تعال ياريس المنتدى

[نايف بن ملحق الثعلي]

ياسلام الله على مرزوق ريس منتدانا=ياعسا عزه يدوم وياعسا ايامه طويله

العلوم اللي نباها كلبوها في يدانا=كلنا ربع وجماعه بارك الله في القبيله

[نايف الحميدي]

الله الله


بدايه طيبه


صح لساااانك

يالروقي


وفي انتظار المبدع


ابومحمد




اخوك

[نايف بن ملحق الثعلي]

طاب فالك

يانايف الحميدي


صح بدنك ويعطيك العافيه

[مرزوق حمدان العتيبي]

مرحبا ترحيبة اهل المكرمه في مبتدانا = يابن عمّ ٍ لاتكلم مايجيب الا الجزيله
كلبونا صف واحد ماتزعزعنا عدانا = قلتها يانايف الروقي وغايتكم نبيله

[مرزوق حمدان العتيبي]

..
.
صح بدنك يانايف ...
والابداع تواجدك ..
....

[نايف بن ملحق الثعلي]

لايهمك شيء لو كان الزمن قام يحدانا=دام انا وانته سوا مافيه حاجه مستحيله

لاتغر العلم يامرزوق لو طول مدانا=والدروب اطوال شد الحيل ياراع الاصيله

[مرزوق حمدان العتيبي]

..
.
الله عليك الله عليك
.....

دام انا وانته ورب الخير للخيره هدانا = انت يانايف نعدك صاحب ٍ مابه مثيله

نتفق من طيبنا وان ما تفقنا من ردانا = والجمل بلهان يبرك ثم يشتال الثقيله

[نايف بن ملحق الثعلي]

ماعلينا خوف نمشي فالدروب ولاغدانا=والدليه يالعتيبي مايخاو الا الدليله


انت ياراع الهديه ليش ماتهدي علانا=الوسام اللي على الشعار اشوفه كل ليله

[مرزوق حمدان العتيبي]

ان بغيت الصدق تستاهل ومداتك سمانا = مجتهد والرجل من جهده يبا ياخذ حصيله
مافعلناالشي هذا غير من قدراخويانا = لاتعجل وصلك البراق في وسط المخيله

[نايف بن ملحق الثعلي]

يالعتيبي دامت أن انجومنا تملا سمانا=دربنا ماغار وأحد مايجي فالدرب ميله

والله انا مانبا الا يالعتيبي من يبانا=يبرق البراق يامرزوق ماعينت سيله

[> الحزيمي <]

صح لسانك يا نايف الروقي

ولسانك يا مرزوق وترا نايف يستاهل الوسام


ههههههههههههههههههههههههههههههه




تقبلو تحياتي وتقديري

[سلطان الجـذع]

نتفق من طيبنا وان ما تفقنا من ردانا
والجمل بلهان يبرك ثم يشتال الثقيله

نتفق من طيبنا وان ما تفقنا من ردانا
والجمل بلهان يبرك ثم يشتال الثقيله

نتفق من طيبنا وان ما تفقنا من ردانا
والجمل بلهان يبرك ثم يشتال الثقيله


درر ياسلااااااااااااااااااااام
صح لسانك يالغالي

[سلطان الجـذع]

انت ياراع الهديه ليش ماتهـدي علانـا
الوسام اللي على الشعار اشوفه كل ليله


مافعلناالشي هذا غير مـن قدراخويانـا
لاتعجل وصلك البراق في وسط المخيلـه


والله انا مانبا الا يالعتيبي من يبانـا
يبرق البراق يامرزوق ماعينت سيله


نقض وفتل نقض وفتل نقض وفتل نقض وفتل
نقض وفتل نقض وفتل نقض وفتل نقض وفتل


صح السنتكم مافيكم حيله

[مرزوق حمدان العتيبي]

انت شد الحيل شده عن لزومك لاتوانا= والكثيره ماتجي لك غير مع درب القليله
معك يانايف سعدت ويسر الوالي لقانا = الثناء والشكر للي بالشدايد نلتجي له

...
صح لسانك يانايف ... وفرصه جميله جمعتنا معك ....
الف شكر ...

[أبو نجر النفيعي]

..
.

الله الله ...

صحة السنتكم يا شعار ... ونطمع في لقائات قادمه بينكم :)

..

اخوكم / أبو نجر النفيعي

.

[مرزوق حمدان العتيبي]

...
.

ارحب يالحزيمي
صح بدنك يالغالي .. نايف يستاهل وكل شعراءنا كذلك
.. لاهنت :)

[مرزوق حمدان العتيبي]

..
. تعليق رائع محل فخرنا واعتزازنا ياسلطان
لاهنت ولاعليك زود ..
...

[مرزوق حمدان العتيبي]

..
.
صح بدنك يابو نجر
نشكرك على تشريفك ..
...

[نايف بن ملحق الثعلي]

صح بدنك يامرزوق (مدير المنتدى)

فرصه سعيده جمعتنا بك


والف شكر لجميع من شارك بتعليق

وصحت ابدانكم

[كبتن عتيبه]

صحت السنتكم


وتستاهلون كل خير..

[سعود العصيمي]

ياسلام الله على مرزوق ريس منتدانا=ياعسا عزه يدوم وياعسا ايامه طويله

العلوم اللي نباها كلبوها في يدانا=كلنا ربع وجماعه بارك الله في القبيله

ياسلالالالالالالالالالام


يانايف الروقي


على الابداع غير المستغرب

صح لسانك