للظروف احكام

[علي الثبيتي]

ياسلام الله علاكم بعد طول الغياب= للظروف احكام والله على خلقه ولي

ازهمولي شاعرأ لا يذل ولا يهاب= والوعد قدام والله على خلقه ولي

[محمد الروقي]

ياسلام الله علاكم بعد طول الغياب= للظروف احكام والله على خلقه ولي

ازهمولي شاعرأ لا يذل ولا يهاب= والوعد قدام والله على خلقه ولي



طيب طيب صح لسااانك يبو فهد



ودقايق يجيك الـرد

[خوي السعد]

يالله حي النشمي ودنا نخاويك ان كان ماعندك مانع

[محمد الروقي]

مرحبا ترحيب غالي بعد شفت الخطاب = غايبً لك عام والله على خلقه ولي

انت ذيب وجاك ذيبً معه قوه وناب = قمت ثمّن قام والله على خلقه والله

[خوي السعد]

اسف يامحمد الروقي تعديت عليك ما انتبهت صح لسانك وواصل

[مرزوق حمدان العتيبي]

للظروف احكام والله على خلقه ولي
للظروف احكام والله على خلقه ولي
للظروف احكام والله على خلقه ولي

...
ارحب يابو فهد ... نور المنتدى بأشراقتك ...
وابداعك .... وحشتنا ياراااااااااااااااااااااااقل :)
....
غايبً لك عام والله على خلقـه ولـي
غايبً لك عام والله على خلقـه ولـي
غايبً لك عام والله على خلقـه ولـي

الله يامحمد ردوافي ياوافي ....
متابع بقوّه .....

[محمد الروقي]

هلا ياخوي السعد


والله كلنا تسابقنا على ابو فهد واللعب معه شرف ..


صح لساانك .. ولو دريت انك تبي ترد مارديت ...

مار ماصار غير الخير ..


لاهنت

[علي الثبيتي]

خوي السعد يشرفني اللعب معك ولكن الاخ محمد رد قبلك

وخيرها في غيرها

[علي الثبيتي]

الابداع بوجودك يابو منذر

[محمد الروقي]

هلالالا يبو محمد

صح بدنك ..
وشرفتنا بحضورك ياسعات المدير



لاهنت

[علي فلاح العضياني]

ياسلام الله علاكم بعد طول الغياب= للظروف احكام والله على خلقه ولي

ازهمولي شاعرأ لا يذل ولا يهاب= والوعد قدام والله على خلقه ولي


الله الله الله


صح لسانك يالنشمي

على طاري النشمي اذكر بيت شعر قيل فالمنتدى ويصلح لمثل هالمناسبه


كل مخلوقٍ من الاسم له حظ ونصيب=و انت يالنشمي نصيبك خذيته با أكمله

واصلوا وعلى القوة

[علي الثبيتي]

يامحمد مقتدا الصدر سواله خراب= ويدعي الاسلام والله على خلقه ولي
طبقو سنة محمد وماجا فالكتاب= وحكموه اعدام والله على خلقه ولي

[أبو نجر النفيعي]

..
صح السنتكم ...

واصلوا وعلى القوه ..

[علي فلاح العضياني]

صح لسانك يا محمد الروقي

وتراني في صفك

ولا يهون النشمي


اخوكم الفالح

[علي الثبيتي]

الله الله الله


صح لسانك يالنشمي

على طاري النشمي اذكر بيت شعر قيل فالمنتدى ويصلح لمثل هالمناسبه


كل مخلوقٍ من الاسم له حظ ونصيب=و انت يالنشمي نصيبك خذيته باكمله

واصلوا وعلى القوةصح بدنك يالفالح
انته الفالح على اسمك عسى فالك يطيب=== احتويت الطيب كله وراعي مرجله

[محمد الروقي]

بالقدم يبو فهد دوس لك حيه وداب = تكفر الاثام والله على خلقه ولي

علّم الطاغي ترى موعده يوم الحساب = علم النواّم والله على خلقه ولي

[محمد الروقي]

ابو نجر ..

صح بدنك ولاهنت


============================


الفالح .. صح بدنك ولاهنت يابطل .. والصف عامر بك


دمتم ذخر

[علي الثبيتي]

يامحمد شاب راسي وانا توي شباب= من عنا الايام والله على خلقه ولي

ماحسب ناله وشكره على روس الحراب= فاليمن والشام والله على خلقه ولي

[محمد الروقي]

هجرةً مختلفه ومايفيد الها العتاب = نعنبو الهدام والله على خلقه ولي

اعرض الموضوع يم الشيوخ اهل الصعاب = جفت الاقلام والله على خلقه ولي

[علي الثبيتي]

نعنبو منهو يحط الخطا مثل الصواب=ويعمل الاجرام والله على خلقه ولي
ويش فاد المفتري ياعتابه ويش جاب= ملجمه بالجام والله على خلقه ولي

[محمد الروقي]

ابو فهد صح لساانك ملايين استمتعت باللعب معك

والفائده بلا شك لي .. بيض الله وجهك ولاهنت




الرسالة واضحه للصقور وللذياب = غامضه للعام والله على خلقه ولي

ياعتابه فوق دايم على هام السحاب = فوق بالاعلام والله على خلقه ولي

[علي الثبيتي]

صح بدنك مليار

وتصبح على خيرانت والاخوان الذين امتعونا بردودهم الجميله

وبيض الله وجيهكم جميع
اخوكم ومغليكم
ابوفهد