قصيدة قيلت في شيوخنا العلوات

[511 العصيمي 511]

هذه القصيدة إهداء إلى شيوخنا العلوات ... حفظهم الله
وهي للشاعر الكبير / عويــض مطلــق العصيمــــي ويقول فيها

ياخوان جوزاء ياعديمين الأجناس
يا هل السلوم الطيبه والمبادي ..

يامتعبين الهجن مع قب الأفراس
يا مطوعين أخصامكم بالهنادي ..

بمقوسات ضربها يقسم الرأس
وشلف مضاربها تفج الثنادي ..

كم فارس من ضربها طاح وإنداس
لا جاء الملاقا تنطحونه عمادي ..

لومن خطركم يلبس الدرع والطاس
والله ليونس طعنكم بالفوادي ..

أنتم هل النوماس وشيوخ نوماس
علم (ن) صحيح والله إنه وكادي ..

تاريخكم سجل على كل قرطاس
يا هل الأمارة والقنــــــــا والشدادي ..

أمارة مبني بناها على ساس
مبنية بإســم العــــــــلا للمنادي ..

يا شيوخنا يا أبطال يا سادة الناس
يشهد لكم شيخ قحطان إبن هادي ..

ياخوان جوزاء يابعيدين الأرماس
يامتيهين مقرقعات التوادي ..

عدوكم مفلس للعله للإفلاس
من طيبكم غدى نهاره سوادي ..

[عاشق الصمان]

بيض الله وجهك يالعصيمي على نقل قصيدة الشاعر الكبير عويض بن مطلق فهو شاعر معروف

واباالعلا يستاهل ( ترفع له البيضاء على روس الاشهاد ) انعم واكرم بها اللابه عسى الله يعزهم ..

[ابو مريم]

الله يعطيك العافيه يابن عاصم

واباالعلا يستاهل........


سيرة رجالٍِ طاولت طول الازمان
من غابر الايام ماهي جديده
يوم انها كانت مجالد وفرسان
كانوا على العدوان نار وقيده
بالسيف والشلفا وضربٍِ بنيران
فجوا نحور الخيل يوم المكيده
امهارهم داست على كل شيطان
ورماحهم بالدم حمراء رغيده
وانكانها في طاعة الله وايمان
كانوا من اللي ينصرون العقيدة
مايكبر الانسان في عين الانسان
الا اذا كانت صفاته حميده
ولـاباالعلا مجدٍِ من العز رويان
وشجعان زاده ثم ماجد يزيده
ايلا مدحته وقف الشعر عجزان
وشلون ماجد تستطيعه قصيده

[ابوبجاد الرويس]

العصيمي مشكور على موضوعك الرائع

وصح لسانك

والعلوات يستاهلون العلم الطيب