الشاعر مطر العازمي لااهنت

[محمد العضياني]

السلام عليكم :

الشاعر القدير / مطر العازمي

طاروق للاستفادة من شاعر رائع شرواك ومتى ماسمح وقتك :




العازمي وسط القرى تاجر وعنده راس مـــال= لكن في بنك المدينه ما قــــــدر يفتح حســــاب
ليته يولم سابقه للمقــــــــــبلات مــــــــن الليال=يمكنّ ابو فيصل حماه الله ينيبه كــــــــان غاب

[مطر العازمي]

البواردي هلابك وانا المستفيد
واستلم


العازمي مثل الجمل يبرك على ارقاب الجمال= وسط القرى والا المدينه.. شغلته عوج الرقاب
واللي تقوله عافها وانا معه في كل حال= ماعاد نبغى من وراها لاسوال ولا جواب

[مرزوق حمدان العتيبي]

...
.
الله الله عليكم ...
البواردي ومطر .. وابداع غير مستغرب ..
...
واصلوا وعساكم على القوّه وازهلوا الصفوف
...

[محمد العضياني]

هذا تواضع منك وبلا شك الفايده لي واستلم يا مطر لاهنت /





يا شعيل في سوق المـــــزاين مالقينا لك مجال= وان شدوا العربان ماعدوك من ضمن الركاب
ما احدن يحب امناطح الفرسان يا ذيب العيال=لكن درب المرجله يبغى رجالً ما تهـــــــاب


















:

البواردي ( محمد العتيبي )










/


/



سعادة المدير : مرزوق العتيبي يا هلا ومرحبا

ابرك الساعات اللي جابتك

شرفتنا كثيراً بمرورك ومتابعتك

والصف منور بوجودك

[مطر العازمي]

ِسوق المزاين عرض واستعراض وخبال وهبال= وتصك باب وينفتح في ساحته تسعين باب
لا دكت الهيجا حضرنا للقتال وللنزال= وانكان ما انت بذيب يامحمد تعشتك الذياب

[مطر العازمي]

مرزوق العتيبي


مرحبا ومسهلا

صح بدنك

[محمد العضياني]

المعذرة من شخصك الكريم يا مطر على التاخير // انشغلت وطلعت في لزووم



خل اسفل الوديان واصحاب الفتن واهل الضلال = المشكله فالمحفل اللي ينعقد فوق الهضاب
فالليله اللي بدرها غايب وحاضرها الهلال = لا امسى وليـــــــد الصقر فيها زاد لعيال الغراب

[سلطان الجـذع]

الله الله صح بدنك يالبواردي
أبداع أبداع أبداع .
.وشهادتي فيك مجروحه

صح لسانك ملاايين

ملااااااااااااايين ولايهون
العازمي صح لسانه ..

[محمد العضياني]

حياك الله ياشاعرنا الرائع : سلطان الجذع


صح بدنك ولا هااااااان راسك


والابداع هو تواجدك المشررف



وشهادتك وسام طال عمرك

[مطر العازمي]

السبت يقفاه الاحد والفال يقفاه العقال= وانا اطرد الما لي ثلاث سنين واثر الما سراب
حنا يكفينا هليّل مانفكر في هلال= والخير باقي والرجال تسد في حال الغياب

[محمد العضياني]

الرعد يرعد والبروق تلوح في عرض الخيال=والسيل من قبل امس سال وفاض فبطون الشعاب
من لا يحوش الطيب فاول رحلته يابن الحلال=يصعب علــــــــيه ادراكه ليا قفـّت ايام الشباب

[الشمالي الغربي]

البواري

مطر


صحة السنتكم ولاهننننننتوا

تقديري لكم

[مطر العازمي]

انته تطالبني وترشد وانت جالس فالظلال= تنفض عصاتك في يدك وتخيل بروق السحاب
وراك ماتقدم عليها يوم جا فيها مجال= حتى تبين المعرفه ياما خطا والا صواب

[محمد العضياني]

انا لها ياللي تعامــــــــــــل بالجنيه وبالريال = واسمك غريب ولا لقيته فالمجله والكتاب
هوجست في مرقاك يا سرحان في روس الجبال=ان جاز وان ماجاز خلك مرتكي عند الــزهاب

[محمد العضياني]

الشمالي الغربي

يا هلا ويا مرحبا ......... صح بدنك

ولا هان راسك

شرفتنا بمرورك

[مطر العازمي]

البواردي بيض الله وجهك


شرفتني باللعب معك

واسمح لي ابا ارقد ما اشوف من النوم

والجايات اكثر



الشمالي مرحبا بك

[محمد العضياني]

الشاعر القدير : مطر العازمي


الف شكر لك على تلبية دعوة اخوك


شرفتني بهذا الطاروق واستفدت منك بلا شك واستمتعت


وصح لسانك مليون ووجهك ابيض


وتصبح على خير يالذيب