الكبتن مناحي للاهميه

[نايف بن ملحق الثعلي]

البدايه نذكر الله رب العالمين=الله الي خالق الكون ماغيره ولي

ثم بعده مرحبا بالرجال الطيبين=مرحبا في منتدى اهل المقام المعتلي

[مرزوق حمدان العتيبي]

..
.
صح لسانك يانايف ...
وننتظر كبتنا العملاق ...
..

متابعين ...

[كبتن عتيبه]

اذكر الله واشكره كل وقت وكل حين=البدايه هكذا ثم نبدأ مايلي:
البقاء ياربعنا اللي على تقوى دين=من هجوسٍ بالمعْرفه تغيض وتمتلي

[كبتن عتيبه]

مرزوق كيفك ياحبيّبي؟!


حسابك بعين!!!!!!!

[علي فلاح العضياني]

الله الله الله

صح لسانك يا نايف الروقي
صح لسانك ياكبتن مناحي

مبدعين لله دركم
هذا اللعب ولا بلاش


شعار من الوزن الثقيل والطاروق هذا لازم يشيب


العب العب



اخوكم الفالح

[نايف بن ملحق الثعلي]

الاسامي بعضها مستعار الله يعين= وانت يا الكبتن مناحي علامك قوللي

مايصح الا الصحيح اسمعوا ياسامعين= والاسامي المستعارة ترى ماهي بلي

[أبو نجر النفيعي]

والاسامي المستعارة ترى ماهي بلي
والاسامي المستعارة ترى ماهي بلي
والاسامي المستعارة ترى ماهي بلي
والاسامي المستعارة ترى ماهي بلي
والاسامي المستعارة ترى ماهي بلي

الله الله يانايف ..

صح لسانك ولسان كبتن عتابه ..

واصلو يالنشاما

[غليص بن رمّاح]

الله الله
الله الله
الله الله
يانايف ابن ثعلي هذا اللعب اللي مايدور غيرة

ولاننسى المبدع الكابتن مناحي


سلمتو وصحت السنتكم ولاهنتوا


تحياتي[/color][/size][/foq]

[كبتن عتيبه]

طيب طيب


الاسامي فالوطن فاليسار وفاليمين=من هذا الساعه يالين الزمان الجاهلي!!
وانته الك اسمين والله يبارك فالثنين=نايف ونواف والليث يتبع له حلي!!


اسف على التاخير

[نايف بن ملحق الثعلي]

ياوسيع العرف خلك مع أصحابك فطين=أعرف المقصود ياجعل همك ينجلي

نايف ونواف أسام الرجال 00الغانمين=أبشر أن اسمي شرف وأبشر ان العزلي

[كبتن عتيبه]

يامسافر وين سافرت لي وين؟=كان غازي خل غزوك على حرب وبلي
من حلايا الذيب نعرف حلايا ابا الحصين=وأنت لن جات الحلايا ترى مالك حلي

[نايف بن ملحق الثعلي]

دربنا واحد ومعروف وافهم ياذهين=والمذاهب تختلف شافعي من حنبلي
لاتسوي ياصحيبي سوات ام القرين=العن الشيطان قدام ألقيك الخلي

[تركي البرّاق]

هههههههههههههه

ياسلالالام صحت الالسن متاااااااابعين ..,,

[كبتن عتيبه]

ياقضاة الحق والحق سلم المسلمين=مايضيّع صاحب الحق والمخرج ملي
متضيّعه الليالي ترجّعه السنين=والنصر موجود في سيف ابو طالب علي

[ناصر الحثري]

ما شاء الله عليكم

والله يعطيكم العافية

[نايف بن ملحق الثعلي]

كان تبغا الحق حاضر ولا هوب ابعدين=ماتضيع احقوقكم يارفيع المنزلي

الزمان أيدور ويجور والقاسي يلين=مار أظنك عوبلي فالزمان العوبلي