بـرقـا

[عتيبي شامخ]

مساء الخير أخواني الاعزاء حبيت أطرح بين يديكم هذه القصيده في برقا ولاتهون روق ولكن هذا الموجود لدي أتمنى إن تنال على أعجابكم وأنتظر منكم التعليق على هذه القصيد وهي للشاعر زايد بن طريخم المقاطي
لكم فائق تقديري
أخوكم عتيبي شامخ



برقا لهم في كل هقوه هقاوي *** قوما" تدوس الراي من قبل ينداس
برقا ليا رد البرا ماتداوي *** تثبت مثل ضلعا" قويا" على ساس
برقا ليا كثر الغا والعزاوي *** يازين فزعتهم على قب الافراس
برقا هل السيف العطيب الرهاوي *** لو مابه اللي صاحي الراس بالراس
برقا ليا جت من رفيقا" دناوي *** تدمح له الزله ولافي هذا باس
برقا ليا جا الخوف والذيب عاوي *** قوما" على بعضهم ضل والباس
لاجا نهارا" فيه ضرب وعزاوي *** والخيل بركان الوغا تمرس امراس
تجرح لها ناس وأيضا تداوي *** فعولهم تحكي بها كل الاجناس
الطيب ماخذوه بهرج ومناوي *** الا بفعلا" طيبا" يرفع الراس
رجالهم مثل العقاب النداوي *** يوم المناخ وضربة السيف بالراس
يامالهم جوف الكتب من فتاوي *** عنهم فتاوي مالها عد وقياس

[ربوع نجد]

صح لسانك ولسان الشاعر

[مرزوق حمدان العتيبي]

.....
.
مدح برقا تفتخر به روق
ومدح روق تفتخر به برقا ....
والعزوه عتيبيه
ونعم يابرقا ونعم ياروق
والهيبه لعتيبه ....
صح لسان زايد المقاطي ... على هالابيات الرائعه ...

ولاهنت ياعتيبي شامخ ...

[عبد الحكيم]

كفو يالعتبان : الله يجمعكم على العز والطاعة :

وسبعين نعم بقبائل برقا : ومثل ما قال اخوي مرزوق ونعم فيكم والعزوه عتيبيه ..

[عتــ بلجيك ــيبة]

لاهنت يالذيب على النقل..
وصح الله ألسان المقاطي..
وبرقا هي روق وروق هي برقا
أتحداكم تقولونها بسرعه...!!!:d :d
وعلى كل حال تقبل تحياتي..
أخوك..:
عتـــ بلجيك ـــيبة