أبيــــات من ذهـــــــب للشـــــعراء الهيـــــــلا...

[عيضه الثبيتي]

مرحباً بكم في صفحةٍ

تحمل إبداعات شعراء منتديات عتيبه الهيلا

في هذه الصفحه

سيقوم أعضاء المنتدى بتدوين أبيات شعريه من قسم المحاوره للشعراء المنتدى فقط

أبيات تحمل الأبداع وروح المعنى أبيات مزخرفه بالجمال الشعري والحكمه

أبيات تميزت بالنقض والفتل

أبيات تتعلق في الأذهان إلى المدى البعيد

أبيات لايجيده إلاّ

شعراء المحاوره في منتديات الهيلا.

كل ماعليكم تدوين أجمل الأبيات للشعرأنا الكرام..


مع ذكر اسم الشاعر...



تقبلوااا خالص تحياااااتي

[السميــــــري]

..
عيضة الثبيتي ..
يسلم قلبك . . على هذا المووضوع الرائع ..
وبصراحة يووجد شعراء عمالقة في منتدانا العزيز ..
بس ..

خلناا نغوووص في البحر ..ونخرج اللولو.. والمرجان ..
من كتابات ابياتشعراءنا الثمينه ..

انتظرناا ...

[مرزوق حمدان العتيبي]

...
.
ارحب ياعيضه ... فكره رائعه ....
تسلم وتشكر عليها .....
...


ياصاحبي تراك ما تعلم الغيب=البرق لاح وجاك سيل المخيلة

أنته فتى وإلا غزا رأسك الشيب=ليا غزاك الشيب ما فيك حيلة

طلال بن ثعلي من عرض محاوره له مع بن جدعان
الله يذكرهم جميعاً بالخير ويردهم ...


....

[كبتن عتيبه]

عيضه الثبيتي


لا هنت على هذه الفكره الجميله


من بحر الهيلا نستخرج الدر أن شاء الله

[كبتن عتيبه]

ياخوك مافيه أحد يكره حليب البكار=عسل على الكبد ماهو بيبسي العايلة

للشاعر الكبير وصل العطياني

في محاوره مع زبن القاضي

[وحي العقل]

فكره محترمه
والابيات اللي مثل كذا لاتعد ولاتحصى



مريت قبل شوي على محاوره بين الفالح والجذع
بغيت انسخ كل بيوتها هنا ..خخخخخخخخخخ


ولكن اختار لكم هالفتل والنقض فيها

سلطان /

مانته محصل من ورانا لا كثير ولاقليل=وان مااقتنعت بعلمنا بالسف الاملح تقتنع

الفالح/

صدقت والله ما نحصل من ورى مثلك حصيل=انته كما اللي لا امتلا بطنه من النعمه تـرع

سلطان/

يوم انت من يبغاك حصل مايبي في ضرف ليل=ومن النعم جاب الك حظك لقمه ماتنبلع

[الــوآفــي]

موضوع مميز يا عيضه

والهيلا فيه شعراااء اقل كلمه تقال عنهم انهم كباااار




لكن البارح اعجبتني محاورة النادر واعجبني سلطان الحافي في رده كثيرا

النادر


حنا ضيوف ن للرجال اللى يعزون الرجال=واهل الردى والله وامانه ماحسبت حسابها

اشوفلى ناس ن من البارح تعقد فالحبـال=ياكبتن الرحله عليـك ملاحظـة ركابهـا


سلطان


يامرحبا وقلط والك فنجال من صفر الدلال=عند النشاما وبك يالنادر وصـل ترحابهـا

انشوف واتسوف الحبال اللي تلوت فالمحال=لابارك الله فـي رجـالٍٍِِ شاينـن هندابهـا


النادر


الله يبارك فيك ياسلطان ياسمح القبال=رجال وافى من رياجيل ن تعز اصحابها

الرجل ينقد كلمته والخبل يرميها شمال=ترى النشاما للنشاما ماتقفل بابها


المبدع سلطان الحافي


يابقى الجبل شامخ ومثله مثل شميخ الجبال=والارض مطولها ومعرضها وكم هضابها

انجيت وارد يالجمل اقسم لتلقالـك جمـال=اشرب وصدر واترك العوجا لابو من جابها

[رجـم النـايـف المطيري]

اولا
شكرا للاخ الثبيتي

====

وثانيا البيت اللي عاجبني من النقض والفتل

بصراحه كان للشاعرين

مرزوق العتيبي×كبتن عتيبه


كبتن عتيبه



يافارس الفرّيس حنّا اللي على وسق الشداد=اوحيتها ولا بعـد ياصاحبـي ماوحيتهـا
البندقيّه في يديّه و أصبعي فـوق الزنـاد=اما برؤس القوم ولا فيك انـا حطيتهـا!!

مرزوق العتيبي


ان كان فيكم طيب .. طيب لي وفيه الفخر زاد=مار البلا بندقك في وسـط الخبـاء شبيتهـا
انت تعرف فعلونا يـوم المواجـه والطـراد=لاقامـت العـدوان ترمينـا خربنـا بيتـهـا

كبتن مناحي


به عندنا سمٌ ذحاح.. وعندنا عنبر وكـاد=وانته تخيّر وابشر بحاجتك لن سمّيتهـا..
وحنّا سحابٌ لا وصل نار العدا تصبح رماد=لو تشتعل نار العـدا طفيتهـا طفيتهـا


مرزوق العتيبي



الاوله ياهونها والثانيه هي المـراد=محد ٍ بمادحني على عينك ليا سديتها
يا ربعنا نعم ٍ بكم في حر ولا في براد=لكن يامناحي عباد الله وراك اوذيتها

=========================

والبيوت هذي بصراحه كنت ارددها باستمرار

صح لسان شعرائها

تحياتي

رجــم النــــايــــف

[نايف الحميدي]

محاوره


بين كبتن عتيبه والنشمي نقطف منها هالوردتين

الكبتن


تعال يالنشمي ومشٌ السالفه فالاتجاه=على ماقال الاكلبي مادام تمشي مشها
اثرك يالنشمي مسوٌي في هل الطايف سواه=اتجمٌع العتبان فالميعاد ثم تطشها



النشمي


الضيف في دبرة معازيبه ليا ربي هداه=على ماقال المورقي غد الضيوف وعشها
النشمي اليا شافله مخطي يرده عن خطاه=مشقر عصا ربعي واموت وعزوتي ماغشها

[عبد الله الحليفي]

عيضه لاهنت

وفكره رااائعه يالذيب

لي عوده بإذن الله

[علي فلاح العضياني]

مشكور ياعيضه الثبيتي وانا عندي ابيات قريتها منذ ثلاث سنوات في هذا المنتدى ولا زالت عالقه في الذهن



الحر الاشقر


نحمد الله يا عتيبه ما لحد فضلٍ ومنّه=من عتيبه في مجال الشعر شهرين الاسامي
لبسوها بالسروج وجوّدوها بالاعنّه=شف حبيّب والعصيمي وابو وافي والزلامي


السيل



احمد الله ما معي في ربعنا شكه وظنّه=الرجال اللي يردون البرى غاية مرامي
يوم اشوف الشعر والعتبان كنّ الشعر كنّه= عاقلينه بالعقال وخاطمينه بالخطامي


الحر الاشقر


كل من يسمع بيوتك يالعتيبي هيضنّه=ولك تقدير ومودّه ولك موفور احترامي
الميادين اثبتنّه والتواريخ اكتبنّه=ما لحقك ولا لحقني يا ولد عمّي ملامي


لله دركم

[ماجد العتيب]

ابشر يا ابن دبيان معك ابن محمد عميش

[الأبتـــر]

هالله هالله على هالموضوع الجيد


البيوت تقول :

انا ضابط من المطران جيت ادرّب الافراد
من الصمان منقول لعتيبه في معسكرها

مهمه طارئه والداخليه تفرض الاسياد
سياسه من سياسات الدويش اللي يدبرها







للشـــــــــــــــاعر الكبير: رجــــــــم النــــــايف المطيري




تحياتي لكم :

اخوكم : الأبتــــــــــر

[فالح الكرنافـ]

زبـــن الـقـاضـي




ذكّرتني راع الحصان اللي نقل حملـه جبـر
حاول يعيّي مار قالولـه شلـه يعنـي شلـه

رمح العتيبي يا مطيري ما يموج عن النحـر
يا كمّ مطيري(ن) عتيبـة ضيّعـوا مستقبلـه

[سلطان الجـذع]

كبتن عتيبه



الوازعيه توفت والغلا فالقبر مقبور =ياليتها كفنت في مشلح بخيت العطاوي

[مرزوق حمدان العتيبي]

..
.
بيت شدني كثيرا ً

لـــ خوي السعد

بعض العرب شوفه لياقابلك كنه يوم عيـد=ولابعضهم عرضته قشرا وتفـرح لاذلـف

[عيضه الثبيتي]

اشكر جميع الاخوان على التفاعل

وانتقاء الدرر التي أنارت الصفحه

ونتمنى من الأخوه المزيد من المشاااركات



خالص شكري وتحياتي

[سلطان بن ثعلي]

تسلم ياعيضة الثبيتي

على الفكرةالرائعه

وكفوااااااااا والله

وبيض الله وجهك

[تركي البرّاق]

السلام عليكم ..

موضووع رائع ياعيضه .. وفيه بيت محله هناا .. اسمحولي اضعه ..


أنا عطيتك من ضلاعين الحجاز اكبر حصاه&&وأنته تعذرب فالحصاه وتتقي في سدّها


<< الكبتين

دمتم بخير..,,

[سلطان بن ثعلي]

من اجمل الابيات في المنتدى

كانت بين شاعرين كبيرين،،،،،

هما : الفالح وكبتن عتيبة.

الكبتن
تعال يالفالح ترى الد نيامفارق واتفاق
هذي هي الدنيا وهذا يالعتيبي حالها

وانتة تبانانتفق والامصمل فالفراق
والثانية ياصاحبي فال الله ولافالها

الفالح
ياربعنا ورى بعضكم من مزوح العصر ضاق
ياطيب بعض الناس مار الله مضيق بالها
الاتفاق اطيب ترانا مانريدالافتراق
وعتيبة الهيلا تنومس باتفاق ارجالها

الكبتن
الزاد ملحة زاد وليا زاد ملحه مايذاق
والدلةاللي موجرة ماينشرب فنجالها
والخيرمن مكه يجي والشر من يم العراق
اهل العراق احرص لها وافطن لهاواصحالها

الفالح
بعض العرب يشتاق للمالح يابوزيد اشتياق
خصٍ ليا ماعاديلقى حيلةٍ يحتالها
اهل العراق اهل الفراق اهل النفاق اهل الشقاق
قد قالها الحجاج ابن يوسف لهم قد قالها

[نايف الحميدي]

من روائع

مقعد الدغيلبي




ماعاد فيه مجامله بالسيف والخد البراح=لو اني ادري ماوراك اعراش ياراس الظبي

[الـــقـــرم]

اسـتـلـمـو وهـذا مـن اخــيـاري يا طـويـق ويـا الـربـع ..

طـارووق حمـاسـي كـلـه بـس واعـجبنّـي هـالـرديـن الأخـيـرات ..


ابو لـمـار يـقـول : ـ


من يعرض الدعوه على السكران = اللـي تقهـوى فـي فناجينـه
حنا زرعنا الخـوخ والرمـــــــــان = ياللي يشيل الفقـع فـي يدينـه

رد عـليـه لانـدكـروزر وقـال : ـ


تزرع عنب شغلتك يا فنان = ووقت العزاوي مالكم بينـه
حنا نشيل الموت والاكفـان = ومثلك على الضلعان حادينه

صـراااحـة أعـجبـنـي هـالطـاروووق وقلت اجيبه لكم ..


مودتـي ..,