العام بيرق ثبيت براس ضلع السيل منشور

[علي فلاح العضياني]

العام بيرق ثبيت براس ضلع السيل منشور=واليوم فالوادي اللي دون ضلع السيل ثاوي
ما كل زولٍ يعوض بزول فالامثال مذكور=ولا كل من قال انا دكتور للعله مداوي

[كبتن عتيبه]

طيب طب


مايرتخي بيرق أهل السيل والكبتن على الكور=وان طاح بيرق ثبيت اتطيح في كشب متساوي!!
ايروح دكتور ويجيب الزمن عشرين دكتور=أخذ الحكم يالعتيبي من بعيدين الهقاوي

[علي فلاح العضياني]

لو انّ به شمس شفناها امس صبح تشعّ بالنور =الله يجيب المطر وتسيل يالواد السناوي
انته منوّل كبير وصرت تال الوقت مكبور=لكن جوّد يدينك في وثيقين العراوي

[كبتن عتيبه]

طيب طيب


أنته تعرف الحقيقه مير تعشق كلمة الزور= اتقول ذيب الخلا مات..وعليك الذيب عاوي!!
الوازعيه توفّت والغلا فالقبر مقبور=ياليتها كفِّنت في مشلح بخيت العطاوي!!

[علي فلاح العضياني]

ما اذمكم يا صقورٍ طالعه من ماكر صقور=لكن يفرق بواجد عنكم الحر النداوي
ظلمت حظك ولكنك على غلطتك معذور=ما عاد تشري ولا تبتاع فالسوق الغلاوي

[الأبتـــر]

هالله هالله عليكم


صح ألسانكم ولا هنتوا يالربع


متابع وبشده الابداع

[كبتن عتيبه]

اقصور مابه قصور ولا على أهل عشيره قصور=لكن لا تقلع الضلعان يالسيل النحاوي
اقفى زمان السواط وفيصل العيه ومستور=ذالحين عصر العطياني ..وسلطان الجلاوي!!

[طــامي]

ياسلام عليك ياكابتن منتخب اعتيبه لشعرا المحاوره

[علي فلاح العضياني]

اللي يقصّر بدينه ما يروح لجنة الحور=ما يعبر الجسر يسقط في لهيب النار هاوي
سلطان شاعر وابو مشهور ابو مشهور مشهور=ما باقي الا تعذرب في حبيّب والعماوي

[كبتن عتيبه]

الله الله


اهل المحاني هواويه ماغير تلف وتدور=قد مات منهم بصكات الهوى اثنعشر هواوي!!
ماذم ربعي لهم فالملعبه صفً وجمهور=بالعكس تقديرهم كُبر السماء.. يازرق سماوي!!

[علي فلاح العضياني]

اهل المحاني رياجيل على ملّه ودستور=اغلبهم شيوخ دين ايصدّرون من الفتاوي
نقّصت من قدر شعارٍ لهم بالمعرفه دور=اتقول كنّك محمّلهم يابن عمّي زراوي

[صقر البهيته]

الله الله
كبتن عتيبة
الفالح
صح لسنتكم جميع
متابع

[كبتن عتيبه]

طيب طيب



لابالله الجاهليه عندكم ..والجهل مخبور=احكامك بالجنابي يالقضاه اهل الدعاوي!!
تبى تحاول تفرّق صفنا والصف طابور=مانفترق لو تهمقى صفنا وارد عراوي!!

[كبتن عتيبه]

الابتر


تشرفنا بوجودك



ومتابتك

[كبتن عتيبه]

صقر البهيته


اخبارك ايه يالغالي


لا هنت على حضورك الجميل

[علي فلاح العضياني]

ما انته على الكلمه اللي قلتها مرغم ومجبور=ما يشمت قضاة حقّ عتيبه الاّ كل غاوي
بكره يبا يطلبونك حقّ عند محكّم الشور=وتبرك على ركبة القاضي زبن ثم وش تساوي

[سهم العضيان]

الله الله يا فالح مبدع
ولايهون كبتنا مبـــــــــــــــدعـــــــــــيــــــــــــــن

[كبتن عتيبه]

طيب طيب


حنّا نقول ونعم عرّاف واهل بيوت وقصور=والنعم مقسوم مابين الرفاقه بالتساوي!!
ركبة زبن سلمكم وانته لها منهي ومامور=يمكن تحت ركبة القاضي تحطون الرشاوي!!

[كبتن عتيبه]

سهم العضيان



الله محييك

[علي فلاح العضياني]

تاريخنا من قديم الوقت بالنوماس معمور=وقصوركم يا ثبيت الكم حوالاها حراوي
ركبك حق الطليب وصرت منه اليوم محشور=واليوم تونس على كبدك منه عشرين لاوي

[مرزوق حمدان العتيبي]

...
.

الكبتن والفالح ... شكلكم متشوقين للباند ...
.


هههههههه

..

المهم انها صفحه مليئه بالجزاله والابداع ...
ولي بعض الملاحظات :)

...

[كبتن عتيبه]

مرزوق اهلاً وسهلاً


مزوح بيني وبين الفالح


لتلطيف الجو فقط



تحيااتي

[علي فلاح العضياني]

الشاعر الكبير الكبتن مناحي تشرفت بمجارتك والدعوى مزوح لا اكثر ولا اقل

ومرزوق مشكور على مرورك يالغالي

[رجـم النـايـف المطيري]

0
00
000
الله الله الله
ياسلالالالام ياسلالالالالام
من اروع الطواريق اللذي تصفحتها فالمنتدى
صح لسان الفالح ولسان الكبتن
ابدعتو ولكم اعجابنا
تحياتي
000
00
0
رجــــم النــــايــــــف