في كل يوم تحط لك وجه تمويه

[عاشق النور]

هذي قصيده قلتها في واحد
صار لي سالفه معه واخرتها غدر بي وباع الرفقه عشان

اسباب تافهه مبي اتطرق لها اليكم القصيده




ياجاحد المعروف غرك زمانك * ومشيت في دربً بعيده خطاويه

خنت العهد وانكرت كلمة لسانك * وخيبت ظن اللي بعيده هقاويه

المرجله طويتها في عنانك * ولبست ثوب الغدر منته بكاويه

جرحت ضيفك يالنذل في مكانك * وجحدت معروفه معك ماتطريه

اسود وجه مغرور عليت شانك * شرواك نذلٍ في دروبك تخاويه

ضحيت خمسين الف مره عشانك * احسبك رجالاً قويه دعاويه

توي عرفتك يوم بين جنانك * في كل يوم تحط لك وجه تمويه

حنا هل الهيلا لو النذل خانك * والطيب حنا له وحنا نسويه

اما انت يالمسكين ضيعت ضانك * والقلب مع حور الغنادير مهديه

احسب حساب الوقت واركب حصانك * لعل جرحك في زمانك تداويه



مع اطيب امنياتي

اخوكم

عمر سعود العتيبي

[السميــــــري]

...

صح لساانك ياسعوود ,,

على هذه القصيدة ,,

[ابوبجاد الرويس]

صح لسانك سعود

ومشكور على نقل القصيده

وبيض الله وجهكـ

[عاشق النور]

اخوي السميري

صح بدنك

ومشكور للمرور

[عاشق النور]

صح لسانك سعود

ومشكور على نقل القصيده

وبيض الله وجهكـ

صح بدنك يابو بجاد

واي نقل تتكلم عنه انا ماقلت منقوله

قلت اني كتبتها في واحد نذل اذا تقصد اني سارق القصيده

فاقولك انت غلطان واذا انت غلطت تفكرني قلت منقول فمسموح

وبيض الله وجهك ومشكور للمرور

[وصل العطياني؟؟؟]

الله الله ...

صح لسانك ...

قصيدة عتاب واضحة وابدعت فيها ..




تحيااااااااتي .

[عاشق النور]

وصل العطياني

صح بدنك وبيض الله وجهك

ومشكور للمرور