الشمالي هدّ له طير في وقت الهداد !!!

[علي فلاح العضياني]

اخوي الشمالي لي الشرف اني اضع امامك هالبيتين


استلم





الشمالي هدّ له طير في وقت الهداد =مع صقورٍ فالسماء تكفخ بجنحانها
والصقور تفيد لكن طيره ما استفاد=غير جاء مشتال حيّه تمد لسانها

[مرزوق حمدان العتيبي]

غير جاء مشتال حيّه تمد لسانهـا
غير جاء مشتال حيّه تمد لسانهـا
..
.
الله يالفالح .. صح لسانك ...
وننتظر ابو خالد .... ولا فيه شمالي غيره ؟
...

[زبن القاضي]

الله الله


بدايه رايعه من الفالح


وفي انتظار الشمالي

[الشمالي الغربي]

هلا يالفالح واستلم لاهنننننننننننننت



فيه طير يصيد وطيور يالفالح تصاد=مار ما اقبل حجةٍ مابدا برهانها
انت يالفالح لزوم النظر حولك يعاد=كيف تطمع فى السفينه وانا ربانها

[أبو نجر النفيعي]

يا سلام يا سلام

بدايات جزله :)

صحة السنتكم

[علي فلاح العضياني]

تعرف ان الحارنه لا تساق ولا تقاد=والحمول الها جمالٍ وساع ابطانها
ما عليه الفالح اللي على وسق الشداد=رفقته وامانته صانها ما خانها

[كبتن عتيبه]

الله يالفالح

مبداء رايع


ورد وافي



واصلووووا


تحياتي

[سفير النفعه]

صح ألسانك ياخوي الفالح بدايه أكثر من رائعه وعساك عالقوه

وصح ألسانك يالشمالي بعد ردك كان أكثر من رائع

و إنشاء الله تمتعونا بجديدكم

[الشمالي الغربي]

الك يوم اتشوف لن قدّر المولى واراد=موعدك في ساعةٍ غايبٍ شيطانها
اعرفك واعرف كحيلان ياصل كل ماد=والوعد قدام والخيل في ميدانها

[الشمالي الغربي]

مرزوق
زبن القاضي
ابو نجر
كبتن عتيبه
سفير النفعه


لكم خالص الشكر لطيب مروركم

لاهنننننننننننتوا

[علي فلاح العضياني]

صابرين وصبرنا زاد عن حده وزاد= والرساله تنعرف زين من عنوانها
في كلامك ريح تهديد وشويّة عناد= مار اطعني كان تبغا السلامه عانها

[ابراهيم الزراقي]

استر عليهم والله وااااصلوا وانا مع صف الفالح

[الشمالي الغربي]

انت لو تصبر ولو زاد صبرك ويش عاد؟=الرساله تعترضها ماشانك شانها!!
عوّذ الشيطان دام اصبعي حول الزناد=الليالي خوفها حال دون آمانها

[زبن القاضي]

ياسلاااااااااااااااااااااااااااااااااام عليكم


ابدعتو


ولله دركم

[مرزوق حمدان العتيبي]

...
.
الله عليكم ... اللعب بينكم له ميزه خاصه ..
عمالقه بحق ...
مودتي ...