نايف الروقي تفضّل لا هنت

[علي فلاح العضياني]

يا سلامي سلام الطيب للطيبين=من هجوسٍ يسرّ البال منطوقها
يابن ملحق سمعنا علم ما هو بزين=انّك اتخمخم العربان بحلوقها

[أبو نجر النفيعي]

يابن ملحق سمعنا علم ما هو بزين
انّك اتخمخـم العربـان بحلوقهـا
يابن ملحق سمعنا علم ما هو بزين
انّك اتخمخـم العربـان بحلوقهـا

..

الله الله يالفالح..
صح لسانك.. وصح لسان نايف مقدما

والليل ياعتابه الليل

..

:)
.

[نايف بن ملحق الثعلي]

مرحبا ياالمسلم عدوبل الغشين= من هجوس تراى ماضاعت احقوقها

لاتسمع كلام الناس خلك فطين= لاتعوق العلوم ولانبا عوقها

[مرزوق حمدان العتيبي]

يابن ملحق سمعنا علم ما هو بزين
انّك اتخمخـم العربـان بحلوقهـا
...
.
الله الله يالفالح مبدع وصح لسانك.
....

[مرزوق حمدان العتيبي]

لاتسمع كلام الناس خلـك فطيـن
لاتعـوق العلـوم ولانبـا عوقهـا



..
لاتسمع كلام الناس خلـك فطيـن
لاتعـوق العلـوم ولانبـا عوقهـا


..
صح لسانك يانايف ...
رد وافي من وافي
....
واصلوا .......

[علي فلاح العضياني]

سرها العتيبي والخوافي تبين=المخايل عليكم لا حت بروقها
ما استمع غير فالعلم الثبات اليقين=والسوالف بدون اثبات ما اسوقها

[نايف بن ملحق الثعلي]

انت جود حزامك والله انه يعين=المعاني تراها زان طاروقها

اترك الدرب الايسر خل دربك يمين=طبعنا مانخون الناس ونبوقها

[علي فلاح العضياني]

والله اني على الشدات جنبي متين=واشري الغاليات اليا غلي سوقها
ليش تترك وصاة اجدودك الاولين=اقلعوا شجرة الزقوم بعروقها

[نايف بن ملحق الثعلي]

أنت مافيك شكـه كلنا خـابرين= مار تال الزمـان أنشوفك أتحوقـها

ما تركنا العوايد من قديم السنين = كل هقوه بغيناها نجي فـوقهــا

[علي فلاح العضياني]

ماتغيرت لون الرواسي تلين = زال شمس الضحى تشرق مع اشروقها
اكثر الناس فالدنيا على غار دين = للحوارم ماغار اتلحس اشدوقها

[نايف بن ملحق الثعلي]

أنت يالفالح الليله ركبك اللعيـن = = من يدور عليها لأزم أيذوقها

ما نبا الاالحقيقه والكلام الثمين = = رد كلمتـك هاذي جوف صندوقها

[علي فلاح العضياني]

انت راكبك من مبطي ليا هالحين=لا تشايل ذوي برقا على روقها
العصا ما نباها تنشقر شقرتين=ارقع المشلح اللي بانت فتوقها

[علي فلاح العضياني]

الاخ ابو نجر النفيعي



مشكور يالغالي

[علي فلاح العضياني]

الاخ مرزوق العتيبي


مشكور يابو عتابه


تحياتي

[نايف بن ملحق الثعلي]

نحسبنك ذهين أثرك منت أبذهيـن = = نعرف الناس سابقها ومسبوقهـا

ماشقرنا العصأ ياراعي النيتين = = أنت اظنـك عباةَ كـثرة أشقوقهـا

[علي فلاح العضياني]

المحايل ما هي للذيب لآبالحصين=القضيه تراها بانت فروقها

وش يدّخلك ما بين الحسن والحسين؟؟؟=وانتم عيال ملحقها ولاحوقها