انته تبانا نتفق.. والا مصمّل فالفراق!! (الفالح)

[كبتن عتيبه]

الفالح اقرب شوي


تعال يالفالح ترى الدنيا مفارق..واتفاق=هذي هي الدنيا وهذا يالعتيبي حالها!!
وانته تبانا نتفق.. والا مصمّل فالفراق=والثانيه ياصاحبي فال الله ولا فالها

[سلطان الجـذع]

الله الله


مبدع ياكبتن مبدع


وانته تبانا نتفق.. والا مصمّل فالفراق
وانته تبانا نتفق.. والا مصمّل فالفراق

[أبو نجر النفيعي]

.
..

الله الله .. ابداع منقطع النظير . ياكبتن عتيبه ..
صح لسانك .. والليل يالفالح الليل .. وصح لسانه :)

.

[علي فلاح العضياني]

ياربعنا ورى بعضكم من مزوح العصر ضاق=يا طيب بعض الناس مار الله مضيّق بالها
الاتفاق اطيب ترانا ما نريد الافتراق=وعتيبه الهيلا تنومس باتفاق رجالها

[خوي السعد]

تعال يالفالح ترى الدنيا مفارق..واتفاق
هذي هي الدنيا وهذا يالعتيبي حالها!!
وانته تبانا نتفق.. والا مصمّل فالفراق
والثانيه ياصاحبي فـال الله ولا فالهـا





دنياك هذي كلها دمعتيني --- دمعة لقا والثانيه دمعة فراق
ههههههههه

منت بصاحي ياكبتن شلال من الابداع ماشاء الله والله يزيدك

[ابن نميان]

صح لسانك يالكبتن

لليييييييييييييييييييييل

لليييييييييييل


للييييييل


لليييييل

[علي الثبيتي]

وانته تبانا نتفق.. والا مصمّل فالفراق=والثانيه ياصاحبي فال الله ولا فالها


صح لسانك مليون
ولسان الفالح

شعار تستحقون المتابعه

[حمد بن جوباح]

.
..

يا سلام يا سلام

الكبتن والفالح والنقض والفتل

ابداع يا الذيابه ابداع

صحت السنتكم

والليل الليل

:)

.
.
.



















تحياتي لكمـ ،،

[مرزوق حمدان العتيبي]

الاتفاق اطيب ترانـا مـا نريـد الافتـراق
وعتيبـه الهيـلا تنومـس باتفـاق رجالهـا
..

.
الاتفاق اطيب ترانـا مـا نريـد الافتـراق
وعتيبـه الهيـلا تنومـس باتفـاق رجالهـا



.

ياسلام عليكم .... واصلوا واصلو ...
...

[كبتن عتيبه]

الزاد ملحه زاد واليا زاد ملحه مايذاق=والدلّه اللي موجره ماينشرب فنجالها!!
والخير من مكه يجي..و الشر من يمّ العراق=أهل العراق احرص لها وافطن لها واصحالها!

[كبتن عتيبه]

سلطان
مرزوق
خوي السعد
ابن نميان

حمد بن جوباح



حياكم الله اجمعين

[علي فلاح العضياني]

بعض العرب يشتاق للمالح يابو زيد اشتياق=خصٍ ليا ما عاد يلقى حيلةٍ يحتالها
اهل العراق اهل الفراق اهل الشقاق اهل النفاق=قد قالها الحجاج ابن يوسف لهم قد قالها

[كبتن عتيبه]

طيب طيب



ترى الشعابه ماتسيل الا من الوبل الحقاق=امن المزون اللي تروّع صاحبي بخيالها
حملت نفسك بالحمول اللي بعضها ما يطاق=واللي يكبّر حملته يشتالها يشتالها

[علي فلاح العضياني]

الحر الاشقر في علوّ الضلع بالجنحان واق=ما يرتخي للاوديه يرقا علوّ جبالها
يشتالها اللي ما يميّز فالجلال وفالدقاق=وانا خبيرٍ فالمعاني دقها وجلالها

[كبتن عتيبه]

يامهندس الكهرب بلاش تشبّك السلك الدقاق=بعض السلوك تشب نار وتلتمس من حالها!!
والي بسط سبع الشداد ورافع السبع الطباق=ان الحموله ماتشد الا بوسق جمالها!!

[علي فلاح العضياني]

ربعك عليك ضياق لازم ترضي الربع الضياق=ولا لقاضين الدعاوي نزلت معدالها
تحلف وانا احلف لك بمولاي وعليّه بالطلاق=شرهتك هذي ما تعدّا لحيتك وسبالها

[مرزوق حمدان العتيبي]

يامهندس الكهرب بلاش تشبّك السلك الدقاق
بعض السلوك تشب نار وتلتمس من حالها!!
...
بيت يلفت الانظار ... ولايصوغه الا مهندس
تخصص كبتن عتيبه اكيد ...

الاكيد انكم منجم للابداع لله دركم

[رجـم النـايـف المطيري]

اهل العراق اهل الفراق اهل الشقاق اهل النفاق
قد قالها الحجاج ابن يوسف لهـم قـد قالهـا

الله الله

بيت يستحق الاشاده

صح لسانك يالفالح

وصح لسان كبتن عتيبه

ابدعتو وماقصرتو

تحياتي

[المحامي]

اهل العراق اهل الفراق اهل الشقاق اهل النفاق
قد قالها الحجاج ابن يوسف لهـم قـد قالهـا


اهل العراق اهل الفراق اهل الشقاق اهل النفاق
قد قالها الحجاج ابن يوسف لهـم قـد قالهـا

بيت وافي وافي

صح لسانك يالفالح

[كبتن عتيبه]

الله الله


بعض الدعاوي يالعتيبي لا تقاد ولاتساق=وان سقتها وان قدتها ترى الخطر يبرالها
ياللي نثرت الماء ترى الماء لن نثرته مايحاق=خلك فطين اليا عطيناك الدلي وحبالها

[كبتن عتيبه]

مرزوق


الابداع بوجودك يكتمل

[كبتن عتيبه]

رجم النايف


المحامي



بياض وجيه

[مشل]

الله الله الله الله الله الله
ابداااااااااااااااااااااع
كنت ابحث عن فتل او نقض متميز لاحد الشاعرين
لاضعه في مشاركتي فوجدت انه يجب ان اضع المحاورة
كاملة من جديد في مشاركتي
قمة المعنى والفتل والنقض
الله يستر عليك يالكبتن ويالفالح
وصح اللسانكم

[علي فلاح العضياني]

قدام لا يقعد لك الرامي على ركبه وساق=وتلقى المصايب والهموم انواعها واشكالها
اللي عليكم ينطبق ماله على الناس انطباق=لكن ميّز فالعلوم عراضها وطوالها

[سعود العصيمي]

كبتن عتيبه


الفالح


لله دركما من شاعرين


صحت الالسن وصحت القلوب


فتل ونقض مميز

[بيكهام]

محاوره فتل ونقض

من العيار الثقيل



لاهنتوا الفالح الكبتن

[كبتن عتيبه]

مشل/سعود /بيكام




لاهنتوا على ردودكم الطيبه