من قال ابوي وقال جدي وخالي

[زبن القاضي]

اخواني اعرض على انظاركم هذه الابيات المتواضعه عسى ان تنال القليل من اعجابكم

من قال ابوي وقال جدي وخا لي
وهوه عن الواجب يدور محاويل

لوهو حفيدن لأبو زيد الهلالي
ماينفع الرديان بعض الاقاويل

ليا صار منته من زحول الرجالي
ما أوْصلك ذكراقبور اهلك لمواصيل

ومن يجمع الثنتين يشرب زلالي
يحسب احسابه عند كل الرياجيل

لو ان وقت اليوم سكبت عقالي
وليا كثر مال الفتى قالو اصيل

هذا حسب عرفي ومن ما طرالي
وارج السموحه يالرجال الحلاحيل

[الــوآفــي]

لو ان وقت اليوم سكبت عقالـي \\\\ وليا كثر مال الفتى قالو اصيـل


راااااااائعه هذه الابيات يا زبن


صح لسانك وقلبك وعقلك



لا هنت يالغالي


اخوك

[متعب العصيمي]

ومن يجمع الثنتين يشرب زلالي
يحسب احسابه عند كل الرياجيل

لو ان وقت اليوم سكبت عقالـي
وليا كثر مال الفتى قالو اصيـل

هاذا حسب عرفي ومن ماطرالي
وارج السموحه يالرجال الحلاحيل

.. صح لسااانك يازبن قصيده رائعه..
.. بيض الله وجهك..
.. موودتي..

[أبو صقر]

الشاعر زبن
صح لسانك وسلمت يمناك





تحيتي.........

[وصل العطياني؟؟؟]

صح لسااانك يا ابو نهار ...

ابيات حكمة ولا هي غريبة عليك الحكمة ...

بيض الله وجهك ولا فض فوك :D


تحياااااتي .

[ابراهيم الزراقي]

صح لساااااااانك يالذيب وتسلم من اعمااااااااااااااااااااقي

[أبو نجر النفيعي]

..
.
صح لسانك يا زبن .. بلاشك قصيدة جزله ومعبره ..
وانت شاعر ما يعتاز :)
..
وننتظر جديدك يالغالي..
.
..
موودتي..
.

[زبن القاضي]

مرحبا بالجميع كل ً باسمه

وصح الله ابدانكم


وعساااااااااااااااااااااني ماعدمكم

[معجب العتيبي]

صح لسانك يابو نهار


ابدعت في توصيل الفكره


شكرا لك

[خالد عبدالله القداح]

الاخ زبن صح
لسانك
ابيات معبره جدا جدا
وفعلا وقت اليوم سكبت عقال
بس الرجال رجال والرجال مخابر
واذا اعجبك الرجال بسكبت عقاله وفصاحة لسانه
انشد عنه عند ربعه القريبين ومعارفه واصدقائه
وعندهم تلقى الاجابه الشافيه
تقبل تحيااااااااااااااااااااااااااااااااااتي

[منادي]

صح لسانك مليون يالغالي
وصح لسان شاعرها الله لايهنك على النقل



و



تحيات العجاب لمن يستحق العجاب

واحد كوووووول

[هيلاوي شقاوي]

صح لســآنك يالشاعر الكبير زبن وعندي ملاحظه بسيطه آرجو ان تتقبلها برحـابة صدر

ليا صار منته من زحول الرجالي
ما أوْصلك ذكراقبور اهلك لمواصيل

بدآية الشطر الاول فيه عجز وكان المفروض تعوضه بهذا الشطر

لاصرت مانت بمن زحول الرجالي

هذي ملاحظتي واتمنى تتقبلها بروح اخويه وانت شاعر تعلم وماتنتعلم وانا من المعجبين بقصايدك باستمرار

[شمان العازمي]

اسم الشاعر اكبر من القصيده

[نايف بن ملحق الثعلي]

بيوت جزله
من شاعر جزل