تسجيل الدخول

مشاهدة النسخة كاملة : أُمّا مشى ولاّ برك ولا حبا...

كبتن عتيبه
18-Apr-2007, 12:49 PM
تعال يامرزوق وحسابك عسير=في ساعة الرَّحمن وأبليس يهبا
نبى نشدّ الحِمل في ظهر البعير=أُمّا مشى ولاّ برك ولا حبا
علي فلاح العضياني
18-Apr-2007, 01:02 PM
تعال يامرزوق وحسابك عسير=في ساعة الرَّحمن وأبليس يهبا
نبى نشدّ الحِمل في ظهر البعير=أُمّا مشى ولاّ برك ولا حبا



الله الله

صح لسانك يا كيتن مناحي وصح لسان مرزوق مقدماّ

بدايه تنبي عن طاروق

ولا اروع

بالتوفيق

واصلوا

متابع



الى النهايه


اخوكم الفاح
رجـم النـايـف المطيري
18-Apr-2007, 01:56 PM
اما

مشى

ولا

برك

ولا

حبا

الله الله الله الله

ياسلالالالالالالام ياكبتن مناحي

ابداع منك وغير مستغرب

والابداع الثاني والله بيجيك من مديرنا مرزوق العتيبي

بس انطر لين يحضر وانا تراني الليله بصفك

وضد المدير

والليل الليل يامرزوق عجل علانا

العب العب

ههههههههههههههههههه

تحياتي
أبو نجر النفيعي
18-Apr-2007, 02:00 PM
..
الله الله يالكبتن مناحي..

ابك عجل علانا يا مرزوق ..

.
وصل العطياني؟؟؟
18-Apr-2007, 02:06 PM
^

الليل :)

هذا والله الأمر يا مرزوق ؛ عندك مناحي لا تذخر عنه شيء ...

الطاروق هذا متأكد انه بيكون قمة ...

شدوا حيلكم والله الله يا مناحي مار ماني في صفك :D



تحياااااااااااااتي
مرزوق حمدان العتيبي
18-Apr-2007, 05:30 PM
..
يافتاح ياعليم يارزاق ياكريم
عسى الله يخارجنا ... :)


يامناحي الكبتن ترى وضعك خطير = يومك تناديني وجيتك وش تبا ؟
انته تغيب ايام وتجينا مغير = وش جبت هات العلم ياهد هد سبا
مرزوق حمدان العتيبي
18-Apr-2007, 05:31 PM
...
.
الجميع مشكورين..
ومجملين ...
والشكر خاص الخاص للي في صفي :)
...
ارحبوا .....
الشمالي الغربي
18-Apr-2007, 05:38 PM
الله الله


الكببتن والمدير هذا والله العلم ...


صحة السنتكم ولاهنتوا

ليا ا خلصت علمني يالكبتن........


ناوي لي نيه وليا هالحين ماقررت ادوركم بالمناقيش كلكم انت والمدير
أبو نجر النفيعي
18-Apr-2007, 05:42 PM
يامناحي الكبتن ترى وضعك خطير
يومك تناديني وجيتك وش تبـا ؟
انته تغيب ايـام وتجينـا مغيـر
وش جبت هات العلم ياهد هد سبا


الله الله يالمديررررررر
صح لسااااااانك والليل
مرزوق حمدان العتيبي
18-Apr-2007, 05:47 PM
...
.
الشمالي الغربي ... يابعد راسي ... يهالطله ..
ارحب يابو خالد .... ولا هجمت على الكبتن علمني ...
وازهل الصف ...>>>> يباه يستعجل يفكه من هالبلوى ههههه
الف شكر ....
مرزوق حمدان العتيبي
18-Apr-2007, 05:48 PM
...
.
صح بدنك يابو نجر ..
شرفتنا يالمرعب ..
.. لاهنت ....
محمد العضياني
18-Apr-2007, 07:03 PM
الله الله الله

الكبتن مناحي ومرزوق العتيبي

صحت الالسن وسجلوني فالصف

متابع
كبتن عتيبه
19-Apr-2007, 02:23 AM
الله الله


العُمر يمضي والليالي تسدير=وان كان جاك الموت قِله مرحبا
ماني بهدهد.. شاعر وسيفي شطير=ولا هو ماغير الهدهد يجيب النبا
كبتن عتيبه
19-Apr-2007, 02:26 AM
الفالح>>>لا هنت على الحضور يابو فلاح

الرجم النايف>>> ارحب ياشاعر مطير

الشمالي الغربي>>>مرحبا يالراعي الشمال

ابو نجر>>>هلا بصديقي ابو نجر ...اخبارك

ابو مشهور>>>هلا والله يابو مشهور عاني ما اعدمك طا عمرك

البواردي>>>لاه هنت يالغالي
مرزوق حمدان العتيبي
19-Apr-2007, 10:29 AM
منته بذابحني وسيفك بالجفير = الخيل فالميدان هبي ياصبا
ون كان في راسك سطر قدمك مطير = ذبحي ولد عمي ترى كل الغبا
مرزوق حمدان العتيبي
19-Apr-2007, 10:31 AM
..
.
ارحب يالبواردي ..
يسعدنا وجودك فالصف ويشرفنا لاهنت
....
محمد الروقي
19-Apr-2007, 10:55 AM
الله الله ..

الكبتن مناااحي /// مرزوق العتيبي
رمزين للابداع ..


وصحت السنتكم وقلووبكم .. وواصلو وانا اول المتابعين والمستفيدين ..
كبتن عتيبه
19-Apr-2007, 03:56 PM
طيب طيب


أنته توزّع فالجوايز يامدير=وتال الليالي يَبلغ السيل الزُبا
وترى الجراد يوقّع شوي ويطير=وتحصّل عياله على دربه دبا
تركي البرّاق
19-Apr-2007, 04:09 PM
أنته توزّع فالجوايـز يامديـر
وتال الليالي يَبلغ السيل الزُبـا
وترى الجراد يوقّع شوي ويطير
وتحصّل عياله على دربه دبـا


ههههههههه هذا والله العلم يامنااااحي صح لساااانك ملالالالالالالاين ..

وصح لسااان ابو منذر ..

متااااابعين للنهااااااايه .,,