فديت الشامه اللي من يمين لرمشك الفتان

[سعد المغيري]

مساكم الله بالخير
هذي المشاركه عباره عن قصيده اعجبتني لابن عمي الدكتور/ فهد المغيري وحبيت اشارك
واتمنى ان تنال اعجابكم


فديت الشامه اللي من يمين لرمشك الذبلان= اذا ناظرت فعيونك سحرني الرمش والشامه
ولا ادري وش اشوف اول واقلب نظرتي حيران = واحاول اجمع الثنتين عشان القلب وهيامه
حبيبي ما عرفتك ماعشقتك لا انا الغلطان = لا والله انك بداخل حنايا الجوف وعظامه
عشقتك وانت من حايل عشقتك وانت فالظهران = عشقت الساحل الشرقي من احساءه لدمامه
عشقت الشارع اللي ساقني يمك ياأغلى انسان = عشقت الناس من حولك عشقت الوقت وايامه
حبيبي ارفق بقلبي ياغصن من القصب والبان = تراني مسلمك مفتاح قلبي يااعذب احلامه
وكاد سهام عينك صوبت له واصبح النيشان = على اية حال صايبته في شريانه وصمامه
وكاد ان الدوا في جمرتين للعسل عنوان = يقطر من ثنايا كالسحايب واعذب غمامه
حبيبي ما علينا من كلام الواشي الفتان = مادام انا حبايب لعنبو الواشي واوهامه
انا فارس ولد فارس ولد قوم بيدهم شان = ولكني ضعيف امام رمش العين والشامه

[وحي العقل]

من

يلومـــــــــــــــــــــــــــــــه

فالشـــــــــــــــــــــــــــامــه


تشكر على النقل

[فهد النفيعي]

لاهنت على القصيده ياكحيلان صح لسانك ولسان ولد عمك

[محمد الـعـريدي]

كل الشـكر على حســن الأخــيار

وصح لسـان قايلها



لك مني جزيل الشكر وأجل التقدير

اخوك: محمد العريدي

دمت بخير

[(شايم لبرقا)]

لاهنت على القصيده ياكحيلان صح لسانك ولسان ولد عمك

[سعد المغيري]

شكر لكم يا أخوان على هذه الردود

والشعر الجيد يفرض نفسه ويستحق ان ينشر

[إبن شهيل]

الاخ الفاضل سعد المغيري ,,,
القصيدة رائعة جدا ((الله يلوم اللي يلومه))
صح لسانك وصح لسان الدكتور فهد


إبن شهيل

[سعد المغيري]

مشكور ابن شهيل على المشاركة

[مجنون عمشاء]

قصيدة الدكتور/ فهد المغيري

مسكتة والشامه اذا جاء معها عين ورمش رجت العالم الله لايلوم الدكتور ويكون بعوننا من فتنة العيون والله يخارجنا من عذاب الحب

تقبل مروري / سعد المغيري ولك الشــكريالغالي