قصيده ل كديميس بن صالح في سلطان المطيري؟

[ماله امان]

(هذه قصيدة جديده ل كديميس بن صالح العتيبي رداًعلى قصيدة سلطان المطيري0


وصلـت رسالـه مرسـلـه مــن زويـنـان=الـلــي يــعــادل مــــن حــلايــاه مــيــه
مخـتـلـفـةٍ فـيـهــا الـمـعـانــي والاوزان=ماهـيـب مــن عـيـب الـرسـايـل نـقـيـه
اللخبطـه فيـهـا عـلـى اشـكـال والــوان=هـــو عـربـجـي ورسـالـتـه عـربـجـيـه
عـنـده لـسـان بــلا ضـمـانٍ ولا امـــان=ونفـسـه عـلـى هــزل الـكــلام مـحـديـه
لاهــوب لا مبـصـر ولاهــوب عـمـيـان=عـنـده بـصـر مـيــر البـصـيـره رديـــه
ركـب الجـواد اللـي بـلا سـرج وعـنـان=ولا فــــاد كــــود الـهـيـنــه والـدنــيــه
الله يثبـتـنـا عـلــى اركــــان الايــمــان=لامــن بـعـض الـنـاس ركــب اردعـيـه
مانـي مـن يفتـح عـلـى الـنـاس بيـبـان=لــكــن مـاتـمـشــي عــلـــي الـخـطـيــه
ســر ياقـلـم واكـتــب كـتــابٍ بـعـنـوان=وخــــل الـمـعـانــي كـلــهــا مـعـنـويــه
نـبــي نـبـيـن لـلـعـرب قـــدر الامـكــان=حــتـــى تـبــيــن الـبـيــنــه لـلـبــريــه
وحـتـى نبـيـن غـلـطـة فـــلان وفـــلان=والـثـالــث الــلــي يــدعــي الـعـبـدلـيـه
ولا خيـر فــي قــولٍ عـلـى غيربـرهـان=بـعــض الــعــرب سـوالـفــه بـربـريــه
يالـلـي تـبـي تنـكـر مـواقـف شحيـمـان=الـلــي يـعـشــي الـضـيــف والاهـلـيــه
ويثنـي عليـه الطيـر والـذيـب سـرحـان=كـم طــش لسـبـاع الخـلـى مــن مطـيـه
ليتـك حضـرت مــع الجمـاعـه مسـيـان=حـتــى تـشــوف بـعـيـنـك المكـرهـيـيـه
وتشوف من لحق الجماعه على حصان=وثـنــى لـربـعـك ركـبـتـه فـــي الثـنـيـه
وشـتـت شعبـهـم بـيـن مـيـت ونـدمـان=والـلـي هــرب رجـلـي وخـلــى خـويــه
وليتـك نشـدة عقـوب عـن كـايـن كــان=يــــوم الاثـرمـاجــود والــنــار حــيـــه
امـــا بـعــد قـرنـيـن يــــا طـيـربـرمـان=تـــوك ورى التـسـعـه تـقـيـم القـضـيـه
لــو القضـيـه مــن تصـانـيـف كـذبــان=فـطــن لـهــا قـبـلـك رجــــال الـحـمـيـه
فـطـن لـهـا مــن قـبـل قمـزتـك طـعــان=يـــوم انـهــا لااهـــل الحـمـيـه طــريــه
امـا الـكـلام عــن المـغـازي والاكــوان=يــوم الـسـرايـا بـيــن روحـــه وجـيــه
منـتـم مـثــل قـومــي ولـنـتـم بـرديــان=الــفــرق واضــــح والــدلايــل جـلـيــه
انـتـم لـكـم عـــدات وعـنــان وسـنــان=لـــكـــن حـــنـــا زايـــديـــن مـــزيــــه
حنـا نعـرف نجـازي الاحسـان بحسـان=وراع الـطـنـا نسـقـيـه كـــاس المـنـيـه
عاداتـنـا لامــن وجـــه الـسـنـه شـــان=يـفــرح بـنــا الـلــي يـابـسـات شـفـيـه
امـا عليـه ديــون مــن نــاس عــدوان=ولا تـحــادتــه الـسـنــيــن الـقـصــيــه
يـامـن بـنـا مــن كــل مـطـلـب وديـــان=ونـكـف عـنـه يـديـن راعـــي الـدعـيـه
بيـوتـنـا تـقـصـد لـعـانــي و ضـيـفــان=لامــــن بــعــض الــنــاس لاذ بـلـويــه
ويــوم العـوانـي بـيـن شـاهـد ونـكـران=وعــظــام مـوتـانــا تـشــيــل الـعـنـيــه
تــدي عـلــى راع القنـاطـيـش ذيـــدان=الــي حـلـب فــي راس زبـــن الـونـيـه
وان جــا لـدقـلات الـكـراديـس مـيــدان=واصـبـح حكمـهـا الـسـيـف والبنـدقـيـه
نـطـب حـومـات الـوغـى بـــم سـيــلان=والـسـيـف سـيــد مـعـتـرك كـــل هـيــه
الحرمـلـيـه يـــوم سـوقــات الاضـعــان=يــوم اجـتـوال الخـيـل فـــي الحرمـلـيـه
عــنــا تـذريـتــو بـشـمــر وقـحــطــان=وفرسان حـرب اهـل الهجـوم اضحويـه
قـحـطـان والـقـايـد مـحـمـد حـشـيـفـان=حالـف مطيـر وحـرب وايضـا السـريـه
ومعكـم بنـي سالـم عـلـى بــن مضـيـان=وحـــروب تـحــت الـرايــه السـالـمـيـه
وادخلت جمع مطير فـي ثـوب صعـران=ودعسـان سمـى مــن حـضـر بطلحـيـه
عن مـن حضـر راجـع مقـلات دعسـان=تـسـعــة فـصـايــل لــطــراد مـحـسـيــه
مــا بـيـن صـعــران ومـابـيـن جـبــلان=وبـراعـصــه والــعـــزوه الـواصـلـيــه
والقـايـد الاعـلـى عـلـى كــل الاركـــان=ابــــن جـــــراد وخـطــتــه عـبـقـريــه
ابــن جـــراد مـعـمـدن مـــن كـحـيـلان=عــنــده عـلـيـكـم يـالـثـلاثـه وصــيـــه
لـو المـدى مطـران وسـيـوف مـطـران=اصـبـح طققـكـم مـــن ورى الثـامـريـه
لــكــن حـالـفـكـم عـلـيـنــا الـفـريـقــان=وبـــن رشـيــد امـــر علـيـكـم خــويــه
وحـنـا رفضـنـا طاعـتـه ســر واعــلان=اوامـــر الـذيــب الــفــروس مـعـصـيـه
حـنـا تحديـنـا غـضـب طـيــر حـــوران=الـلــي مـعــه بـعــض القـبـايـل رعـيــه
تـــدراه شـيـخـان القـبـايـل والاعـيــان=ومــــن زاوره مـنـهــم يــقــدم هــديــه
وحـنــا هـدايـنـا ا لـمـشـوك وشــامــان=وســـــرد الـمـهـاروسـلــة الـنـافـعـيــه
خــذنــا سـنــيــن مـانـهـزعـنـا ولا لان=كـلــن قـنـاتـه فـــي الـمـعــارك قــويــه
وكـنـا نـريـد نـواجـهـه عـنــد بـــرزان=لــكـــن عـاجـلـنــا وجــــــر الــغــزيــه
الضيـغـمـي جـانــا بـخـيــلٍ وفــرســان=وجـانــا يـزعــزع نـــوره الضيـغـمـيـه
وتــم المـواجـه بـيـن شـمــر وعـتـبـان=تـواجـهــوا فــــي سـهـلــةٍ جـرهــديــه
وشـمــر تسـانـدهـم قـبـايـل وعــربــان=وحــنــا تـسـانـدنـا ســيــوفٍ مـحـنـيـه
سيوفٍ تقص الروس من فوق الأمتـان=ويسـوقـهـا عـــزم الـقـلـوب الـجـريــه
وحمي الوطيس وجات روغات الاذهان=وبـــدل طـويــل الــبــاع نــيــه بـنـيــه
لـقـى رجــالٍ فــي المـهـمـات شـجـعـان=ردوه بالسـيـف الـحــدب عـــن نـويــه
وقفـت جمـوعـه كنـهـم جــول غــزلان=مـحــدن يـلــد لــصــوت راع الــرديــه
ولــولا الله انقـذهـم بطـابـور قـصـمـان=ســـرت عـلـيـهـم سـالـفــه سـرمـديــه
ورسـايـل ابــن عبـيـد للشـيـخ راكــان=مـــع لـيــل فـــوق الــحــره العـدمـلـيـه
يخـبـره عــن مـاجــرى يـــم عـــروان=عــن مـاجـرى بـيـن الامـيـر وسـمـيـه
ورســايــل الـعـفــار لـحـمــود تـبـيــان=ردن عــلـــى الـقـصـيــده الـعـنـتـريــه
يـقـولــه يــامــر ويـنـهــاك سـبــهــان=خــلـــك بــظـــل الــرايـــه الـشـمـريــه
لــولا حـسـن نــوخ بذربـيـن الايـمــان=صـــارت علـيـكـم مـعـضـلات الـرزيــه
حـنــا نحـايـرنـا رجـــالٍ لــهــم شــــان=الـلـي لـهــم نـجــد الـعـريـض محـمـيـه
اللـي لهـم فــي نـجـد سلـطـه وسلـطـان=ومضيفـهـم يـوصـف بـعـيـد الضـحـيـه
بقعـيـس يـنـدب عبـدهـم كـــل جـيـعـان=مـثــل الظـمـايـا فـــوق جـــال الـركـيـه
وانـتــم مـطـيـر مسجـلـيـنـن بــديــوان=من ضمن مـن ياخـذ عـن اصلـه هويـه
لا عـنـدكــم زوده ولا فــيــه نـقـصــان=مــن ضـمــن سـكــان الـبــلاد الـعـذيـه
امــنٍ وامــان وخـازيـن كــل شـيـطـان=وكـــل الـعـلـوم الـمـرمـسـات مـغـطـيـه
ميـر البعـض منكـم معـه طولـت لـسـان=صـدورهــم بـــأردى الـكــلام محـشـيـه
يـالـلـي تـكـلــم بـامـتـلاكـك لــلاوطــان=وتمـغـط حــدودك مــن ورى العـاذريـه
مـن راس مالـك كثـرة الحكـي خسـران=لــو حــط لــه فــي كــل جـــون هـبـيـه
يــوم المـزاحـم عـنـد حـلـوات الالـبـان=والـصـلــب والـصــمــان والـجـنـدلـيـه
يـــوم اخـتـلـط عـــج السـبـيـا بـدخــان=غـادرتــو الـديــره بـنـفـسـن رضــيــه
جـلـع ضعنـكـم مـثـل طـيـرن بجـنـحـان=ســرى بـتـالـي الـلـيـل تـسـمـع حـتـيـه
عـنـهـا تحـدتـكـم كـراديــس عـجـمــان=وعـــن الـنـهـار اخـتـرتـو الخرمـسـيـه
بـالـلـيــل غـادرتـوامـنــازل فـنـيـســان=صـارت مـسـاري اللـيـل فيـكـم سجـيـه
واصبـح مـجـزل عنـدكـم تـقـل بسـتـان=وطـويـق وخـشـوم الضـواحـي حـجـيـه
وراكـــان طـرشـلـه رسـالــه لسـلـطـان=يــقــول خـلـيــت الــطـــوال الــرويـــه
خليـت عشـب الصلـب يومـي بـالاردان=وحــنـــا تـولـيـنــا عـلــيــه الـعـشـيــه
نـرعـى مــن القـرعـا لـيـاجـو سـاقــان=ومـــن مـعــرج الـسـوبـان للعـوشـزيـه
ودي علـيـك امسـيـت يـاذخـر وطـبــان=حــتــى تـجـيـكـم يـالـدويــش مـعـبـيــه
وقـبـر الصييـفـي قــد جعلـتـوه مـزبـان=يـــوم ارهـقـتـكـم فـزعـتــن عـامـريــه
مـابـيـن عـجـمـانٍ ومـابـيــن سـبـعــان=الـكــل مـنـهــم قــــد وسـمـكــم بـكـيــه
والمعجـزات العشـر راحـن خـبـر كــان=مامـنـهـن الـلــي بـاقـيــن لــــه بـقـيــه
مفعـولـهـن عـنــد الـمـهـمـات مــابــان=مـافـكـكـم مــــن سـلــبــت الـدحـمـلـيـه
بنـت الاميـر اللـي لـه انصـار واعـوان=والـــزوج امـيــر ومـتـرفــه ومـخـبـيـه
تلة مـن الهـودج ضحـى مشـع الايمـان=وصــارت لـمـن جـــر الـغـزيـه سـبـيـه
قـامــت تـلـفـت للجـمـاعـه والاخـــوان=لــكـــن ردتـــكـــم عـلـيــهــا بــطــيــه
وين اختفـن العشـر عـن مطـرق البـان=مامـنـهـن الــلــي فــكــت العـسـوجـيـه
يازيـن ذلـق الحـكـي مــن بـيـن خــلان=عـلـى الصـحـن والا عـلــى الشـاذلـيـه
سـوالـفـن هـــزلات مـاهـمـب بـسـمـان=مــن العـشـر ســوو قصـتـن مسرحـيـه
شـتـان بـيـن الـفـعـل والـقــول شـتــان=محمـلـكـم الـشـعـب الـسـعـودي زريـــه
لـيــا صـــار لخبارالمـنـاويـخ مــيــزان=صـفـحـت طـرفـكـم بـالـهـزايـم غـنـيــه
امـا الوفـا بالعهـد فـي ماضـي الازمــان=الــكـــم طـريــقــه بـالــوفــا شـقـلـبـيـه
توفـون وتغـدرون فـي بعـض الاحـيـان=اخـبـاركــم مـابـيــن حـسـنــه وســيــه
مـثـل العـهـود السابـقـه مــع صنيـتـان=لا هـــيـــب ســـريـــه ولا مـنـجــويــه
قـلـتــو لـلـمـيـدان يــنـــزل حـمــيــدان=والـخـيــل قــــرح والــريــادي مــديــه
ويوم اختلـط عـج الرمـك وادهـم الـزان=ضاقـت علـى المـطـران نـجـد الفضـيـه
وقمـتـو تـديـرون الـروابــع بـالاذهــان=وكـلـن شـعــم نـــاره بـجـنـب جـعـريـه
وغـادرتـو المـيـدان مـــن قـبــل الاذان=بـالـلـيــل ذلــــــه بــيــنــه لا خــفــيــه
وحـدرتـو القـرنـه ضـعـايـن وسـلـفـان=حـتـيــكــم كـــنـــه حـــتـــي بـــرديـــه
والاتـفـاق الـلـي سـبـق صــار مـجــان=طــــرق الـنـذالــه عـنـدكــم منـهـجـيـه
حلفـن حصـل فـي جوعـرجـا وجـمـران=فــي المعـركـه خــان الـوديـع ودعـيــه
وشاعركـم اللـي يدعـي شلـع الاسـنـان=وهــذي مــن الهـفـوات عـنـده وزيـــه
وهـذا دليـل انــه مــن الغـيـض ملـيـان=ولا لــه عـلـى فـتـل الـحـجـج مـقـدريـه
عنـده مـحـدش مـيـر مـاصـاب نيـشـان=عـــن الــهــدف رصـاصـتــه جـانـبـيـه
وكـــل الـكــلام الـلــي يـقـولـه هـذيــان=لانـــــه يـعــانــي عــلــتــن داخــلــيــه
والحاصـل انـه دب فـي صـورة انسـان=تـلـعـبـه اوهــــام الامــــل والـحـضـيـه
ودو هديـفـتـكـم مـصــحــات عــرفـــان=يـشـخــصــه بـإشـاعــتــن مـقـطـعـيــه
امـــا يـصـيــر انــســان والا حــيــوان=عـقــب تشـخـصـه اجـهــزه مـخـبـريـه
قـــدح شـرارتـهـا بـضـرمـه وصـــوان=الـلــي يـحــط الـســم فـــي الزمـزمـيـه
ويصـبـهـا لـرجــال مـاهـمـب بــذهــان=وده يــســوي فــــي الـبـلــد طـايـفـيــه
كتـاب الغلـط واللـي سعـى فيـه غلـطـان=يـحـيـي عـنـاصـر مــيــت العـنـصـريـه
كتاب السناح اللي مـن الصـدق عريـان=ولالـــــه بــكـــل الـمـجـتـمـع قـابـلـيــه
ومساعـده فـي طـبـع الاوراق شيـخـان=التكـلـفـه مــــن كــيــس راع الـقـريــه
اصبـح لغلـطـة صاحـبـه مـثـل زومــان=يـشـيـلــهــا قــنــطـــار والا وقــــيــــه
منقوووووووول

[ولـــ عتيٌبهًَ ـــد]

صح لسان الشاعر الكبير كديميس بن صالح العتيبــــــيٌ


ويعطيك الله العافيه اخوي .... مالـــهـ امــــان
على هذا النقل المميز وعســـاك على القـــــوه

[القائـــد]

صح لسان الشاعر لكبير كديمس العصيمي

[جااار القمر]

لله دره من شاعر فحل
يستاهل حرث عنها ولقاها
وسمعت انه بيشتكون على الامير سلمان
مير هو الى بدا ويستاهل من عنده قصيده المطيرى يسدحها لنا
مشكوراخوى وبيض الله وجهك

[ماله امان]

ولد عتيــــــــــبه لاهنت على المــــروريالغالي0

تحــــــــياتـــــــــي

[ماله امان]

لاهنت يالعالي علــــــى المـــــرور والتعليق المفــــــيد ويستاهل الـــــــرخيمي

وعلى ماقال ابن عـــــمهم

ياهل العيرات قولو مانقولــه=هوبلوبه ياهل الهجن السمانـــي

وخسارت منزلي بين الهطوله=ليتني ماجاورت هطلان الاذانـي

[ماله امان]

جـــــــار القمـــــــر لاهنت يالغالي على المرور0 تحياتـــــــــــــي0

[مرزوق حمدان العتيبي]

ماني من يفتـح علـى النـاس بيبـان... لكـن ماتمـشـي عـلـي الخطـيـه
..
كديميس مايخطي لكن ياسواد ليل من تعرضه ...
صح لسان ابو صالح ....
يالربع وش سالفة الرخيمي ؟
..

[ماله امان]

مرزوق العتيبي لاهنت على المرور0

ويقال ان الرختـــــــــيمي هجأ كديميس بقصدة حديثاً محوسة من جميع الامور فالوزنيه والمعاني

وكرمتوا مثل سميه الاجبع كل شوي في فمه شليه وقد ردعليه ابوصالح بهذه القصيدة 0

[ابوبسام]

صح السان ابن كديميس
عزالله انه ماظلمهم
مشكوووووور والله يعطي ك الف عافيه
اخونا ماله امان

[ابوبجاد الرويس]

السلام عليكم

مالك امان مشكور على القصيده الجميله

وصح لسان الشاعر الكبير كديميس العصيمي

[عقاب الحويماني]

ماله امان

... لاهنت على الطرح الجميل الذي يحاكي بعض من تاريخ القبيله ..... ويردع من وسوست له نفسه...



....... تقبل مروري المتواضع امام إجادتك في الطرح ......


..... الله يابو صالح صح لسانك والله يندعابك ......



عقاب

[ماله امان]

عقاب الحـــــويماني لاهنت يالغالي على المرور0تحــــــياتــــــي لك ،،،،،،
وياليـــــــت الاداره تثبت هذه القصيده الجزله والمفيده للقبيله من شاعرنا الكبير كديميس ابن صالح0

[مجنون عمشاء]

شاعرنا الكبير كديميس

لايمكن يخطي على احد ابد لانه رجل دين ويخاف الله

ولكن اذا احــــــد تجاوز حدة رد عليه بالفعول الي تبيض الوجه بدون تصنع او نسب اي شي لايستحقه

لان قبيلته الهيـــــــــلا لها بصمات مع جميع القبائل توقفهم عند حدودهم فمن يجروا بالتقليل من شان

الهيـــــــــــلا عليه السلام مشكور اخوي ماله امان

[لطام الصوينع]

بيض الله وجهك اخوي ماله امان وجه من يقرا

وصح السان الشاعر الفحل كديميس العصيمي وعزالله انه وفا وكفا ومهي بغريبه من ابوصالح

[فتى الهيلا]

صح لسان الشاعر العلم كديميس
وبيض الله وجهه


ماله امان
لاهنت على النقل المميز

[مخاوي العتبان]

صح لسان شاعر عتيبه كديميس بن صالح العصيمي


عز الله انه وفى وكفى وياويل من يخطي على كديميس ههههههه

الله يعطي كديميس الصحه والعافيه وهذا جزاء من يخطي على العتبان

[ماله امان]

الاخوان الافاضل/ مجنون عمشاء

ولطام الصوينـــــــــــــــــع / وفتى الهيلأ

لهنتوا يالغالين على المرور والتعليق القــــيم0

تـــــحياتـــــــــي لكم ،،،،

[الجـذع]

قصيده جزله من شاعر تسمى الجزاله بأسمه

صح لسان كديميس العصيمي

ولاهنت يا ماله امان على النقل

[راعي الزلفي]

منتـم مثـل قومـي ولنتـم بـرديـان .... الفـرق واضـح والـدلايـل جلـيـه
انتـم لكـم عـدات وعنـان وسنـان .... لـكـن حـنـا زايـديـن مـزيــه
حنا نعرف نجازي الاحسـان بحسـان ... وراع الطنـا نسقيـه كـاس المنـيـه
عاداتنـا لامـن وجـه السنـه شـان ... يفـرح بنـا اللـي يابسـات شفـيـه



الله الله
كلااااااااااااام
وصح لسان شاعر عتيبه
وامد الله في عمرره

[ربوع نجد]

صح لسان الشاعر الكبير كديميس بن صالح العتيبــــــيٌ


اللى يدور الشر يلقاه ويستاهل سلطان ما جااااااه

[عاشق يوسف]

صح لسان الشاعر كديميس 0
اقروا هذه القصيده التي يتفاخر فيها بقبيلته:-
سـر يالقلم ننقض كلام المحامين ** لصـارت الدعوه حمايا حمانا
نقـض الحجج لابد له من براهين ** ومعنا شــهادة وفا لادعانا

ومن مدنا بالصـاع نجزاه صاعين ** واللي يعادينا عليـه اعـتدانا

كان الحميدي وازملاه متصـافين ** على الحكي فيما ما تقدم حكانا

تلحـقوا غـارات ناسٍ قديمـين ** واخطوا وحنا من خطاهم خطانا

ودام الشـريعه تاخذ العين بالعين ** حنا ما تقضــي الشريعه قضانا

حـنا بميزان المـعاني ثقيـلـين ** وعلى مماشــــينا بعيدٍ مدانا

هيهات لو حولت عكس الموازين ** قضا القضـا فيما مضـى وانتهانا

انتم رجال(ن) بالمعارك غثيـثين ** لكن ما تلحق اخطـاكم اخطانا

حنا عتـيبه ملحقـين المخليـن ** بعنا بســوق الطايلات وشرانا

قوم(ن) على صولات الايام ضارين ** لو عضنا ناب الدهر ما قــوانا

يهابنا الطـماع لو قلبـه اذهـين ** نبطـش محلات الطمـع لاغزانا

لنا ســلـوم(ن) غاليات المثامين ** سـلومنا محدن حملها ســـوانا

في سلم لوماء الوجه عام وشـهرين ** وابخيلنا مامــون داخل حـمانا

ثلاثـماية يوم تزداد ســــتين ** تنحا المنايا عنه هــيبة لـحانا

ومن حده الموت الحمَـر والديايـين ** تخير الحصـن الحصـين ونصانا

وبالحين نـملى فارغـات الموازيـن ** جيب الصحون ومكرمات الصيانا

للضــيف والجيران والمســتحقين ** إليا من وهـاب العطـايا عطانا

ابيوتنا للـضيف مثل البســــاتين يفرح به الملهوف ليلة ضـوانا

نجود بالماجود بالعســـــر واللين ** وضحك الحجاج وما حلا من نبانا

حنا على حفظ المواجيب حرصــين ** مانعطي الطـرقي قراطــيع مانا

والجار لـه واجـب وحنا وفـيين ** ندعيه للكرامــه ولو مـا دعانا

جيـرانا دايم حشـــام وعزيزيين ** وندرا شـرفهم عن كلام اسفهانا

حنا بوجه الجار دايـم جـديديـن يزيد مع زايد اسنـينه وفـانــا

وان جاء نهار المعمعه واللغا الشــين ** نبيع غلا الروح دون اقصــرانا

وان راح ما نشـدق قفاه بسـكاكين ** نحمي مـجاله عقب عنه انتحانا

وخوينا لو هــو من اللي معاديـن ** يأمن بنا في كل درب مشــانا

ولصرنا مع الخوي بدرب(ن) متخاوين ** نرعى الحقوق ولانخون خـويانا

وحنا منازلنا ورا حضــــن ويمين ** هاذيك ديرتنا فيها نشــــانا

وجينا نبا المرباع عند القحاطـــين ** يوم الزمان بحد ســـيفه حدانا

وقالوا لنا ما تاسـع الدار شــيخين ** ونجد العذيه تحت فيت عصــانا

وتشــاوروا طلقين الآريا الحكيمين ** احد(ن) ومر بالحرب واحد(ن) نهانا

واحـتار من يـختار بين الأمـرّين ** اما الدهر ولا ســــيوف اقبلانا

وتقرر المـحدار بالـخـط والقـين ** نمرن فأولـها يـرفرف لــوانا

وندري ما قـدامنا مــزرعة تـين ** لكن على روس الافاعي وطــانا

زحنا قبايل نجد عن نجد قســـمين ** وجينا بـمثـنات البلاد وبـنانا

عاداتنا نخلي ســـــروج المسنين ** وأول موردت الســهوم أومرانا

حمّاية الســـاقات فالـمقليــن ** باموالهـم يرفون فقر فـقـرانا

وليا جاء الامر بين القـــبيلة حليلين ** حلوا مشـاكلنا وحازوا رضانا

وعبدالـعزيز اللي رفع رايـة الـدين ** اللي ليا خم النشـــيط يتوانا

اللي تخاضــــع له رقاب الفراعين ** من هيبتــه كلٍ يـريد الأمانا

بالســـيف صارعناه وسط الميادين ** وانتم تخامرتوا ســوات السمانا

ماعمرنا نذعن لحكم الســــلاطين ** إلا بيوم(ن) ينتصـــر به حدانا

اخبارنا قد هزت الهند والصــــين ** ولا هـمنا الهيس العور لو هجانا

ولو كان فالاعلام ضـــمن المذيعين ** الباع قاصــر والطويل اللسانا

وقولٍ نقولـه ثابتٍ بالـدواويـــن ** وتاريخ نـجد المعتمد مانسـانا

ايام عرجا قد عطتنا نياشـــــين ** وفي ايام معتق يشـهدون اعتقانا

العفو عند الـمقدره للكريـميــن ** وحـنا ليا منا قـدرنا عفــينا

هذا كلام يفّحم المســـــتحقين ** وعاداتنا نقطع لســـان طّلبانا

[ماله امان]

عاشق يوسف بيض الله وجهك على ايراد هذه القصيدة الجزله من الشاعر كـــــديميس ابن صالح

واعتقد انها اطول من ذلك وهي رداً على بعض شعار الحروب0تحـــــــــــياتي وتقديري لك ،،،

[محمد بن قميشه النفيعي]

وقمتـو تديـرون الروابـع بالاذهـان وكلـن شعـم نـاره بجنـب جعريـه

ههههههههههههههههههههههههههههههه

تشبيه قاسي من كديميس

على العموم هذا رد على كل من تسول له نفسه العبث بتاريخ عتيبه وافعالها

شكرآ لصاحب الموضوع

تقبل تحياتي

محمد بن قميشه