رحنا وردتنا محبتنا لكم بعد الغياب .@.

[خالد العصيمي]

سلام تسليم الوفا للي يعزن الجناب = للي لهم فالطيب والمعروف والطاله نصيب
رحنا وردتنا محبتنا لكم بعد الغياب = ياهل الديار الي لهم فالمجد شمس(ن) ماتغيب

[الشبـــح]

الله الله

..

يامرحبا يامرحبا بك من جزيلات الرحاب = ترحيب وافي من وفي لهل الوفى عز الصحيب
هذا ترى موجود وافتح مابغيته من كتاب = كل شي يالع ثمّ يطفي غير نيران الحبيب

[الشاعر المتعلم]

هذا ترى موجود وافتح مابغيتـه مـن كتـاب
كل شي يالع ثمّ يطفي غير نيـران الحبيـب

هذا ترى موجود وافتح مابغيتـه مـن كتـاب
كل شي يالع ثمّ يطفي غير نيـران الحبيـب

بيت جزل يالجزل
صح لسانك يالشبح

وصح لسان خالد

واصلوووووووووواا متابع

[مرزوق حمدان العتيبي]

...
ارحب يا خالد والله يحييك اقين :)
وصح لسانك ....

[مرزوق حمدان العتيبي]

..
.
الله الله يالشبح ...
دائماا وانت مبدع ... والصف ازهله ...
ولايهون خالد ...

[الشبـــح]

الشاعر المتعلم ..
صح بدنك
والجزل هو انت يالغالي ..
..

اشكرك على الاطرااء

[الشبـــح]

..
.
الله الله يالشبح ...
دائماا وانت مبدع ... والصف ازهله ...
ولايهون خالد ...


إلا انت المبدع بحضوووورك دائماا
ياتاج راسي ..:)
والصف عامر بوجودك
يابو منذر .

[الشبـــح]

خالد العصيمي .. عساك موجود ؟؟

[خالد العصيمي]

دام البقا يالي ترحب وانت من ضمن الذياب = وأبدا على وضح النقى والطيب ماله غير طيب
نبا نغني مار لا تدخلبنا في كل باب = وأهل الهوى في حبها لاما يداويه الطبيب

[خالد العصيمي]

صح بدنك يالشاعر المتعلم


وشرفت

[خالد العصيمي]

...
ارحب يا خالد والله يحييك اقين :)
وصح لسانك ....

سلمه .. والله يبقيك . واجل فيه فرست عشان يجي اقين :)


وصح بدنك .مرورك سر جمال الصفحه


تحياااااااااااتي

[خالد العصيمي]

الشبح موجود معك طال عمرك


واص واصل

[الشبـــح]

الذيب يقنب للذياب اللي على روس الهضاب = ويجاوبه وان ماتجاوب معه ماظني بذيب
اللي يغني مايغني غير من طعن الحراب = ماهي حراب الحرب وحراب الهوى سم الصويب

[خالد العصيمي]

الله الله



الذيب ذيب ولا تلحقه الملامه والعتاب = فوق الجبال العاليه لابد تسمعله قنيب

واقول فلي طق باب الدار يلقاله جواب = وان كان يفهم شي عادي وان جهل شين غريب

[رجـم النـايـف المطيري]

الله الله الله

العصيمي صح لسانك وابياتك جزيله

الشبح ماعليك كلام شاعر وربنا وربك الله

وشهدتي فيك مجروحه

واصلو ياشعار الهيلا المبدعين

وانا متابع بشده معاكم

تحياتي لكم

[خالد العصيمي]

مرحبا بشعراء النخبه



صح بدنك يارجم نايف وشرف لنا مرورك الكريم

وعلى اشادتك



تحياااااااااااااااتي

[خالد العصيمي]

الشبح الضاهر انك طلعت..!! لاكن بطلع وارجع شوي


الى القاء

[الشبـــح]

عذرا عذرا على التاخير يابن العم .. واستلم
..


بعض الحقايق ياطويل العمر تشبة للسراب = عساك تسلم من حقايقها ولو مافيك ريب
حنا فهمناها وريش الصقر مع الريش الغراب = حرام حرم ان التشابه بينها ماهو قريب

[الشبـــح]

الله الله الله

العصيمي صح لسانك وابياتك جزيله

الشبح ماعليك كلام شاعر وربنا وربك الله

وشهدتي فيك مجروحه

واصلو ياشعار الهيلا المبدعين

وانا متابع بشده معاكم

تحياتي لكم


هلا ومرحبا بالرجم النايف ..
وحياااااك الله ولنا الشرف بمرورك
وربنا وربك الله :)