سلطان المنصوري (شاعر المليون)

[علي فلاح العضياني]

شاعر المحاوره المعروف سلطان المنصوري اتشرف بمجارتك مرةٍ اخرى للفايدة ليس الاّ




استلم




يا سلطان لو شاركت في شاعر المليون=خطيرٍ تفوز ويقعد الشاعر اليامي
يبا يصوّتون اهل الامارات ما يدرون=يحسبونك من الشرق وانته من الشامي

[احمد المقاطي]

مـــتــــــابــــــع بـــصمـــــت

[كبتن عتيبه]

الفالح


كلك خطر؟؟؟



وسلطان



بيجيك


وليلك ليل

[سلطان المنصوري]

هلا يالفالح


بنينا على روس الجبال الطوال حصون

.........................................حصون تذرينا على طول الايامي


لكن انت يالفالح كما الصاحي المجنون

.........................................مرار تجي خلفي ومرات قدامي

[سلطان المنصوري]

احمد المقاطي<<<<<<<<<<<هلا وغلا صامت ولا متكلم حضورك نور على نور



كبن عتيبة<<<<<<<<< مرحبا ملايين تسوى ملايين الامارت كلهم

[رجـم النـايـف المطيري]

0
00
000
الله الله
صح لسانكم ياشعار عتابه
واصلو وانا متابع معاكم للاستفاده
تحياتي للشعار والحاضرين
وشكرا لكم
000
00
0
رجـــم النــــايــــــف

[وصل العطياني؟؟؟]

الله الله ...

واصلوا يا مبدعين :)


تحيااااااااتي .

[زبن القاضي]

الله الله

واصلووووووووووووووووووووووووووووو


والمتابعه ازهلوها

[سلطان المنصوري]

الرجم النايف ياهلا وياغلا فيك

[سلطان المنصوري]

ابو مشهور


ابو نهار




نورت الصفحة فيكم................تواجدكم يشرفنا

[علي فلاح العضياني]

ترى الناس يا سلطان يدرون ويشوفون=عن اللي حصل يوم امس واليوم والعامي
انا واثق الخطوه وادفّ القدم بالهون= ولا شايفك خلفي ولا اشوفك امامي

[علي فلاح العضياني]

احمد المقاطي

كبتن عتيبه

رجم النايف
زبن القاضي


وصل العطياني


مشكورين على المرور ولا هنتوا

[مرزوق حمدان العتيبي]

...
.
الفالح .... وسلطان
صحت السنتكم
... واصلوا ....

[سلطان المنصوري]

انا ودي احزمك بالسيف والحاجون

.....................................ولاعاد الد العين في رزق الايتامي



تهون الدعاوي لاطفت جمرة الغليون

..................................ولو جمرة الغليون ماتروي الضامي

[الغربي نت]

الفالح

و

سلطان المنصوري

صحت السنتكم

[علي فلاح العضياني]

كلامك هذا ماله مع اهل الوفاء قانون=توقّع توقّع لا تزلّ بك الاقدامي
تهون الدعاوي كلها والصعاب تهون=ليا جتك طلقة نار من بندق الرامي

[سلطان المنصوري]

مادام الزمان بخير والحب في الماعون


............................................ ابا اكويك في علباك بالميسم الحامي


لو اني حسبت حساب هامان مع فرعون


.......................................... مايمدي مصر فيها رست كل الاهرامي

[علي فلاح العضياني]

ترى حبّكم تحت ارحى من عصر مطحون=وشكرك على هداج يرويك يالضامي
ترى ما انته اطيب كان يا هيه ما انت بدون=اظنّك تحلم لين غرتك الاحلامي

[سلطان المنصوري]

الفالح


فرصة طيبة


وكل عام والجميع بخير

[سلطان الخديدي]

السلام عليكم


صح الله لسانك يالثبيتي ولا هنت

وصح الله لسانك يالفالح ولا هنت


اول مشاركه وقعُها على هذي الصفحه


تحياتي

[سلطان المنصوري]

سلطان الخديدي



صح بدنك لاهنت على حضورك الطيب