يالفالح تحدي تحدي

[نايف بن ملحق الثعلي]

يالفالح الليله نباها تحدي

تراك شاعر مار مانته بقدي

جعلك مع الشعار مانت امتردي

يالله على بابك يفتاح الابواب

ياسلام ولانخليها تمر بغير أدله=بارك الله فالرجال اللي لهم عزم وبصيره

يانجوم الليل يالي فالسماء دايم مطله=لايضيع الفالح اللي سيرته ماهيب سيره

[راع الحميّا]

صح لسانك يانايف ومبدا جميل وطيب
واصل يابن العم واصل والى الامام سر

[نايف بن ملحق الثعلي]

صح بدنك ياراع الحميا

ولاتوصي حريص وشكرا على المرور

ويعطيك العافيه

[علي فلاح العضياني]

قدّامك الميدان ياللي تحدّا=تبا تحدّ الناس وانته تحدّا
شكرك على سيوفٍ تسل وتحدّا=يالله على بابك يا فتاح الابواب



مرحبا واليوم اشوفك فيك شك وفيك خلّه=بعد عيّنّاك يا نايف مع كبار العشيره
سرّها يا صاحبي واللي عقد حبلٍ يحلّه=ليت نا يف قبل ينطق كلمته حكّم ضميره

[نايف بن ملحق الثعلي]

الشقر خله واعرف الوقت قاسي

الليل يارجال راسك وراسي

واذكرك بالعلم لن كنت ناسي

يالله على بابك يافتاح الابواب

أنت في تال الليالي شايفن علتك عله=بعد ماقربت حبك للرحاه المستديره

لاتغاربها ونايف مايجي الا في محله=يوم بعض الناس دوب انه تعدل في مسيره

[> الحزيمي <]

صح لسانك يا نايف ومبروووك الوسام


والفالح مبدع ماشالله عليك


واصلو لا هنتوا

[علي فلاح العضياني]

ان كان عندك علم عجّل وجيبه=صاحبك ما يدخل يده وسط جيبه
ياراعي الدستن لا يصدمك جيبه= يالله على بابك يا فتاح الابواب





كل عام تجيب لك يا صاحبي عشرين زلّه=والدليل اليا فهمت العلم زلّتك الاخيره
كل من فالمنتدى يدرون بالموضوع كله=من هو اللي قبل مدّه يدّرق في سدّ غيره

[> الحزيمي <]

ان كان عندك علم عجّل وجيبه
صاحبك ما يدخل يده وسط جيبه
ياراعي الدستن لا يصدمك جيبه

الله الله