الـــفــــــــــــالح ,,,هلا ومرحبــــــــــــا

[سلطان الجـذع]

يالفالح انته مثل ابوزيد الهلالي بالفعول =لكن لا جاك الجذع ضاعت علومك كلها
يأهل المحاني لي عليكم حق من حول لحول =بزياره تدبل كبود وكبد تشفي غلها

[كبتن عتيبه]

الله الله ياسلطان


كبير كبير كبير

[سلطان الجـذع]

بيض الله وجهك يالكبتن

[مرزوق حمدان العتيبي]

...
.

صح لسانك ياسلطان
.. وننتظر ابو فلاح ... ليكتمل الابداع
....

[أبو نجر النفيعي]

.
..
الله الله .. يا سلطان الشعر :)
صح لسانك ,,, وننتظر الفالح ..

.

[سلطان الجـذع]

صح بدنك

يامرزوق وننتظر ابو فلاح

[سلطان الجـذع]

صح بدنك يابو نجر

وفي انتظار الفالح

[علي فلاح العضياني]

الله يبارك فالجمال اللي يشيلنّ الحمول=وانته جذع لا صارت الحمله ثقيله خلها
اهل المحاني يا طويل العمر شعارٍ فحول=لكن قل للي يدفونك ماهوب احسن لّها

[علي فلاح العضياني]

الكابتن

مرزوق العتيبي

ابو نجر النفيعي



لا هنتوا على المرور

[سلطان الجـذع]

عزالله ان الكف من يمك وانا اخوك مغسول =أصبحت علة فوق ربعك كل ليل تعلها
لولا الحياء لاسفـه صحيبي فالكلام اللي يقول =كلمتك واانا أخوك روح احفر لها وادفن لها

[علي فلاح العضياني]

لا قلتها قلتلك يا سبحان وزّان العقول=ادخل تحت ظل البيوت اللي يظلك ظلها
بعض اللّغوز ايجيلها ياصاحبي سبعة حلول=وانته تخيّر فالحلول اللي تبيه وحلها

[سلطان الجـذع]

دام الشداد مورثه جدي وانا راع الذلول=لاتغترب لو المحاني والفراع احتلها
اللي بدون ثبوت قفل فوقها سبعه قفول=والا سيوف الحق في يوم الملاقاء سلها

[علي فلاح العضياني]

ما تثبت الحجه بلا برهان وشهودٍ عدول=والحجه اللي ما عليها شهود فالماء بلها
حنا سبحنا في محيطات الشعر عرضٍ وطول=واليوم ما تمشي عليه غير انا صاحلّها

[سلطان الجـذع]

الوقت داير والليالي في طلوع وفي نزول =يالفالح ان جاتك مقابيل احتزم واقبلها
سبحت غبات البحر لكن وضعك في ميول =يامل عين (ن)ترتجي منك النصر ياملها

[بيكهام]

بيض الله وجيهكم ولا هنتوا على هذا الابداع

[مرزوق حمدان العتيبي]

...
.
صفحه مليئه بالابداع ....
لله دركم ... بحرين متكافئين ...
...

[وحي العقل]

...
.
صفحه مليئه بالابداع ....
لله دركم ... بحرين متكافئين ...
...
اكرر نفس تعليق اخوي مرزوق

[سلطان الجـذع]

بيكهام ..

مرزوق العتيبي ..

طويق ..


بيض الله وجيهكم

وحياكم الله أجمعين