المساعد الشخصي الرقمي

مشاهدة النسخة كاملة : ياوجودي عقب فرقاك ( مصافحه اولى )


الوافي
19-Jun-2003, 05:19 PM
اول مشاركه في منتدياتكم الغراءعلها تحوز
اعجابكم و اسمحولي على التقصير و اسمعوا :-

يا وجودي وجد من جرعه خصمه همـاج = حرا ما يرضـى المهانـات لكـن ذاقهـا
كبله تكبيل وخـلاه فـي وسـط السيـاج = جالـس يرغـي و لـون ذوده ساقـهـا

كان مدباس العجاج ان غشى القوم العجاج = لا نخته بنت عمه مـن اقصـى اعماقهـا
يضرب الابطال و تصير قدامه دجـاج = ما يهاب المـوت حيـث المنيـه شاقهـا

و عقب ما صابه يبى الموت ماله بالعلاج = وش حياته كان تضحـك عليه ابواقهـا
ياوجودي عقب فرقاك يا نـور السـراج = يا نخيلـه محـد منهـم يـذوق اعذاقهـا

يالظبي اللي ترتع الوادي و وساع الفجاج = منت تمشـي بالشـوارع تفـر اسواقهـا
زينك اعجوبه ويا زين عينك و الحجـاج = و الخدود البيـض لا ون بـرق براقهـا

و الوجه صافي و لا خالطه سحب وعجاج = و الكفوف الناعمه مـا عليهـا احراقهـا
يا سبحان ربن صوره لي نـور السـراج = الله الخالـق خلـق خلقهـا واخلاقـهـا

تحياتي

فهد الدعجاني
19-Jun-2003, 05:27 PM
صح لسانك اخوي الوافي قصيدة جزلة لاهنت على ابداعها


اخوك / شبيب

ابن شامان
19-Jun-2003, 05:32 PM
اولا مرحبا بك في منتدى الطيب

ثانيا صح الله لسانك وبيض الله وجهك على هذه القصيدة العذبه الرائعه

لاهنت ولا هان غاليك

تقبل تحياتي

اخوك ابن شامان

علي العضياني
22-Jul-2007, 11:44 AM
صح لسااانك ياولد عمي ونبي من هالمستوى واحسن

$الوافي$
23-Jul-2007, 07:15 AM
اللله الله




ولاهنت