ليا ازعلكم التاريخ نكـون راضيـن = ويصبح زعلكم شعبةٍ مـن رضانـا
ومناخ عرجا كان عنـه متغاضيـن = حنـا لتـاريـخ القبـايـل قـرانـا
قبيلتـيـن لحربـنـا مستـعـديـن = وحنا ليـا زلـزل رعدهـم رسانـا
وطبان وصنيتان طمعـا وشرهيـن= وحنـا قبـل يبـدون فينـا بـدانـا
وبعد منـاخٍ دام خمسـة وعشريـن = احدٍ سرى بالليـل واحـدٍ احترانـا
واللي قعد سوى سوات ام ظرفيـن = ويقـول لـو إنـا درانـا سـرانـا
يقـول خلونـا بعرجـا وحيـديـن = ياليـت هاديهـم كـذلـك هـدانـا
دون المعقـل كافحـوا مستميتـيـن= لكـن فيـهـم بالمهـنـد سطـانـا
وخفوا وهفوا وادبـروا مستخفيـن = وحنـا لمـا تملـك ايديهـم حوانـا
اللي حضر من حرب باتوا ذليليـن = واللي ربض عن لابته وش علانـا
اللي هرب واللي لجو مستجيريـن = واللي قضعناهـم وراحـوا عشانـا
واميرهـم ينخـى بتالـي المقفيـن = ويـقـول رده لاتخـلـوا نسـانـا
وعقب ما شاف انه كسير الجناحين = ألقى السلاح وصار ضمن أمنعانـا
وبيته جلسنا فيـه بيـن الصلاتيـن = وعلـى اشـداده باليسـار اتكـانـا
وكسف قمرهم وسجدوا مستغيثيـن = وطبوا مـن السلـم وحنـا رقانـا
صارت عليهم مثل نكبـة فلسطيـن = مـن نـار قـال الحمـدلله نجانـا
وابن نحيت حجاب بيـن المثاريـن = دارت عليـه بمعتلجهـن رحـانـا
ينخى بني سالم وهـم عنـه مقفيـن = وخاب الرجا فيهـم وعـود نخانـا
وجسمه تشارك فيه شلفا ورمحيـن= وشلنـاه واسقـان النحيتـي دوانـا
وحزّن على ربعه وربعـه حزينيـن = عليه يـوم انـه ثـوى فـي ذرانـا
والحرمليـه كونـهـا يالمساكـيـن = منتمب فـي هـاك النهـار اقبلانـا
لكـن قابلنـا صعـوط المجانـيـن = الضيغمـي جمـع علينـا عـدانـا
رخم الجموع اللي تفـوق الملاييـن = وانتم معـه فـي غزوتـه ياحلفانـا
نفـذ علـى كـل القبايـل قوانيـن = وانتم خضعتوا لـه وحنـا عصانـا
هدر جمل شمـر وقلتـوا مطيعيـن = ويوم إنحنيتوا للامـر مـا انحنانـا
لنا عزايـم تفـدح الخصـم وتهيـن = طنا الطنايـا مانقـص مـن طانانـا
حصل لنا صولات وايـام وسنيـن = نسقيـه بالسـم الذحـاح وسقـانـا
وكم راس شيخ طاح بين الفريقيـن= نحط مـن فـوق اذبحـاه اذبحانـا
وأنكف عقب ماشاف في جنده البين= هـو مئيسـن منـا وحنـا اكتفانـا
وممكن قضيتوا من بعض دينكم دين = وحنا عقـب عـدة ليالـي اقتضانـا
وعبدالعزيز اللي رفع رايـة الديـن = اللـي ليـا خـم النشيـط يتـوانـا
اللي تخاضع له رقـاب الفراعيـن = مـن هيبتـه كـلٍ يريـد الأمـانـا
بالسيف صارعناه وسـط المياديـن = وانتم تخامرتـوا سـوات السمانـا
ماعمرنا نذعـن لحكـم السلاطيـن = ألا بيـومٍ ينتصـر بــه حـدانـا
انتم كما شغل الهنـوف ام وجهيـن = اللي لها مع كـل عاشـق ضمانـا
توعد ولا توفـي بوعـد المحبيـن = ودايـم تشبـرق للجديـد وتـدانـا
ليا شفتوا الحاكم نهضتـوا خفيفيـن = وقلتـوا ترانـا ياسنـدنـا تـرانـا
اسمع كلام الضيغمي وافهمه زيـن = فالحربي اللي نـار عنـه ونصانـا
يوم ابن سعدى والحنينـي مخيفيـن = من حرب نار والتووا مـن ورانـا
ماجالهم من حرب فـزاع ومعيـن = كـلٍ يقـول مـن الضياغـم بلانـا
وحنا حميناهـم بحـدب العرانيـن = وشالـت حمولـن ضاهدتـم ايدانـا
وعن مانقوله حرب سمعوا وداريـن = ميرٍ ان فيهم مـن يحـب المشانـا
وان كان غاوينا البنيـدر وابوعيـن= الشرق الاوسط معتـرف ماغوانـا
اخبارنا قد هـزت الهنـد والصيـن = ولا همنا الهيس العور لـو هجانـا
لو كان فالاعلام ضمـن المذيعيـن = البـاع قاصـر والطويـل اللسانـا
عن الدعايـة يـا الحميـدي غنييـن = افعالنـا تشهـد عليـهـا اعـدانـا
وقـولٍ نقولـه ثابـتٍ بالـدواويـن = وتاريـخ نجـد المعتمـد مانسـانـا
وايام عرجـا قـد عطتنـا نياشيـن = وفي يوم معتـق يشهـدون اعتقانـا
العفـو عنـد المقـدره للكريمـيـن = وحنـا ليـا منـا قـدرنـا عفـانـا
وكان الحميدي جاء مطية شياطيـن = لـو يشعبونـه مـا لحـق منتهانـا
وان كان له خمـة رخـومٍ ملبيـن = حنا عن انصار الحميدي مـا درانـا
هـذا كـلام يفّحـم المستحجـيـن = وعاداتنـا نقطـع لسـان طّلبـانـا