تعال يالكبتن مناحي !

[نايف بن ملحق الثعلي]

تعال يالكبتن مناحي ياعسا حظ يقوم=ماني مجامل لاتجامل يالثبيتي شبها

عطني علومك كان يارجال في صدرك علوم=مافيه عله غير يارجال نعرف طبها

[كبتن عتيبه]

الله الله
يامرحباااااا


جيتك وانا كُلّي محبّه ..وايه أنا احبّ القروم=والاد روق احبّها واحبّها واحبّها
تبا السوالف يوم تارد كنّها روس السهوم=ولا تباها مزح ..وسهوم العلوم نكبّها

[حمد بن جوباح]

.
..

االله الله عليكم

نايف × كبتن عتيبه

عز الله دلال القوافي وفناجيل المعاني اللي تقعّد الروس

اااااااالعبوووووو اااااااااااااالعبوووو

والصف صف الكبتن

متابع

:)

[نايف بن ملحق الثعلي]

أبشربنا حنا الرجال اللي يسدون اللزوم=إلي نصدرها نوردها ترا من غبها

الاد روق اليا دعا الداعي يجلون الهموم=والناس يالكبتن مناحي تحت حكمة ربها

[كبتن عتيبه]

طيب طيب


الله يبارك في عتيبه والسماء فوق النجوم=والسِكّه اللي تاسعك يا ولد عمّي ذبّها
الذّم مايرخي شجيع ..المدح مايرفع رخوم=وأما مدحت الرّوقه ..وربّ البشر ما اسبّها

[نايف بن ملحق الثعلي]

خل العلوم ابعيد وانت من الرجال اهل العزوم=ترى الرحا لوتدرج ماتطحن الا حبها


حنا ترانا ربعكم حنا ذراك اعن السموم=لاكن بعضات السوالف ياالثبيتي كبها

[سهم العضيان]

الله الله صح السااااااااانكم مبدعين
واااصلوووووووووااا وحنا معكم

[كبتن عتيبه]

الله الله


جتك المزون اللي من القبله لها تسعين يوم=تبرق وترعد في سماها والهبوب تهبّها
أم الكباير بعد جابت خمسه وعشرين توم=اخاف يانايف تدخلكم بداخل عبّها

[ناصر الجلاه]

الذّم مايرخي شجيع ..المدح مايرفع رخوم
وأما مدحت الرّوقه ..وربّ البشر ما اسبّها



الذّم مايرخي شجيع ..المدح مايرفع رخوم
وأما مدحت الرّوقه ..وربّ البشر ما اسبّها



صح لسانك يالكبتن

صح السانك يانايف الروقي


واصلووووووووا متابعين

[كبتن عتيبه]

لا هنت يافزاع


على حضورك

[نايف بن ملحق الثعلي]

بعض المخايل لو تخيل تنجلي مثل الغيوم=تبرق وترعد وأعرف الظميان مايشربها

أم الكباير خلها والستر ياجعله يدوم=قدام لاتلعبك الدنيا ولا تلعبها

[نايف بن ملحق الثعلي]

نأسف على التاخير الجهاز عطلان


وأشكر كل المتابعين والحضوور والله لأيهينكم ؛ ويعطيكم العآفيه

[كبتن عتيبه]

الاخ نايف

انتظرتك كثير..


والعصر أذّن


للطاروق بقيه


الليله أن شاء الله



تحياااااتي

[نايف بن ملحق الثعلي]

صح السـانك 00 والوعد في الايام الجايه


أنا الليله غير متواجد
تحياتي ،،،،،

[كبتن عتيبه]

طيب طيب


اليا سلمتوا ياجماعتنا هل الحره عموم=باقي المناطق ياعساها يشيلها ويكبّها
الناس سهرانه وابن ثعلي ولد شبعان نوم=أهم شي اليا لقي له غترةً ينصبّها

[كبتن عتيبه]

مع1000سلامه

[نايف بن ملحق الثعلي]

من سابق الايام يارجال معطى ومحروم=بعض السؤالف خلها وارتاح لاتضربها

قامت علومك تختلف لكن مايلحقك لوم=خلك على هونك وفكر قبل لاتنشبها

[رجـم النـايـف المطيري]

الله الله
يامرحباااااا


جيتك وانا كُلّي محبّه ..وايه أنا احبّ القروم=والاد روق احبّها واحبّها واحبّها
تبا السوالف يوم تارد كنّها روس السهوم=ولا تباها مزح ..وسهوم العلوم نكبّها

الله الله الله الله الله الله الله الله

ياسلام ياكبتن مناحي

بيت يجبر المتذوق على الاشاده فيه

صح لسانك يالكبتن مناحي

وصح لسان الروقي

واصلو وانا متابع لكم

للاســـــــتفاده

اخوكم

رجـــم النــــايـــــف

[كبتن عتيبه]

لاهنت على حضورك يالرجم النايف

[السيل-الحافي]

ياسلام صحت السنتكم يالثنين ومتابعين معكم اليل