لماذا اغلب القبائل تنسب بعض فخوذ عتيبة لها

[الرومي]

ياخوان خشيت كذا منتدى ووالله اني ضحكت من بعض المشاركات ,حيث لقيت هناك منتديات تنسب فخوذ عتيبة لها ,هل هذا معناتة ان القبائل تريد التقرب لعتيبة لهذة الدرجة؟
وعلى النقيض مالقيت في منتديات عتيبة احد ينسب فخذ قبيلة اخرى لقبيلة عتيبة .
واليكم المشاركات.
منتديات قحطان.
1- الشيابين من ال شايب من قحطان
2- العصمة من ال عاصم من قحطان
3- الروقة من ال روق من قحطان
هههههههههههههههههههههههه اما عاد الروقة نص عتيبة بيلطشونها لقحطان كبيرة شوي.
قبيلة مطير.
1-الحفاة من مطير
قبيلة بالحارث.
1- الحفاة من بالحارث
2- الدعاجين من بالحارث.
سبيع
1- العوازم من سبيع.
البقوم .
1- المقطة يرجعون للبقوم .
************************************************** *****************
اخواني والله هذة القبائل نعتز فيها قحطان ومطير وبالحارث وسبيع وبقية قبائل الجزيرة .
لكن مانلاحضة في منتديات الانتر نت هو التلاعب والتحريف في الانساب وخاصة قبيلة عتيبة لم يسلم فخذ منها الى ونسب لقبيلة اخرى هذا بطبيعة الحال يعتبر شرف لعتيبة حيث كل قبيلة تريد التقرب من عتيبة ,ولكن لايصح غير الصحيح .
قبيلة عتيبة قبيلة هوازنية ليس فيها فخذ واحد ينتسب لقبيلة اخرى .
قبيلة الشيابين اغلب معاركها بقيادة هذال بن فهيد ضد قحطان فكيف تنسب لها.
قبيلة الحفاة اغلب معاركها مع مطير فكيف تنسب لها.
قبيلة المقطة اغلب معاركها مع البقوم فكيف تنسب لها.
المقصد من هذا الموضوع هي رسالة لتلك القبائل ان لايكتبو شي غير موثق فالتلاعب في الانساب والتحريف شي عظيم مع العلم ان عتيبة لن يتغير نسبها مهما حصل وحنا اخوان في الدين قبل القبيلة.

[ابو نادر]

اما العصمه عيال منصور ...من ال عاصم من قحطان وين ياخوي بأي دليل كذا بس جت على هواهم ولله كبيره شوي ولا تنهظم عصمة عتيبه اكبر من ال عاصم قحطان بمرات عديده ولاهم حولنا هم من اليمن وحنى من الطايف وش جاب لجاب
ياخوي لاتكون انت مختلق هذي الاشاعه اول مره اسمع عنها هم ما يقدرون يقولونها قدامنا يمكن في الانترنت يكتبها جهالهم ماعليكم من هروج الانتر نت

[> الحزيمي <]

والله عتيبه اعرف باهلها ولا الكلام اسهل شئ بالدنيا



لا هنت علي الموضوع وتقبل تحياتي

[الرومي]

بارك الله فيك اخي ابو نادر ,والحزيمي.
بالنسبة لهذة الكتابات يكتبها الجهال مافيها كلام مع العلم ان هناك كبار سن من تلك القبائل يهذرون ابعض العلوم الي تضحك .والله ان فية حدا المنتديات اني خشيتة ولقيت موضوع ناسبين فخذ من عتيبة لهم والله انهم تهاوشو بينهم واحد يسب فخذ العتبان والثاني يسبة يقول تراهم يقربولي اكثر منك ونت الي فخذك فية وفية ,اكيد يالغالي هذة الكتابات يكتبها جهال بس صدقني في المستقبل يقراها عاقل بس مايفهم في التاريخ ويبنى عليها حقيقة لذا جرى التنوية.

[طلال الروقي]

الحرامية دايم حول بيوت الأثرياء
هذا الشي من أسرار مهنة سرقة الأنساب ...

[خيال الجدعا حسون]

سبيع
1- العوازم من سبيع.


الكلام هذا لا تنشد سبيع عنة ولا تقولهم ولا يقولولك


رح أنشد العوازم من عتيبة وعلى راسهم الشاعر حبيب العازمي

وقل لهم وش تعودون؟ يامال الغنيمة


وما راح ارد على المقدمة اللي تفضلت بها،لكي لا يزعل أحد مني


تحياتي

[نفيع العتيبي]

اخوي الرومي
بيض الله وجهك
انا زيك مره دخلت موقع سبيع الغلباء
وكتب واحد موضوع ناسيه اسمه المهم
اخونا في الله قاعد يعبر يقول نص عتيبه ترجع في سبيع وبعض قبايل حرب ترجع في سبيع
وبعض القبايل الي في لبيا وتونس والمغرب والجزاير ترجع لسبيع

والله انه منسم الظاهر انه يتمنى تصير زي كذا بس مالك امل حناعتيبه هوزان

ودخلت على موقع العوازم
يقلون حنا العوازم اساس هوازن يبون يتقربون ههههههههههههههههههههه


ودخلت على موقع قحطان
نفس كلامك
1- الشيابين من ال شايب من قحطان
2- العصمة من ال عاصم من قحطان
3- الروقة من ال روق من قحطان

الظاهر هم غلطانين يمكن فخوذ الي عندهم ترجع لنا
ولوخليتهم شوي كان قالو عتيبه ترجع قحطان هههههههههههههههههههههههه

اما موقع البقوم
يقلون الكريزي يرجعون لنا
بس هذولا وراعين يئلفون يحبون تزوير الانساب
اذا تركي بن حميد من البقوم كيف جاء شيخ لعتيبه وعتيبه اكبر من البقوم



هذولا مالهم اي دليــــــــــــل
بس طحالب تحب تزووووووور


وتبي الصراحه والله ونعم فيهم كلهم
الا طحالب الانساب المزورين

[الرومي]

الكلام هذا لا تنشد سبيع عنة ولا تقولهم ولا يقولولك


رح أنشد العوازم من عتيبة وعلى راسهم الشاعر حبيب العازمي

وقل لهم وش تعودون؟ يامال الغنيمة


وما راح ارد على المقدمة اللي تفضلت بها،لكي لا يزعل أحد مني


تحياتي


يالغالى والله ماسمعنا ان العوازم من سبيع غير منكم ياسبيع ,ولو اقول للعوازم هل انتم من سبيع كان قطعو الخزا عن وجهي.
اذا عندك ادلة ان العوازم يرجعون لسبيع عطنا دليلك وتاريخك ,اما كلمة حبيب يقول وفلان يقول هذا كلام فاضي لايغني ولايسمن من جوع.
الى انا اعرفة يالغالي ان هناك فخذ في سبيع يرجع للشيابين من عتيبة ولاتنكر ذلك, والفخذ معروف ويعترفون بذلك.

[الرومي]

اخوي الرومي
بيض الله وجهك
انا زيك مره دخلت موقع سبيع الغلباء
وكتب واحد موضوع ناسيه اسمه المهم
اخونا في الله قاعد يعبر يقول نص عتيبه ترجع في سبيع وبعض قبايل حرب ترجع في سبيع
وبعض القبايل الي في لبيا وتونس والمغرب والجزاير ترجع لسبيع

والله انه منسم الظاهر انه يتمنى تصير زي كذا بس مالك امل حناعتيبه هوزان

ودخلت على موقع العوازم
يقلون حنا العوازم اساس هوازن يبون يتقربون ههههههههههههههههههههه


ودخلت على موقع قحطان
نفس كلامك
1- الشيابين من ال شايب من قحطان
2- العصمة من ال عاصم من قحطان
3- الروقة من ال روق من قحطان

الظاهر هم غلطانين يمكن فخوذ الي عندهم ترجع لنا
ولوخليتهم شوي كان قالو عتيبه ترجع قحطان هههههههههههههههههههههههه

اما موقع البقوم
يقلون الكريزي يرجعون لنا
بس هذولا وراعين يئلفون يحبون تزوير الانساب
اذا تركي بن حميد من البقوم كيف جاء شيخ لعتيبه وعتيبه اكبر من البقوم



هذولا مالهم اي دليــــــــــــل
بس طحالب تحب تزووووووور


وتبي الصراحه والله ونعم فيهم كلهم
الا طحالب الانساب المزورين

ماعليك من السوالف .
اما قولة البقوم ان الكرزان منا ومن ضمنهم تركي بن حميد .فقلة لهم صح النوم يالربع الضاهر انهم سمعو قصيدة ابن هادي واعتبروها دليل .
ابن هادي ماقال ان ابن حميد من البقوم بل خلاة بين عتيبة والبقوم . وهذا شي متوقع من شخص عدو لبن حميد حيث يزرع الفرقة بينة وبين عتيبة .وذا البقوم عند كلامهم يجيبون نسب تركي حتى يوصلونة في البقوم. الصحيح هو ان الكرزان من البقوم يرجعون لكرزان المقطة .
فكرزان المقطة اكثر بكثير من كرزان البقوم فالفرع دائم يرجع للاصل .

[نفيع العتيبي]

صحيح كلامك
وبيض الله وجهك

[نفيع العتيبي]

صحيح كلامك يالرومي
وبيض الله وجهك

[خيال الجدعا حسون]

يالغالى والله ماسمعنا ان العوازم من سبيع غير منكم ياسبيع ,ولو اقول للعوازم هل انتم من سبيع كان قطعو الخزا عن وجهي.


الله لا يغلك..ماظنيت أنهم بيقطعون الخزا عن وجهك لا سألتهم

واللي بيقطع الخزا عن وجهك؛ قله: تراك ما نقصت سبيع يوم رحت منها ولا زت عتيبة يوم جيتها.

اذا عندك ادلة ان العوازم يرجعون لسبيع عطنا دليلك وتاريخك ,اما كلمة حبيب يقول وفلان يقول هذا كلام فاضي لايغني ولايسمن من جوع.

والله اذا كلام حبيب والعوازم ما سرك..أكيد أن كلامي مهوب سارك !!

الى انا اعرفة يالغالي ان هناك فخذ في سبيع يرجع للشيابين من عتيبة ولاتنكر ذلك, والفخذ معروف ويعترفون بذلك.

مانيب منكر شي أعرفة..وتقدر تذكر الفخذ من سبيع وانا أجيبلك خبرة


تحياتي

[صنهات المحياني]

لا تنسب قبيلة إلى قبيلة إلا بدليل وبينة
أما الكلام فسهل

[الرومي]

الله لا يغلك..ماظنيت أنهم بيقطعون الخزا عن وجهك لا سألتهم

واللي بيقطع الخزا عن وجهك؛ قله: تراك ما نقصت سبيع يوم رحت منها ولا زت عتيبة يوم جيتها.



والله اذا كلام حبيب والعوازم ما سرك..أكيد أن كلامي مهوب سارك !!



مانيب منكر شي أعرفة..وتقدر تذكر الفخذ من سبيع وانا أجيبلك خبرة


تحياتي



بالنسبة للعوازم قلتلك ماقد سمعت الكلام هذا الى من السبعان .
ووكالة يقولون ترا شبعنا من هالوكالات .
هذا نسب ونخوك ,والنسب ماهو بسيط والتلاعب فية . انا قلتلك عطنا التاريخ والدليل ومن ثم ننظر في الموضوع .
اما الفخذ الذي من سبيع وهو يرجع للشيابين هو فخذ (المجامعة) ونا مقدر اقولك ان كل المجامعة شيابين لكن منهم شيابين يرجعون من فخذ ذوي عبدالله من الصوالحة ولك تحياتي.

[النايع]

المطر كل يباه ويريده

وكل وده بريح المطر وانا أخوك

وأكثر قبايل العرب تلقاه مجخم... لا يهمك الأسامي وكبرها

وأخذها قاعدة
أي مكان لا يوجد فيه عتيبي ومطيري (هوازن وغطفان) يعتبر كأنه مهجور
وهذا شيء مشاهد ومعروف سبحان الله العظيم

والظاهر أن هذا الأمر متأصل في أسلافهم قيس عيلان منذ القدم

يقول الشاعر


وما الأرض إلا قيس عيلان أهلها = لهم ساحتاها سهلها وحزومها
وقد نال آفاق السموات مجدنا = لنا الصحو من آفاقها وغيومها

يعني الرقه بدون قيس تعتبر مهجورة

[النايع]

يا خيال الجدعا

أولا: ونعم في سبيع
ثانيا: أنت آخذ هذا الكلام من مشرف عندكم في منتديات سبيع.. وهذا المشرف أحمق مغفل أقحم قبيلة سبيع في شيء لا تحمد عقباه. وأقحم مؤرخكم أبن خثلان في موقف محرج وبغى يقمح الفراعنه والذي أناب أبنه عنه في هذه الطامة!

فيه فخذ أسمهم مأخوذ من أسم أمهم (مريغة) قام راعي رنية وبناء على تشابه الحروف قال هم من المرغان. وهم أسمهم على علشان جدتهم مريغة بالضبط مثل ابن شوية السبيعي المنسوب لأمه شوية. وما أكثرهذا الأمر عند السبعان أقصد تسمية الرجل بأمة (أبن فلانه وهكذا)

وهذا الرجل يقول أن السبعان بناء على الشبه يشبهون الجيازنة وانهم عيال عم السبيع اللي في جيزان.

ومرة راح للرياض وهو يركب مع سواق اجرة عنزي.
قال راعي رنية للعنزي: هل أنت سبيعي!
والعنزي يدلي على الليور بغى يمخ رقبته لولا ستر الله.


وان كان تبي اكثر عن هذا الرجل انشد السيف الهلالي وهو يعلمك!!!!

[النايع]

والمفرض ان العتبان يسألون حبيب عن هذا الكلام

وإن كان صحيح

لا يمسيه الليل عندنا

[النايع]

بالنسبة للعوازم قلتلك ماقد سمعت الكلام هذا الى من السبعان .
ووكالة يقولون ترا شبعنا من هالوكالات .
هذا نسب ونخوك ,والنسب ماهو بسيط والتلاعب فية . انا قلتلك عطنا التاريخ والدليل ومن ثم ننظر في الموضوع .
اما الفخذ الذي من سبيع وهو يرجع للشيابين هو فخذ (المجامعة) ونا مقدر اقولك ان كل المجامعة شيابين لكن منهم شيابين يرجعون من فخذ ذوي عبدالله من الصوالحة ولك تحياتي.

المجاميع مجاميع وهي كلمة ترادف الحلف

وحتى لو فيهم أحد من الشيابين اعتقد أنه لا ينبغي تنسيب أولئك للشيابين

الشيابين ما هم في حاجتهم

ولو نبا ننسب الأجناب لنا كان نسبنا الذوبة روس العرب مهوب غيرهم

حنا ما ننسب الناس اللي برى لنا. وإذا نسبناهم لنا صرنا مثل الناس الناقصة اللي ينسبون الأجناب لهم ومن ثم الاختلاط وخلط الانساب.

والله سبحانه ما حرم الزنا وأحل الزواج إلا لحكمة عدم أختلاط الانساب. ثم تجي بعض الناس الناقصة. وينسبون غيرهم فيهم بخدعة تشابه الاسماء أو زواج قديم

أو حديث الولد للفراش!
كما حصل لقبيلة قضاعة وغيرها كثير


أخذ العبرة من قبيلة قحطان الحالية. يوم أدعوا ان الشثور من عوال عمهم. قاموا الشثور ودخلوا فيهم وصاروا قحاطين. وهم منول فاقدين أصلهم تماماً.


وبعض الجهلة من الناس يأخذ على بعض الناس أنهم حرامية ويسرقون ويطمعون في المال اللي في يدين الناس

وانا أرد عليهم وأقول

سرقة المال ولا سرقة الرجال!


تقبل تحياتي

[الرومي]

اخوي النايع .
مساك الله بالخير بالنسبة للمجامعة يوم اقول فيهم شيبابين والله ان الي حدني هو السبيعي على ذلك ولى مثل ماقلت عتيبة لاتنسب احد من برا فيها ومن طلع من عتيبة فهو غير عتيبي الى يوم الدين ولن تقبل رجعتة مهما صار.
بس ونخوك الناس منول يصير فيها مشاكل وذبح وبعضهم يجلى عن ربعة بسبب مشكلة وهذا هو الي صاير.
ونا قلتلك والله ماقد شفت موضوع في منتديات عتيبة يقول الفخذ الفلاني من عتيبة ولا يرجع لعتيبة لنهم واثقين من عتيبة ومعتزين ابها .
اما القبائل الثانية مافية غير قص ولزق من بغا يلطشلة فخذ قبيلة اخرى لطشة مثل شربة الموية.

[شامان]

الحفاه >> مطران ....
أجل اسمي يبي يصير (أبوشمروخ المطيري) ....

مانقول الا (الله يهديهم) :
أمس يقولون الحفاه من بالحارث
واليوم من مطير
والله يستر من بكرة

[نفيع العتيبي]

بكرة بتصير شهري
ههههههههههههههههههههههههههههههههه

[شيخ العصمة]

مابقى الا يخلونا من (( هم قنوب )) ونصير 07 ..

مايهبون الا...

مايعقبون الآد عــــــــــــــاصم جزء لا يتجزاء من عتيبة الهيلا ..

ماعليكم ياعيال عمي هذا كلام (( ورعان )) ..

الهــــيلا ... روق وبرقا × على العز ترقا ..

[الهضيبان]

ودخلت على موقع العوازم
يقلون حنا العوازم اساس هوازن يبون يتقربون ههههههههههههههههههههه

ياخي الله يهديك من وين جبت هالجمله ممكن توريني وين قالوا العوازم (( انا اساس هوازن ))

انا عازمي واللي نعرفه انا (( من )) هوازن ولسنا اساس هوازن

اتمنى انك تتاكد من نقلك للكلام !

واذا عندك اعتراض على اننا من هوازن اتمنى انك تفيدني باللي عندك واتمنى ما تقول كلام الشيبان لانه ما فيه قبيله سلمت من الطعن بنسبها وهذا مذكور بحديث الرسول صلى الله عليه وسلم فيما معناه (( اربع من امور الجاهليه لاتزال في امتي الي يوم الدين ومنها ... الطعن في الانساب .. ))

اخوكم : عيسى فهد منوخ الهضيبان العازمي

[الرومي]

ياخي الله يهديك من وين جبت هالجمله ممكن توريني وين قالوا العوازم (( انا اساس هوازن ))

انا عازمي واللي نعرفه انا (( من )) هوازن ولسنا اساس هوازن

اتمنى انك تتاكد من نقلك للكلام !

واذا عندك اعتراض على اننا من هوازن اتمنى انك تفيدني باللي عندك واتمنى ما تقول كلام الشيبان لانه ما فيه قبيله سلمت من الطعن بنسبها وهذا مذكور بحديث الرسول صلى الله عليه وسلم فيما معناه (( اربع من امور الجاهليه لاتزال في امتي الي يوم الدين ومنها ... الطعن في الانساب .. ))

اخوكم : عيسى فهد منوخ الهضيبان العازمي


حياك الله يالعازمي.
اتوقع انكم من العوازم الي يرجعون في قبيلة سبيع حيث ان سبيع يقولون ان العوازم منا .
لذلك ارا ان تكون بينكم وبين سبيع مناقشات في هذا الجانب بارك الله فيك.

[طلال الروقي]

والله سبحانه ما حرم الزنا وأحل الزواج إلا لحكمة عدم أختلاط الانساب. ثم تجي بعض الناس الناقصة. وينسبون غيرهم فيهم بخدعة تشابه الاسماء أو زواج قديم

كلام منطقي يالنايع
وتشكر على الفوائد النفيسة اللي تتحفنا بها في ردودك
ولاتنسا ان هناك امور اخرى غير تشابه الاسماء تدفع بعض الناس الناقصة مثل الطمع في الناس الطيبين و نسبتهم اليهم ومحاولة ترقيع نقصهم حتى لو كانو يعرفون انهم بعيدين منهم

[الهضيبان]

حياك الله يالعازمي.
اتوقع انكم من العوازم الي يرجعون في قبيلة سبيع حيث ان سبيع يقولون ان العوازم منا .
لذلك ارا ان تكون بينكم وبين سبيع مناقشات في هذا الجانب بارك الله فيك.

توني ادري انه في عوازم غيرنا وغير عوازم عتيبه !!

انا ماني سبيعي انا عازمي من بني عطا