تعاااااااااال يا نايف الروقي

[الغربي نت]

سلام تسليمة(ن)تبدي مباد النجوم=في منتدى(ن)بالكرم والجود تذكر هله

تعال يا نايف الروقي وهات العلوم=هات العلوم الثمينه غيرها ماقبله

[نايف بن ملحق الثعلي]

يامرحبا ياهلا ترحيب يجل الهموم=في منتد عتيبه الهيلا هل الاوله

واصلك يلي تنادي جعل حظك يقوم=دوب استوا الليل يارجال هذا اوله

[الغربي نت]

دام البقاء يالمرحب في محل القروم=موقع هل اطيب يا نايف محد يجهله

ترى البحر مايغوصه غير رجلآ يعوم=ولو استوا الليل قل الليل يا مطوله

[نايف بن ملحق الثعلي]

نبا المعاني نباها مثل ضرب السهوم=جود حزامك وشاربك افتله وافتله

حنا ترانا الرجال اللي نسد اللزوم=مار الخطر ياحمر العينين لاتاصله

[مرزوق حمدان العتيبي]

...
.

ارحب يالغربي نت
صح لسانك ... وواصل ...
..

نايف الروقي ردود وافيه
وابداع غير مستغرب ..
..
لاهنت ..
..

[الغربي نت]

خابرك خابرك من ربعآ ما فيهم رخوم=لكن من بعد شفت اعلومك المرسله

لو اضحكت لك يابن ملحق ترا ما تدوم=احسب حسابك قبل لا تطب في مشكله

[الغربي نت]

البقاء يا مرزوق العتيبي

وصح بدنك

[نايف بن ملحق الثعلي]

انشدك ياصاحبي بالله من ايات قوم=عجل بعلمك عليه عجله عجله

انته ياطير السعد ذالحين اشوفك تحوم=بعض المواقيع طير العز ماهيب اله

[الغربي نت]

من قومأ عن الردا واهل الرديه تشوم=هذا الجواب السؤالآ جيتني تسأله

طير السعد ماكره في عاليات الرجوم=لو يحصل ما يحصل ما يختلف منزله

[نايف بن ملحق الثعلي]

يامطول الدرب ياراع الحصان العزوم=مار احترص لاتثور ابدربك القنبله

نبا نفسر حلومك ياكثير الحلوم=مار اعدل القاف يارجال ثم أعدله

[الغربي نت]

خذها نصيحه يا نايف قبل يلحقك لوم=راع المثل قال كلآ ينجزا بعمله

مشكور مشكور ريح يا جودي ومخدوم=نوخ بعيرك وانا اعطيك العقال اعقله

[نايف بن ملحق الثعلي]

يالغربي الليله انته كل جوك غيوم=وان كان في خاطرك علم ً ينومس قله

عساك منته من اعلوم الرجال امحروم=بالهون والي سواتي مايعقل اجمله

[الغربي نت]

وانته يا نايف مغربل واحرقتك السموم=صحيح ما تثمرين التمر يالحنظله

ماني بمحروم منها ازود في كل يوم=وبعيرك ان ماعقلته ربط ابسلسله