يا زبن ياللي ما حتى ترقد القايلة

[وصل العطياني؟؟؟]

يا مرحبا يا هلا يا زبن يا بن نهار
ترحيب يغني عن الفنجال والحايلة

ياللي مرابط على الحاسوب ليل ونهار
من العشاقة ما حتى ترقد القايلة




تحياااااااااااااتي

[رجـم النـايـف المطيري]

القايله القايله

الله الله الله

مبدى طيب من خشمن طيب

واتوقع طاروق ناجح

وبانتظار زبن

تحياتي لك

[زبن القاضي]

دام البقا ياوصل يابن الكرام الحرار=ياكاسب الاوله ياكاسب الطايله

في كل وقت ازهمك والتيلفون انتظار=عينك تناظر بروق الصيف وتخايله

[وصل العطياني؟؟؟]

هلا يا رجم النايف هلا وغلا ...

وطيب يا زبن :)




تحياااااااااااااتي

[النا د ر]

الله الله الله

صح لسانكم والله يعطيكم العافيه شعراء كبار نتعلم ونستفيد منهم

وترانى قاضب الصفين يالنشاما

واصلوااا الابداع

تحياااتى للجميع

اخوكم النادر المطيرى

[وصل العطياني؟؟؟]

خابرك رجال وعيونك تقادح شرار
تصول وتجول لا شفت العرب صايلة
ياللي تخيل المخايل لا تجي فالغبار
إصبر وبكرة تجيك الأودية سايلة



تحياااااااااااااتي

[وصل العطياني؟؟؟]

هلا بك يالنادر ...

شرّفنا وجودك لا عدمناك :)


تحياااااااااااااتي

[زبن القاضي]

الرمي ياوصل مايصلح بلياء عيار= والصايبه صايبه والعايله عايله

شفتك نهارين تدخل صالة اهل القمار=لاتندفع والنعم مصيرهازايله

[زبن القاضي]

رجم النايف المطيري

النادر

عساااااااااااااااااااااااااااااااني


ماعدمكم

[وصل العطياني؟؟؟]

يا زبن ماني بخابر فوق قلبك ستار
والناس تدري وش العدلة من المايلة
يا كابتن الطايرة حاول تدوّر مطـار ؟
أكثر سوالفك مدري كيف هي قايلة




تحياااااااااااااتي

[زبن القاضي]

ياوصل انا خابرك كبير ضمن الكبار=القول دايم حلاة القول فاوايله

بغيتها فاليمين وعودة فاليسار=لاكنك اصبر لجور الحمل ياشايله

[مرزوق حمدان العتيبي]

لاتندفـع والنـعـم مصيرهازايـلـه
لاتندفـع والنـعـم مصيرهازايـلـه
...
.

الله الله ...
محاورة كبار ومن العيار الثقيل ...
صح لسانك يابو مشهور
وصح لسانك يازبن ....
ولاوصيك على وصل وازهل الصف .. :)

[عبدالله القثامي]

الله الله الله


القاف حامي

وصل العطياني وزبن بن نهار القاضي


والله قاف حلو وفقكم الله

وااااااااصلو

[وصل العطياني؟؟؟]

^
^
أبو سلمان مرّة وحدة ؟!!

يا هل وغلا نوّرت والله وشرفنا وجودك ...


مرزوق هلا بك يالذيب هلا ...

ياخي اذا شفت اسمك ارتاح مدري ليش :)





تحياااااااااااااتي

[وصل العطياني؟؟؟]

أحدٍ لقاها سمن وأحدٍ لقاها قفار
لكن حافظ على مكسبك يا نايله

والصاحب اللي يجي من صحبته ريح نار
خلاّني أعاف من قربه ولاماي له



تحياااااااااااااتي

[أبو نجر النفيعي]

..

الله الله الله .. ابك مع القيّاله عاد :)

صح لسانك ياوصل وصح لسان زبن القاضي..

وعلى القوه يالنشاما.,,.

.

[زبن القاضي]

الياذبحت الجزور اغنم شطوط الفقار=والكيل لازم تكيله صح ياكايله

والصاحب الي ماينفع في لزومك دمار= لاتقول دنياك الك من وينهي أيله

[وصل العطياني؟؟؟]

هلا يا ابو نجر :)

الدعوى قيـّالي ههههههههههه


تحياااااااااااااتي

[مرزوق حمدان العتيبي]

...
.
مرحبا يابو سلمان ...
عبد الله القثامي شاعر علم
فالمحاوره والنظم ...
حياك الله وابركها من محاوره اللي خلتنا نشوف حروفك
......

[وصل العطياني؟؟؟]

ياخوك مافيه أحد يكره حليب البكار
عسل على الكبد ماهو بيبسي العايلة :)

عز الله إنـّك صحيبي واعتزي بك جهار
ومن مدّ يمناه لي مدّيت يمناي له



والختام عندك يا ابو نهار واتشرفت بمحاورتك :)

تحياااااااااااااتي

[وصل العطياني؟؟؟]

مرزوق ابعد عني وراك ؛ دام انك في صف زبن لا تقرب :)


تحياااااااااااااتي

[أبو نجر النفيعي]

..
الله الله . محاوره من العيار الثقيل ..
صحة السنتكم .. مبدعين .. وما قصرتوا..

..
أخوكم / ابو نجر ..

:)

.

[زبن القاضي]

ذبحتني بالعلوم الي عليها المدار=الي يسائلك بالمنطوق وتسايله

طيبك ومرباك لون الاوادم كثار=اجبرني اصاحبك والي يجي جايله

وصح الساااااااااااااااااانك يابو مشهور

والله يشرف مقدارك

[زبن القاضي]

مرزوق العتيبي

ياعسااااااااااااااااااااااااااااااني

ماعدمك

[وصل العطياني؟؟؟]

الله الله ...

وصح لسانك يا ابو نهار ...

والشكر لكل من شارك معنا ..




تحياااااااااااااتي

[مرزوق حمدان العتيبي]

...
.
هكذا الطواريق ولا بلاش ..
استفدنا من هالدرس المستعجل ..
..
شكرا لكم ياشعار الهيلا عتيبه ...
ونطالبكم بغيرها ....

[الشمالي الغربي]

والصاحب الي ماينفع في لزومك دمار
لاتقول دنياك الك من وينهـي أيلـه
والصاحب الي ماينفع في لزومك دمار
لاتقول دنياك الك من وينهـي أيلـه
والصاحب الي ماينفع في لزومك دمار
لاتقول دنياك الك من وينهـي أيلـه


الله الله الله الله



صح لسانك يالقاضي ولايهون وصل ..



تقديري لكم

[ابوفهد العتيبي]

الله الله ياوصل

ياخوك مافيه أحد يكره حليب البكار
عسل على الكبد ماهو بيبسي العايلة

[كبتن عتيبه]

يا مرحبا يا هلا يا زبن يا بن نهار
ترحيب يغني عن الفنجال والحايلة

ياللي مرابط على الحاسوب ليل ونهار
من العشاقة ما حتى ترقد القايلة

الله الله

يابو مشهور

صح لساانك

ولسان زبن القاضي



مبدعين



عسل على الكبد مانتم ببسي العايله

[الشبـــح]

الله الله .... محاورة من الوزن الثقيل .....
صح لسانك يابو مشهوووور
وسلم قلبك ..

......

زبن القاضي .... صح لسانك على هذه الدرر
لاهنت يالطيب
محاوره كانت ممتازه ..

اخوكم الشبـــح

[ابن مشيب]

الله الله

صحت السنتكم ياعمالقة المحاورة

وانتهز هذه الفرصة , وارحب بالشاعرين زبن القاضي وعبدالله القثامي , واتمنى منهم التواصل , حتى يتسنى لجماهيرهم , الإستمتاع بطواريقهم الشعرية , وفي إنتظار محاوراتهم القادمة


تحياتي

[وصل العطياني؟؟؟]

مشكووورين يا شباب على مروركم وتعليقاتكم الجميلة ...

تحياااااااتي.

[رشيد النقريني]

صح لساانك ياوصل العطيااني

وصح لساانك يازبن القاضي


ابدعتم وأنصفتم


وبيض الله وجيهكم


ولاعدمناكم يارب

[طــامي]

محاوره جزله ومن العيااااار الثقيل

وصح لسان الشاعرين على هذا الابداااااع واتمنا لهم التوفيق



اخووكم طـــــــــــامي

[ابراهيم الزراقي]

ياوجه الله مايرقد القايله

[مشل]

صحة اللسنتكم جميع واشهد بالله
ان محاورتكم قمة الفتل والنقض
ابدع . ابداع . ابداع . ابداع . ابداع
اخوكم ابن الهيلا الصغير (مشــــــــل)