فارس الفريس شراب الفناجيل

[علي صالح الروقي]

سلام من فارس الفرّيس شرّاب الفناجيل=اللي بفعله وصيته تفتخر كل القبيله
حنّا عتيبه هل التاريخ واهل الجيش والخيل=والمستحيله على العتبان ما هي مستحيله

[خوي السعد]

ونعم يافاجر من غلا هالاسم ودنا نكمل معك هالطاروق ان كان منت بخاص فيه احد ؟

[خوي السعد]

ياللي تسلم هلابك عد همال المخاييل = من هاجس الشاعر اللي مايحسب للثقيله
فاجر كفو للمهمه يوم فزعات الرياجيل = وعتيبه اهل العلوم الوافيه
واهل الفضيله

[علي صالح الروقي]

الله يحييك يا خوي السعد والمجال مفتوح لك ولغيرك

[خوي السعد]

من قال يحيا وهذا مانتمناه

[علي صالح الروقي]

يا ليل يا ليل ياليل السعد ما اطيبك من ليل=انته وانا يارفيق الجنب والطرقه طويله
العلم واضح مع اجيال العرب جيلٍ بعد جيل=والحق ما يختلف لو حايلوه بكل حيله

[علي فلاح العضياني]

الله الله الله


صح لسانك يا شراب الفناجيل

وصح لسانك يا خوي السعد


محاوره من العيار الثقيل


واصلوا ومتابع الى النهايه

[أبو نجر النفيعي]

..

الله الله ..

صحة السنتكم ...

واصلوا ياعيال العم ...

وانا بالصف :)

.

[خوي السعد]

ليلي وليلك طويل ولا لنا عنها تباديل = ياشعيل جعل الحمل لو زدت في وزنه تشيله
العلم بادي سوات الشمس ولا الجدي وسهيل = ومزورين العلوم الله يزودهم فشيله

[خوي السعد]

الاخوان الفالح وابو نجر نشكركم على الحضور والتشجيع

[مرزوق حمدان العتيبي]

...
الله الله :)
فاجر السلات وخوي السعد وليله غير
...
ابداع غير مستغرب ... واصلوا واصلوا ....
وحنا معكم ....

[علي صالح الروقي]

التاجر اللي يكيل ولا بخس فالوزن والكيل=يا ليت بعض العرب مثله يكيله اللي يكيله
ما يلزم العهد والميثاق مع دولة سرائيل=طبع اليهودي يخون العهد حتى مع عميله

[خوي السعد]

بعض العرب لو مدح نفسه ترى مامن محاصيل = ولاّ بعضهم ثقيل وكل(ن) يشاهد حصيله
شفنا التهاويل با سرائيل وانواع التماثيل = اثر اليهودي من اسباب الغبا مابه مثيله

[علي صالح الروقي]

الله يخلي جبال هذيل وقت الخوف لهذيل=العدّ مارود والماء ما تغطّيه النثيله
السيل ما يعترض له غير من لا يعرف السيل=واليا انتحى مع مسيله من يردّه عن مسيله

[رشيد النقريني]

صح الله السنت شعااارنا وبيض الله وجيهكم

[البدر2006]

صحت ألسنتكم وبيض الله وجيهكم

[كبتن عتيبه]

الله يخلي جبال هذيل وقت الخـوف لهذيـل
العدّ مـارود والمـاء مـا تغطّيـه النثيلـه


طيب طيب


متابعين

[خوي السعد]

خلوووووها

ماكل رجل (ن) يقف للخيل لاجت له مقابيل = ماياقف الا صليب الراي خيال الكحيله
مبعوث شارون في غزه ترى جاله غرابيل = قادة حماس اوقفوا له والعنوا له سلسبيله

[خوي السعد]

مرزوق العتيبي - رشيد - البدر - الكبتن
نشكركم وبيض الله وجيهكم على حضوركم المشجع .

[علي صالح الروقي]

نعرف سهيل اليماني والجدي والنجم ابو ذيل=والفرق معروف ما بين الثلاثه كل ليله
مبعوث شارون حرّف في حروف كتاب الانجيل=واليوم في ذمّتي في حقّه اللعنه قليله

[علي صالح الروقي]

اشكر جميع الاعضاء اللي الذين مروا على هذه الصفحه

واقول لاهنتوا يعطيكم العافيه

[نايف الحميدي]

فاجر السلاااااااااااااااااااات



صح لسانك



خوي السعد


صح لسانك




واصلووووووووو وعلى القووووووووووووه