الفالح اقرب جاي

[المحامي]

الفالح مسيت بالخير ودنا بطاروق معك وعلى راحتك متى ماسمح وقتك
استلم



يالفالح اللي تغني بالمثايل والطروقي =تعال واخذ الكلام اللي يجمّل من يقوله

عامين مدري ثلاثه وانت من سوقٍ لسوقي=مدري كسبت الوصافه ياولد ولا البطوله

[علي فلاح العضياني]

الله يمسيك بالخير ولي الشرف اني اجاريك

واستلم


حيّا الله الشاعر اللي جاب له قافٍ يشوقي=والناس تحكم على الرجّال من فعله وقوله
انا اكسب الاوله من عادتي وانا ابن روقي=والاوله ما يحصّلها البنادم بالسهوله

[المحامي]

ابقا الله اللي على درب السنع دايم سبوقي=والناس لاجبت سيرة شخص قالوالك فعوله

الاوله روّحت ياصاحبي ليتك تفوقي=سرى بها اللي ترك له بصمةٍ في كل جوله

[علي فلاح العضياني]

عيني تخيل الخيال اللي ترفّ به البروقي=والظاهر انه ما غير بروق ما تدرج سيوله
قال المثل ما يكذّب علم رجّالٍ صدوقي=لا قلت لك علم ضمّه لا تردد في قبوله

[المحامي]

خلك على الهون قبل يفور دمك فالعروقي=وسهيل ودك تنوشه بس ماتقدر تطوله

قلت الك علمٍ مّوثق ياعميلي بالوثوقي=وصلك علمي ونفسك لاتجي دايم عجوله

[مرزوق حمدان العتيبي]

..
.
المحامي .. والفالح ...
وصفحه مليئه بالابداع ....
على القوه .. ياشعار .... وصف الفالح ....
مكتمل ...

[المحامي]

ارحب يامرزوق العتيبي
حضورك مكسب وخل الفالح ينفعك ههههههههههههههههه
مادام انك بصفه

[علي فلاح العضياني]

عز الله اني على خوّة هل الطاله شفوقي=وسهيل حول الجدي والجدي طول الوقت حوله
بين الثرى والثريا كم تعدّ من الفروقي=بحر الوفا والمراجل سابحه عرضه وطوله

[المحامي]

عز الله انك معي بالحيل يالفالح خلوقي=لولا الحيا كان وريتك زمانك مع ميوله
شمسك قريّب من المغرب بعيد عن الشروقي=والوقت لومال ماتقدر تكيّف مع فصوله

[علي الثبيتي]

عز الله اني على خوّة هل الطاله شفوقي=وسهيل حول الجدي والجدي طول الوقت حوله
بين الثرى والثريا كم تعدّ من الفروقي=بحر الوفا والمراجل سابحه عرضه وطوله هنا الجزاله هنا الابداع المحامي والفالح صحت السنتكم شعار مبدعين

[علي فلاح العضياني]

كم واحدٍ يحسن المنطوق والقلب محروقي=والكبد من حر ما يونس من الهمّ معلوله
مدام ما انته محصّل لا صبوح ولا غبوقي=وش موزم اللي على درب الشقاء يشعب ذلوله

[المحامي]

صح لسانك يالفالح كفيت ووفيت وبيض الله وجهك يالغالي

النشمي مرحبا ومسهلا بك